Morgunblaðið - 09.04.2020, Side 10
10 FRÉTTIRInnlent
MORGUNBLAÐIÐ FIMMTUDAGUR 9. APRÍL 2020
Flatahrauni 7 | 220 Hafnarfirði | Sími 565 1090 | www.bjb.is
Fékk bíllinn
ekki skoðun?
Aktu áhyggjulaus í burt á nýskoðuðum bíl
Sameinuð gæði
BJB-Mótorstilling þjónustar
flesta þætti endurskoðunar
anngjörnu verði og að
ki förum við með bílinn
n í endurskoðun, þér
kostnaðarlausu.
á s
au
þin
að
Töluverður munur er á afstöðu fé-
lagsmanna Félags atvinnurekenda
til aðgerða til stuðnings fyrir-
tækjum vegna kórónuveirufarald-
ursins eftir því hvort um er að
ræða aðgerðir ríkisins eða aðgerð-
ir sveitarfélaganna. Fyrirtækin
eru mun ánægðari með aðgerðir
ríkisins samkvæmt niðurstöðum
könnunar sem FA gerði meðal
félagsmanna sinna.
Þannig voru 64% annaðhvort
mjög ánægð eða ánægð með að-
gerðir ríkisins, 25% voru hvorki
ánægð né óánægð og 11% voru
óánægð eða mjög óánægð.
Aftur á móti voru einungis 17%
mjög ánægð eða ánægð með að-
gerðir sveitarfélaganna, 40% sögð-
ust hvorki ánægð né óánægð en
43% fyrirtækja voru óánægð eða
mjög óánægð.
Þrátt fyrir erfiðleika sem steðja
að fyrirtækjum vegna heimsfarald-
ursins ríkir nokkur bjartsýni með-
al forsvarsmanna fyrirtækja um
framhaldið og telja 88% þeirra
mjög líklegt eða líklegt að fyrir-
tæki þeirra komist í gegnum erfið-
leika í rekstri. Tímabundin niður-
felling tryggingagjalds og
fasteignaskatta sveitarfélaga á at-
vinnuhúsnæði eru úrræði sem fyr-
irtækjastjórnendur telja að muni
hjálpa þeim mest. Í ljós kom að
53% fyrirtækja hafa leitað til við-
skiptabanka síns vegna erfiðleika
af völdum heimsfaraldursins og af
þeim voru samtals 46% mjög
ánægð eða ánægð með viðbrögð
bankans.
Könnunin var gerð dagana 6. til
8. apríl sl. og var send til 158 fyr-
irtækja með beina aðild að FA. Af
þeim svöruðu 75 fyrirtæki eða
47,5%.
Mun sáttari við rík-
ið en sveitarfélögin
Félag atvinnurekenda með könnun
Sigurður Bogi Sævarsson
sbs@mbl.is
„Fljótið finnur sér alltaf farveg,
hverjar sem fyrirstöðurnar eru, og
kærleikurinn kemur fram með
ýmsu móti,“ segir sr. Ninna Sif
Svavarsdóttir, sóknarprestur í
Hveragerði.
„Hér í bæ er fal-
legt og gott
samfélag, þar
sem fólk stendur
saman eins og
einn maður þeg-
ar eitthvað bját-
ar á. Í sam-
komubanninu nú
hefur fólk með ýmsu móti látið
samhug sinn og góðan vilja í ljós
með ýmsu móti. Í síðustu viku
kveikti fólk í nánast hverju einasta
húsi hér á kerti og setti fyrir fram-
an hús sín og gerði það í minningu
hjóna hér í bæ sem létust af völd-
um Covid-19. Þetta var falleg stund
sem lengi verður minnst.“
Faraldurinn beit bæjarlífið
Í gær var staðan varðandi
kórónuveiruna í Hveragerði sú að
14 manns voru í sóttkví og þrír
sýktir í einangrun. Faraldurinn
hefur annars bitið bæjarlífið fast. Í
upphafi hans voru um 250 nem-
endur grunnskólans sendir í sóttkví
eftir að einn af kennurunum
greindist með veiruna. Á tímabili
voru raunar um 500 Hvergerðingar
í sóttkví, sem lætur nærri að vera
um fimmtungur bæjarbúa.
„Þetta hefur verið erfitt, en núna
finnst mér aðeins vera að rofa til.
Varna vegna hef ég annars lítið hitt
sóknarbörnin mín að undanförnu,
en er mikið í símanum og tölvunni.
Bæði leitar fólk til mín og svo hef
ég líka lagt mig eftir að finna og
hringja í fólk sem er í erfiðri stöðu,
er hugsanlega eitt á báti eða á ein-
hverra hluta vegna undir högg að
sækja,“ segir Ninna Sif, sem
kveðst greina kvíða meðal sókn-
arbarna sinna og annarra sem til
hennar leita á þessum erfiðu stund-
um.
„Margir eru óttaslegnir vegna
kórónuveirunnar og afleiðinga
hennar. Í samtölum mínum við fólk
síðustu daga hef ég svo fundið líka
að margir hafa fjárhagsáhyggjur
vegna þeirrar efnahagskreppu sem
er yfirvofandi. Þegar blikur eru á
lofti er kvíði mjög eðlilegur og
mannleg viðbrögð. Við þær að-
stæður er mikilvægt að færa
áhyggjur sínar í orð við einhvern
sem fólk treystir eða leita í bænina,
eins og ég geri. Slíkt bæði sýnir og
veitir fólki styrk.“
Boðskapurinn kemst
á framfæri
Sr. Ninna Sif hefur verið búsett í
Hveragerði um langt árabil en tók
við embætti sóknarprests þar í
desember á síðasta ári. Í samkomu-
banni liggur allt starf í Hveragerð-
iskirkju niðri þessa dagana.
