Morgunblaðið - 31.01.2020, Blaðsíða 8

8 FRÉTTIRInnlent
MORGUNBLAÐIÐ FÖSTUDAGUR 31. JANÚAR 2020
Gæðavörur
í umhverfisvænum
umbúðum
Kaja organic, Kalmansvellir 3, kajaorganic.com,
kajaorganic@gmail.com
Hollt, bragðgott og þæginlegt
Vegan - Keto - Pascaterian - Glutenlaust
Sölustaðir: Hagkaup, Nettó, Heilsuhúsin, Fjarðarkaup, Melabúðin,
Frú Lauga, Brauðhúsið og Matarbúr Kaju á Akranesi
Verkalýðshreyfingin hefur veriðá villigötum um nokkurt skeið
og hefur lagt sig fram um að keyra
upp launakostnað með þeim afleið-
ingum að fyrirtækin eiga engan
annan kost en að fækka starfs-
mönnum. Mörgum hefur blöskrað
þetta, meðal annars þeim sem eldri
eru úr verkalýðshreyfingunni og
muna þá tíma þegar verkalýðs-
hreyfingin kallaði
kollsteypur yfir
þjóðfélagið með
óraunsæjum kröfum
sem mæta varð með
gengisfellingum og
verðbólgu.
  
Meðal gagnrýn-enda nú er
Þröstur Ólafsson, fyrrverandi
framkvæmdastjóri verkalýðs-
félagsins Dagsbrúnar, sem nefndur
var hér á dögunum. Í fyrradag
steig annar fram, Guðmundur
Ragnarsson, fyrrverandi formaður
Félags vélstjóra og málmtækni-
manna, sem gagnrýnir harkalega
nýjustu kröfur Eflingar.
  
Guðmundur segir: „Þessi svo-kallaða nýja forysta innan
verkalýðsforystunnar komst til
valda út á lýðskrum.“ Hann bendir
á að launakröfum Eflingar muni
fylgja höfrungahlaupið gamal-
kunna, en enginn sem man vill elta
Eflingu út í þann óskemmtilega
leik.
  
Auðvitað er rétt hjá Guðmundiað popúlisminn ræður ríkjum í
verkalýðshreyfingunni hér á landi í
dag. Og undirliggjandi er áhugi
draumórafólks sem telur ekki full-
reynt með sósíalismann og vill beita
verkalýðshreyfingunni til að hrinda
honum í framkvæmd hér. En hlut-
verk verkalýðsfélaga á að vera að
vinna að hag launafólks og það
markmið næst ekki með því að
keyra fyrirtækin um koll eða berj-
ast fyrir alræmdri helstefnu.
Guðmundur
Ragnarsson
Hárrétt gagnrýni
– og hárbeitt
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Sigurður Bogi Sævarsson
sbs@mbl.is
Alls 91% af kolefnisspori á Norður-
landi vestra kemur frá framræstu
mýrlendi. Árangursríka leiðin til að
draga úr útblæstri er því að endur-
heimta votlendi í óræktuðum fram-
ræstum jarðvegi. Þetta kemur fram í
skýrslunni Kolefnisspor Norður-
lands vestra sem Stefán Gíslason og
Birna Sigrún Hallsdóttir hjá Um-
hverfisráðgjöf Íslands unnu fyrir
samtök sveitarfélaga í landshlut-
anum.
Í kynningu segir að ef draga eigi
úr losun gróðurhúsalofts á landvísu
liggi beinast við að endurheimta vot-
lendi – það er að moka ofan í skurði.
Því beri að greina svæði sem koma til
greina með tilliti til notkunar og
eignarhalds. Rannsaka þurfi svæðin
til að meta líklegan árangur sem ráð-
ist af jarðvegi og fleiru.
Votlendi er um 26,8% af flatarmáli
Norðurlands vestra og hafa um 36%
þess verið framræst.
„Við munum fara yfir málið og
setja fram tillögur um aðgerðir til að
minnka kolefnisspor. Það verður
gert í samvinnu við sveitarfélögin, en
samráð við bændur og landeigendur
verður líka nauðsynlegt,“ segir
Unnur Valborg Hilmarsdóttir, fram-
kvæmdastjóri Samtaka sveitarfélaga
á Norðurlandi vestra. sbs@mbl.is
Kolefnissporin koma úr skurðunum
 Kortleggja stöðuna á Norðurlandi vestra  Framræstar mýrar í brennidepli
Morgunblaðið/Sigurður Bogi
Mýri Framræsla í sveit, en nú vilja
margir fremur fylla í skurðina.
Lilja D. Alfreðsdóttir menntamála-
ráðherra setti Bridshátíð í gær-
kvöldi, en mótið fer fram í Hörpu
og stendur fram á sunnudag.
Um 430 spilarar taka þátt í
mótinu, þar af um 150 erlendir
keppendur, flestir frá Norður-
löndum og Bretlandi. Meðal þeirra
en Daninn Dennis Bilde, sem ný-
lega var valinn bridsspilari ársins.
Hann varð í þriðja sæti á Brids-
hátíð í fyrra. Svo vill til að for-
eldrar hans, Morten og Dorte, eru
einnig meðal keppenda, en þau
hafa bæði spilað í landsliðum fyrir
heimalandið.
Keppni í tvímenningi lýkur í
kvöld en sveitakeppni stendur yfir
um helgina. Verðlaunaveiting verð-
ur á sunnudag klukkan 17.
150 erlendir spilarar
með á Bridshátíð
 Menntamálaráðherra setti mótið
Morgunblaðið/Árni Sæberg
Brids Lilja Alfreðsdóttir setur Bridshátíð með viðeigandi hætti í Hörpu.