Fréttablaðið - 01.10.2020, Page 32

FÓTBOLTI „Það er verið að leggja
lokahönd á skýrslu og kynningu á
henni og þá verðum við með við-
bótargagn við þá miklu rýnivinnu
sem hefur farið fram. Þá þarf að
fara yfir málin með stjórnvöldum
og átta sig á stöðunni,“ segir Guðni
Bergsson, formaður KSÍ, aðspurður
hvað sé að frétta ef nýjum Laugar-
dalsvelli.
Guðmundur Kristján Jónsson,
skipulagsfræðingur og einn af þeim
sem gerðu eina af fyrstu skýrsl-
unum um nýjan Laugardalsvöll,
skrifaði grein fyrir skömmu þar
sem hann hafði heyrt orðróm um að
fyrirliggjandi vinnu og greiningum
hefði verið sópað út af borðinu og
verkefnið endurræst. „Ferli á borð
við þetta er kunnuglegt í opinberri
stjórnsýslu og ekki annars að vænta
en að ný skýrsla líti brátt dagsins
ljós,“ skrifaði hann í pistli sínum
sem birtist á Vísi.
Guðni segist hafa þá trú, og vera
búinn að hafa síðan hann steig fyrst
inn á skrifstofu KSÍ, að nýr völlur
muni rísa. Hann sé jú orðinn um 60
ára gamall, byggður 1957 og þörfin
sé mikil. „Á endanum verður tekin
ákvörðun um að endurbyggja Laug-
ardalsvöll, en það er trúlega ekki
að fara gerast á morgun eða hinn.
En það er mín staðfasta trú að við
getum boðið upp á nýjan völl fyrr
en síðar,“ segir formaðurinn. – bb
Styttist í viðbótargagn um þjóðarleikvang
Hitalagnir voru settar í völlinn í ágúst með töluverðu jarðraski, skömmu
fyrir landsleikina gegn Svíum og Englendingum. FRÉTTABLAÐIÐ/EYÞÓR
Fjórar sviðsmyndir
Fjórar sviðsmyndir koma til
greina við endurnýjun Laugar-
dalsvallar. Að aðstaða verði að
mestu leyti óbreytt eða með
lágmarksbreytingum og lagfær-
ingum. Að farið verði í viðbætur
og framkvæmdir á núverandi
aðstöðu til að uppfylla alþjóð-
lega staðla. Að byggður verði
opinn knattspyrnuvöllur með
allt að 17.500 sætum, eða fjöl-
notaleikvangur með opnanlegu
þaki með allt að 20.000 sæti.
FÓTBOLTI Gunnar Nielsen, mark-
vörður FH og færeyska landsliðsins,
segir ævintýri KI Klaksvíkur vera
skemmtilegt áhorfs, jafnvel fyrir
sig sem grjótharðan HB-stuðnings-
mann. Klaksvíkurliðið mætir í dag
liði Dundalk, í einvígi um hvort
liðið komist í riðlakeppni Evrópu-
deildarinnar. Íslensk félagslið hafa
lengi átt þann draum að komast í
þá stöðu sem Klaksvík er í, en Evr-
ópuúrslit undanfarin ár benda til
að íslenskur fótbolti standi þeim
færeyska langt að baki. Í frétt Elvars
Geirs Magnússonar, ritstjóra fót-
bolta.net, er sagt að augu heimsins
beinist að Klaksvík í Færeyjum.
Færeyskur fótbolti er að gera eitt-
hvað betur en sá íslenski, því fyrir
utan velgengni Klaksvíkur vann
B36 þrjá leiki í Evrópukeppninni
áður það féll út fyrir CSKA frá Sofíu.
Í síðasta landsliðsglugga hrósuðu
Gunnar og félagar sigri í báðum
leikjum sínum. Trúlega langar
engan að rifja upp hörmungarnar
sem íslensku félögin buðu upp á að
þessu sinni í Evrópukeppninni, en
gengi íslenskra liða hefur verið svo
slæmt að undanförnu að UEFA mun
taka eitt Evrópusæti af deildinni
2022.
„Ég er auðvitað HB-maður en ef
þeir fara áfram yrði það frábært
fyrir færeyskan fótbolta. Ég held
að allir Færeyingar vonist eftir
að Klaksvík komist áfram,“ segir
Gunnar, en hann mun missa af
leiknum þar sem lið hans FH mætir
Stjörnunni í kvöld.
Gunnar segir að umræðan hafi
verið lík í Færeyjum og hér. Hvernig
geti lið þaðan komist í riðlakeppn-
ina. „Að sjálfsögðu þarf maður
heppni og allt það, en þetta er risa-
stórt tækifæri fyrir Klaksvík því
þetta er bara einn leikur. Venjulega
eru þetta alltaf tveir leikir en núna
eru þetta bara 90 mínútur. Ég vona
auðvitað að þeir komist áfram, ekki
spurning.“
Hann segir að árangurinn sé eftir-
tektarverður og að hans viti hafi
ekki orðið nein stefnubreyting hjá
færeyska knattspyrnusambandinu
til að draumurinn gæti orðið að
veruleika. „Það er margt í þessu. Það
er kominn aðeins meiri peningur í
færeyskan fótbolta og Klaksvík
er með mjög gott lið. Þeir eru með
halfsenterapar sem er í landsliðinu
og eru með góðan hóp, góða útlend-
inga, sem hafa styrkt liðið mikið og
svo er þetta heppni líka. Það er bara
einn leikur, sem skiptir miklu máli.