„Já, það er undarlegt að fara inn
í dymbilviku án þess að vera með
neina athöfn. Slíkt er nokkuð sem
ég reiknaði aldrei með að lenda í.
En lífið er alltaf að kenna manni
eitthvað nýtt – og það er mikilvægt
að geta mætt aðstæðunum eins og
þær blasa við hverju sinni. Pistlar
sem ég hef sett inn á netið og sam-
félagsmiðla hafa mælst vel fyrir og
áhorfendur eru margir – en þarna
hef ég flutt hugvekjur og stundum
haft organistann og kirkjukórinn
mér til halds og trausts. Þannig
kemst á framfæri boðskapur sem
er mörgum mikilvægur. Raunar
hefur kirkjan verið mjög dugleg að
undanförnu að nýta sér tölvu-
tæknina til að eiga samtal við fólkið
í landinu – og eins hafa greinar
presta sem birst hafa í Morgun-
blaðinu mælst vel fyrir, að best ég
veit,“ segir sóknarpresturinn í
Hveragerði að síðustu.
Kærleikurinn finnur
sér alltaf farveg
Kórónuveiran í Hveragerði og margir leita til kirkjunnar
Morgunblaðið/Kristinn Magnússon
Sóknarprestur Þegar blikur eru á lofti er kvíði eðlilegur, segir sr. Ninna Sif.
Kristján H. Johannessen
khj@mbl.is
Kórónuveiran og aðgerðir stjórn-
valda til að hefta útbreiðslu hennar
hafa gjörbreytt ásýnd og verslun
við Laugaveg í Reykjavík. Þar sem
eitt sinn var fjölbreytt mannlíf og
ferðamenn í hópum eru nú fáir á
ferli og auð bílastæði.
Vigdís Hauksdóttir, borgar-
fulltrúi Miðflokksins, undrast að
Reykjavíkurborg leggi sig ekki
meira fram við að bæta aðgengi að
verslunargötunni og auðvelda þann-
ig kaupmönnum að ná til við-
skiptavina. Nefnir hún í því sam-
hengi m.a. breytta akstursstefnu á
hluta Laugavegar sem tók gildi í
maí 2019. Segir hún borgina eiga að
gera Laugaveg að einstefnu á ný
enda hafi einkabíllinn styrkt stöðu
sína mjög nú þegar fólk forðast al-
menningssamgöngur og fjölmenni.
Fyrst meirihlutinn nú veiran
„Þegar borgin sneri einstefnunni
á sínum tíma var það hrein og klár
ögrun við kaupmenn. Og það sér
ekki nokkur maður tilganginn með
þessari aðgerð. Það eina sem hún
gerir er að rugla fólk og búa til
stjórnleysi að ástæðulausu,“ segir
Vigdís og bætir við að hún hafi lagt
til fulla opnun og einstefnu á Lauga-
vegi á fundi borgarráðs í mars sl.
Þeirri tillögu var hins vegar hafnað.
Vigdís segir marga kaupmenn hafa
haft samband og lýst erfiðri stöðu.
„Staðan er orðin algjörlega
óbærileg hjá þessu fólki sem er að
reyna að halda þarna úti rekstri.
Fyrst þurfti þetta fólk að glíma við
þráhyggju meirihlutans fyrir lok-
unum og svo skellur veiran á,“ segir
hún og heldur áfram: „Þetta svæði
verður dauðs manns gröf. Það sést
þarna varla maður á ferli.“
Morgunblaðið setti sig í samband
við nokkra kaupmenn. Sögðu þeir
allir þörf á því að gera götuna að
einstefnugötu á ný. Slíkt myndi
auka líkurnar á komum fólks þang-
að.
„Það er fáránlegt að snúa götunni
svona við nú þegar ástandið er eins
og það er í þjóðfélaginu. Auðvitað á
að taka af þessa hringavitleysu sem
enginn botnar neitt í,“ segir Brynj-
ólfur Björnsson, eigandi Brynju.
Jón Sigurjónsson gullsmíðameist-
ari segir ruglinginn með aksturs-
stefnuna vera algjört hneyksli.
„Það er ekki hægt að bjóða okkur
upp á svona bull og að ekki sé búið
að taka þetta af núna er ótrúlegt,“
segir hann og bætir við að Lauga-
vegur muni að líkindum breytast
mjög vegna ástandsins í þjóðfélag-
inu. „Túrismanum, veitingastöðum
og hótelum var óhindrað hleypt af
stað hérna. Núna er þetta allt að
hrynja og eftir munu standa tóm
pláss,“ segir Jón.
Vilja Laugaveg aftur í einstefnuátt
Borgarfulltrúi segir Laugaveg nálgast það að vera „dauðs manns gröf“ Kaupmenn orðnir
þreyttir á ruglingi í akstursstefnu Það er ekki hægt að bjóða okkur upp á svona bull, segir einn
Morgunblaðið/Eggert
Breytt staða Þessi hvítabjörn var oft vinsælt myndefni meðal ferðalanga sem nú sjást ekki lengur í bænum. Skannaðu kóðann
til að lesa meira á
mbl.is