Morgunblaðið - 28.04.2020, Blaðsíða 32

„Við höfum bara verið að ræða saman um framhaldið
og höfum horft aðeins fram í tímann,“ segir Guð-
mundur B. Ólafsson, formaður Handknattleiks-
sambands Íslands, spurður um viðræður við landsliðs-
þjálfarann Guðmund Þ. Guðmundsson. Þjálfarinn gat
þess í samtali við RÚV um helgina að hann hefði rætt
við HSÍ um áframhaldandi samstarf.
„Það má alveg segja að áhugi sé hjá báðum aðilum
að halda þessu áfram en ekki er komin nein niður-
staða,“ segir Guðmundur B. í viðtali við blaðið. »27
Ekki komin niðurstaða en áhugi á
áframhaldandi samstarfi til staðar
Kristín Heiða Kristinsdóttir
khk@mbl.is
„Við ætlum að nýta lífrænan úrgang
hjá okkur sem fóður fyrir hænur og
orma, en skepnurnar gefa okkur í
staðinn áburð og egg. Þannig fræð-
um við börnin um hringrás og sjálf-
bærni náttúrunnar,“ segir Sigrún
Hulda Jónsdóttir, leikskólastjóri
Heilsuleikskólans Urðarhóls í Kópa-
vogi, en þar er nú verið að undirbúa
komu hænsna og rauðorma.
„Við fengum styrk frá Sprotasjóði
menntamálaráðuneytis til að þróa
verkefni fyrir næsta skólaár. Við er-
um að innleiða Heimsmarkmið Sam-
einuðu þjóðanna í skólastarfið og
ákváðum að taka fyrir tólfta mark-
miðið, sem snýr að sjálfbærni og að
sporna við matarsóun. Við tókum
þessa ákvörðun út frá umhverfis-
vernd, sem er einn af þeim þáttum
sem við höfum verið að vinna með.
Til að sporna við matarsóun
ákváðum við að auka ábyrgð í
matarinnkaupum og nýta matar-
afganga okkar. Við skoðuðum
hversu miklu við köstum í ruslið af
lífrænu sorpi í hverjum mánuði, og
það var ansi mikið. Við vildum því
endurnýta og vera meira sjálfbær og
partur af því er að fá hænur í garð-
inn við leikskólann. Hænurnar munu
taka að sér að éta matarafganga og
börnin fá að gefa þeim þegar þau eru
í skólanum. Við ætlum líka að fá okk-
ur sérstaka rauðorma sem við verð-
um með inni í leikskólanum í kössum
en þessir ormar brjóta niður líf-
rænan úrgang, matarafganga og
breyta í jarðveg og áburð. Við ætlum
að nýta þennan áburð sem og skítinn
úr hænunum til að græða upp sár í
brekku á leikskólalóðinni þar sem
börnin hafa mokað holur. Við ætlum
því að taka flag í fóstur nú þegar
frost er farið úr jörðu,“ segir Sigrún
og bætir við að til standi að fá for-
eldra barnanna með í þessa vinnu.
„Þannig viljum við auka meðvit-
und um nauðsyn þess að sporna við
matarsóun og vekja ábyrgð á eigin
neyslu. Hugmyndin er að foreldrar
geti sótt um að vitja hænsnanna um
helgar og gefa þeim matarafganga
og fá egg úr þeim að launum. Þetta
kemur inn á samvinnu heimilis og
skóla, því öll getum við gert eitthvað
í þessari baráttu um betri heim. Að
gefa hænunum um helgar verður
ekki kvöð, heldur val fyrir þá sem
vilja.“
Sigrún tekur fram að ekki sé að-
eins nauðsynlegt að auka umhverfis-
vitund frá blautu barnsbeini, heldur
sé líka hollt fyrir öll börn að um-
gangast dýr og taka þátt í umönnun
þeirra.
„Við ætlum líka að rækta okkar
eigið grænmeti til að borða í leik-
skólanum, gúrkur, tómata og maís.
Núna erum við að sá og útfæra
hvernig við tökum á móti hænum og
ormum. Við ætlum að nýta vorið og
sumarið til að byggja útigerði fyrir
hænurnar. Þetta er spennandi og
skemmtilegt og hænurnar koma
fljótlega, þegar aðstaðan hér hefur
verið tekin út. Það er mikil tilhlökk-
un hjá öllum,“ segir Sigrún og bætir
við að verkefnið nái til um 450
manns.
„Vonandi kemur það fólk til með
að hrífa fleiri með sér. Okkur langar
til að verkefnið veki samkennd innan
leikskólasamfélagsins, það skiptir
máli að börnin tileinki sér þennan
lífsstíl til að taka með sér út í lífið.“
Morgunblaðið/Kristinn Magnússon
Leikur Börnin á Urðarhóli nutu þess að leika sér úti í gær í veðurblíðunni,
en eins og sjá má eru næg verkefni til uppgræðslu á leikskólalóðinni.
Börnin hlakka til að fá
hænur og orma hingað
 Foreldrar geta sótt um að vitja hænsnanna um helgar
Leikskólastjóri Sigrún Hulda
hlakkar til, ekki síður en börnin.
Í fyrra Sigrún og börnin að kryfja
hænuegg sem klöktust ekki út.
Smiðjuvegi 9 · 200 Kópavogi · Sími 535 4300 · axis.is
AXIS framleiðir
eldhúsinnréttingar
í miklu úrvali
Val er um mismunandi útlit,
viðartegundir og fleira.
Viðskiptavinum stendur til boða
aðstoð hönnuða AXIS,
við að teikna upp og útfæra
innréttingar og skápa.
Hjá AXIS er veitt ráðgjöf um val á
innréttingum en sjá má nokkurn
hluta úrvalsins í glæsilegum
sýningarsal AXIS, Smiðjuvegi 9
í Kópavogi.
Vandaðar íslenskar
innréttingar
Meðan samkomu-
bann varir hafa
stjórnendur
Hörpu, Sinfón-
íuhljómsveitar Ís-
lands og Íslensku
óperunnar tekið
höndum saman
um lifandi tónlist-
arstreymi úr Eld-
borgarsalnum
flesta morgna
klukkan 11. Óperan býður iðulega upp á „aríu dagsins“
sem er þá flutt af einsöngvara sem er kynntur þegar
hann stígur á svið og er meðleikari Bjarni Frímann
Bjarnason. Í dag kl. 11 kemur í ljós hver syngur með
Bjarna en í gær flutti Agnes Thorsteins aríuna „Fia
dunque vero“ úr óperunni La Favorita og má sjá flutn-
ing hennar, og fleiri frá síðustu vikum, á Facebook-síðu
Íslensku óperunnar.
Söngvarar syngja aríur í boði
Íslensku óperunnar beint úr Hörpu
ÞRIÐJUDAGUR 28. APRÍL 119. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
ÍÞRÓTTIR MENNING