Morgunblaðið - Sunnudagur - 25.01.2020, Blaðsíða 32

SUNNUDAGUR 26. JANÚAR 2020
TRATTO model 2811
L 207 cm Áklæði ct. 70 Verð 335.000,-
L 207 cm Leður ct. 10 Verð 439.000,-
Skeifunni 8 | Sími 588 0640 | casa.is
DUCA model 2959
L 215 cm Áklæði ct. 83 Verð 395.000,-
L 215 cm Leður ct. 25 Verð 585.000,-
ESTRO model 3042
L 198 cm Áklæði ct. 70 Verð 269.000,-
L 198 cm Leður ct. 15 Verð 385.000,-
KIPLING model 3088
L 214 cm Áklæði ct. 70 Verð 345.000,-
L 180cm Áklæði ct. 70 Verð 325.000,-
ítölsk hönnun – ítölsk framleiðsla
JEREMY model 2987
L 202 cm Áklæði ct. 86 Verð 495.000,-
L 202 cm Leður ct. 30 Verð 669.000,-
Undrun og almenn ógleði hefur hrjáð áhangendur Ars-
enal í vetur enda liðið þeirra á framandi slóðum í ensku
úrvalsdeildinni; aðeins sjö stigum frá fallsæti þegar fjór-
tán umferðir eru óleiknar. Einn maður hefur þó yljað
mannskapnum; brasilíski táningurinn Gabriel Martinelli,
sem gerði tíunda mark sitt á leiktíðinni í öllum keppnum
í vikunni eftir ævintýralegan sprett vítateiga á milli í 2:2-
jafntefli gegn Chelsea á Stamford Bridge.
Martinelli, sem verður nítján ára í júní, er þar með
fyrsti táningurinn til að gera tíu mörk eða meira fyrir
Arsenal á einni leiktíð í 21 ár; Nicolas Anelka var sá síð-
asti, veturinn 1998-99. Raunar hefur aðeins einn tán-
ingur skorað fleiri mörk í sterkustu fimm deildum Evr-
ópu á þessum vetri, Englendingurinn Jadon Sancho fyrir
Borussia Dortmund í Þýskalandi, þrettán talsins. Ekki
nóg með það, vinnuframlag piltsins hefur einnig vakið
aðdáun en Fredrik Ljungberg, aðstoðarþjálfari Arsenal,
líkti honum nýverið við Duracell-kanínu. Sem dæmi má
nefna að Martinelli tók 26 kraftspretti gegn Chelsea, tólf
fleiri en næsti maður á vellinum. Hann kom til Arsenal í
fyrra frá brasilíska D-deildarliðinu Ituano.
Martinelli hefur leyst markahæsta leikmann Arsenal,
Pierre-Emerick Aubameyang, af hólmi í síðustu leikjum
en hlýtur að halda sæti sínu í liðinu þegar Gabonmað-
urinn snýr aftur eftir leikbann. Ekki veitir víst af ætli
Arsenal að leggja falldrauginn, þann auma dólg, til hvílu.
Gabriel Martinelli hljóp af sér hálft
Chelsea-liðið áður en hann skoraði.
AFP
Tindilfættur táningur
Brasilíski táningurinn og tófusprengurinn Gabriel Martinelli hefur verið
ljósið í myrkrinu hjá Arsenal í ensku úrvalsdeildinni á yfirstandandi vetri.
Kosið var til bæjarstjórnar í
Reykjavík (eins og það kallaðist
þá) í lok janúar árið 1950 og
hraus Víkverja í Morgunblaðinu
hugur við niðurstöðum, næði
Sjálfstæðisflokkurinn ekki hrein-
um meirihluta.
„Ef svo ólíklega skyldi fara að
enginn flokkur fengi meirihluta í
bæjarstjórninni, sem kosin verð-
ur á sunnudaginn kemur – en
Sjálfstæðisflokkurinn einn hefir
von um hreinan meirihluta – þá
yrði hristingsborgarstjórn, þar
sem flokkarnir yrðu að hræra sig
saman um stjórn bæjarins,
næsta kjörtímabil,“ skrifaði Vík-
verji.
„Þá myndi skapast í bæjar-
stjórn Reykjavíkur sama öng-
þveitið, sem ríkir á Alþingi og
hefir orðið þjóðinni nokkuð
dýrt. Fáir Reykvíkingar munu
vilja stuðla að því. Og hver yrði
svo borgarstjóri hristingsins?
Einhver bitlingadindill rauðu
flokkanna, sem ekki hefir verið
hægt að nota til neinnrar vinnu
annars staðar.“
Víkverja til fróunar fékk Sjálf-
stæðisflokkurinn hreinan meiri-
hluta, 50,8% og 8 menn kjörna af
15. Gunnar Thoroddsen var
áfram borgarstjóri.
GAMLA FRÉTTIN
Enga bit-
lingadindla
Gunnar Thoroddsen og sjálfstæðismenn fengu góða kosningu í bæjar-
stjórnarkosningunum 1950 og héldu meirihluta sínum í Reykjavík.
Morgunblaðið/Ólafur K. Magnússon
ÞRÍFARAR VIKUNNAR
Silli Geirdal
bassaleikari Dimmu
Jón Páll Eyjólfsson
leikari og leikstjóri
Leó Árnason
hjá Sigtúni þróunarfélagi