Það er erfitt að benda á eitthvað eitt
atriði sem útskýrir þessa velgengni,
heldur er þetta blanda af mörgum
hlutum.“
Allir knattspyrnuvellir í Færeyj-
um eru á gervigrasi. Það er passað
upp á að þeir séu opnir, þannig að
krakkar mega vera á vellinum að
leika sér og hjá þeim eru boltar sem
börn mega nota. Þreföld umferð
er í Færeyjum og peningarnir og
aðstaðan er alltaf að verða meiri og
betri. Svona mætti áfram telja.
„Einu sinni var talað um að of
margir leikmenn væru að spila
erlendis, sem væri ekki gott fyrir
landsliðið. Svo komu margir heim
og þá var það líka slæmt. Í ár er ekki
bara Klaksvík að standa sig vel því
B36 stóð sig líka vel. NSÍ fór líka
áfram. Við erum bara 50 þúsund
en það er allt í kringum fótboltann
orðið betra að undanförnu.“
Vinni Klaksvík og komist í riðla-
keppnina er hætt við að liðið verði
enn sigursælla heima við. Liðið
hefur unnið 18 titla og tók titilinn
af Heimi Guðjónssyni og liði Gunn-
ars, HB, í fyrra. Þá hefur félagið lyft
bikarnum sex sinnum. „Það er samt
þannig að ef Klaksvík fær alla þessa
peninga og styrkir sig þá þurfa hin
liðin líka að stækka og stíga upp.
Elta þá, þannig að allur færeyski
fótboltinn styrkist. Ég horfi á þetta
þannig.“ benediktboas@frettabladid.is
Allir Færeyingar halda með
Klaksvík í rúmar 90 mínútur
Klaksvík er einum leik frá því að komast í riðlakeppni Evrópudeildarinnar, en vinni liðið Dundalk er
færeyskt lið komið á þann stað sem íslensk lið hefur dreymt um í fjölmörg ár. Gunnar Nielsen, mark-
vörður FH og færeyska landsliðsins, segir að vinni liðið muni það hjálpa fótboltanum heima fyrir.
Leikmenn Klaksvíkur eru á Írlandi þar sem þeir undirbúa sig fyrir stærsta leik í sögu færeyska fótboltans. Liðið
hefur unnið tvo leiki á Evrópuferðalaginu, meðal annars 6-1 við Dinamo Tbilisi. Hér eru leikmenn í Sviss. MYND/EPA
Mikkjal Thomassen tók við Klaks-
víkurliðinu fyrir fimm árum.
Gunnar, markvörður FH, nær ekki
leiknum í kvöld gegn Dundalk.
Evrópuúrslit Færeyinga
B-36 vann St. Josephs frá Gíbralt-
ar 1-2 á útivelli, áður það vann
Levadia frá Eistlandi á heimavelli
4-3. Um miðjan mánuðinn unnu
þeir TNS frá Wales í vítaspyrnu-
keppni áður liðið datt út fyrir
CSKA frá Sofíu.
NSÍ vann stórsigur 5-1 gegn
Barry frá Wales áður það tapaði
gegn Aberdeen frá Skotlandi.
FÓTBOLTI Real Madrid tilkynnti að
Belginn Eden Hazard væri kominn
á ný á sjúkralistann og myndi missa
af næstu leikjum félagsins. Hazard
kom frá Chelsea í fyrra, en hefur
verið mikið meiddur síðan hann
krotaði undir.
Hann hefur f jórum sinnum
meiðst alvarlega síðan hann kom til
Madrídar, en þar áður hafði hann
aðeins meiðst 15 sinnum síðan hann
gerðist atvinnumaður. Hann hefur
spilað 687 leiki fyrir land og lið en
misst af aðeins 66 leikjum vegna
meiðsla. Alls hafa 32 af þessum leikj-
um verið leiknir síðan hann gekk í
raðir Real Madrid. Hann hefur skor-
að eitt mark fyrir félagið. – bb
Hazard enn á
ný meiddur
Dvöl Edens Hazard hjá Real Madrid
er að breytast í martröð. MYND/GETTY
KÖRFUBOLTI Mótanefnd KKÍ hefur
frestað leik Þórs Ak. og Keflavíkur í
Domino’s deild karla sem fyrirhug-
aður var á morgun. Á heimasíðu
KKÍ kemur fram að þrír leikmenn
Kef lavíkur séu í sóttkví fram yfir
settan leiktíma.
Mótanefnd KKÍ frestaði einnig
leik Keflavíkur og Snæfells í Dom-
ino’s deild kvenna sem fyrirhugaður
var á laugardaginn, því leikmanna-
hópur Keflavíkur er í sóttkví. Ekki
hefur verið tekin frekari ákvörðun
um næstu leiki Keflavíkur.
Deildin fer af stað í kvöld með
fjórum leikjum. Nýliðar Hattar taka
á móti Grindavík á Egilsstöðum,
Tindastóll og ÍR mætast í Síkinu,
Haukar heimsækja Þór í Þorláks-
höfn og í Vesturbænum eigast við
heimamenn í KR og Njarðvík. – bb
Fresta leikjum
Keflvíkinga
Hannes S. Jónsson, formaður KKÍ,
og félagar hans þurfa að endurraða
mótinu. FRÉTTABLAÐIÐ/VILHELM
1 . O K T Ó B E R 2 0 2 0 F I M M T U D A G U R18 S P O R T ∙ F R É T T A B L A Ð I Ð
SPORT