Morgunblaðið - Sunnudagur - 25.01.2020, Blaðsíða 19

„Við vinnum mikið með stefnumótun, ferðaþjónustu og
innanhússhönnun. Við nálgumst hvert verkefni á þann hátt
að við byrjum á því að greina þarfir notandans og umhverfi
staðarins. Það er okkur mikilvægt að horfa á hvernig við get-
um byggt á því sem fyrir er, hvort sem það er bygging, skipu-
lag, menning eða landslag. Verkefnin okkar mótast mikið af
anda staðarins og við vinnum náið með viðskiptavinum okk-
ar. Við leitumst við að skapa arkitektúr með sál og sjálfbærni
er alltaf höfð að leiðarljósi,“ segir hún.
Það á nú aldeilis við um smáhýsið Ösku sem stendur við
Mývatn.
„Aska er tveggja manna smáhýsi, eins konar lúxus hótel-
herbergi fyrir fólk sem vill vera „prívat“, í nálægð við hraunið
og náttúruna. Húsið er einungis 20 fm að innanmáli og inn-
réttað með svefnherbergi, baði og opnu eldhúsi. Úr eldhúsinu
er stór gluggi með útsýni yfir hraunið og Mývatn.
Húsið er hannað og byggt fyrir Hlíð ferðaþjónustu í Mý-
vatnssveit og hægt er að leigja húsið í gegnum þau.
Húsið er á verndarsvæði við Mývatn og þess vegna var
mikil áhersla lögð á náttúrulegt efnisval og að gæta umhverf-
isins við allt byggingarferlið. Viður er ráðandi efni í húsinu.
Hann er bæði notaður sem burðarvirki og sem klæðning, inni
og úti.
Nafnið Aska kemur frá dökku klæðningunni. Í stað þess að
mála húsið er klæðningin brennd eftir eldgamalli japanskri
aðferð sem kallast „shou sugi ban“. Aðferðin verndar viðinn í
langan tíma og þess vegna þarf hvorki að nota málningu né
viðarvörn á húsið. Dökki liturinn lýsist og gránar með tím-
anum og minnir þá á hraunið í kring.
Í andstöðu við dökka utanhússklæðninguna er húsið að
innan klætt furukrossviði. Það er mikið líf í furunni og hún
gefur rýminu að innan hlýja stemningu,“ segir Aldís.
Hvað verður mest „inn“ 2020?
„Velja vistvænt efni og samnýta rými. 2020 verður meiri
fókus á vistvænt efni.
Við erum orðin meira og meira upptekin af að borða líf-
rænan mat og klæða okkur í föt sem eru ekki full af eitur-
efnum. Það sama á við um efnisval í hönnun og arkitektúr.
Vistvæn málning verður vinsælli og endingargóð náttúruefni
eins og linoleum, korkur og steinn verða tekin fram fyrir
gerviefni.
Það er mikil áhersla í arkitektaheiminum í dag á sveigjan-
leika og samnýtt rými. Það þarf að vera hægt að nýta bygg-
ingar í mismunandi tilgangi og með blandaðri notkun. Það er
meiri sjálfbærni í byggingum sem eru í notkun allan ársins
hring og mestan hluta sólarhringsins. Hér á stofunni höfum
við til dæmis unnið mikið með skrifstofuhúsnæði sem hefur
aðra notkun eftir kl. 17 á daginn og mötuneyti sem eru kaffi-
hús og veitingastaðir á kvöldin. Byggingar með blandaðri
notkun geta einnig verið hótel sem eru ekki einungis fyrir
hótelgesti heldur eru með veitingastað sem er öllum opinn og
skólar sem nýtast sem samkomuhús fyrir fólk á öllum aldri,“
segir hún.
Úr eldhúsinu er hægt
að labba út í garð.
Grængráu flísarnar í eldhúsinu
hressa rýmið við þar sem allar
klæðningar eru úr furu-krossviði.
’ Það eru ákveðnir staðir, bæði landslag,bæir og rými þar sem manni líður straxeins og heima hjá sér og aðrir staðir semmaður þarf tíma til að venjast áður en mað-
ur getur slappað af. Ég hef verið upptekin af
því að greina hvað það er í umhverfinu sem
gerir það að manni líður vel á þessum stöð-
um og þaðan kemur innblásturinn að nafn-
inu á teiknistofunni, Studio Heima.
26.1. 2020 MORGUNBLAÐIÐ SUNNUDAGUR 19

Baðherbergið er flísalegt
með hvítum klassískum flís-
um og er rýmið nýtt til fulls.
STILLANLEG RÚM • HEILSURÚMOG -DÝNUR • GAFLAR • SÆNGUR • KODDAR • SVEFNSÓFAR • STÓLAR • SÆNGURFÖT, O.FL.