Fréttablaðið - 02.10.2020, Blaðsíða 32

Íslendingar ættu
að kíkja við og
skoða úrvalið því við
bjóðum mikið úrval af
hlýjum fatnaði fyrir alla
fjölskylduna.
Elín
Albertsdóttir
elin@frettabladid.is
Thorvaldsensfélagið var stofnað í nóvember 1875 þegar nokkrar konur ákváðu
að skreyta Austurvöll þegar stytta
af myndhöggvaranum Bertel
Thorvaldsen var afhjúpuð. Bertel
var hálf íslenskur, ættaður frá Dan-
mörku og úr Skagafirði. Konurnar
röðuðu blómsveigum og fléttum
úr íslensku lyngi ásamt ljóskerum
sem settu skemmtilegan svip á
umhverfið þennan dag. Samstarf
þeirra gekk svo vel að ákveðið var
að halda hópinn og láta gott af sér
leiða. Þar með varð Thorvaldsens-
félagið til og hefur í gegnum tíðina
styrkt margt gott málefnið sem öll
tengjast börnum á einn eða annan
hátt. Allt starf er unnið í sjálf boða-
vinnu.
Meðal verkefna kvennanna
var verslunin sem þær opnuðu í
eigin húsi að Austurstræti 4 í júní
1901. Fjáröflun félagsins hefur
meðal annars falist í því að halda
basara þar sem þær bjóða eigin
handavinnu til kaups. Verslunin
í Austurstræti býður alls kyns
fallegar prjónavörur, lopapeysur,
húfur, vettlinga, sjöl og fleira sem
félagskonur hafa prjónað.
Halldóra Helgadóttir, ein félags-
kvenna, segir að mikið úrval sé af
alls kyns fallegri prjónavöru úr
íslenskri ull í versluninni. Erlendir
ferðamenn hafa verið stór hópur
viðskiptavina en þar sem þeir eru
á bak og burt hefur salan minnkað.
„Íslendingar ættu að kíkja við
og skoða úrvalið því við bjóðum
mikið úrval af hlýjum fatnaði
fyrir alla fjölskylduna. Meðal
annars gamaldags ullarboli eins
og börn gengu í hér áður fyrr. Ég
held að enginn annar bjóði slíka
boli,“ segir Halldóra og bendir
á allar glæsilegu lopapeysurnar
sem henta vel í fjallgöngur og aðra
útivist. „Það er gaman að segja frá
því að íslenska lopapeysan er búin
að fá lögverndun,“ segir hún. „Hér
er hægt að fá frábærar og hlýjar
íslenskar jólagjafir.“
Það eru 32 félagskonur sem
skipta á milli sín vinnu í verslun-
inni í sjálfboðastarfi og leggja þar
með sitt af mörgum til fjáröflunar.
Verslunin er opin frá 13-17 alla
daga nema sunnudaga. Jóla-
kort félagsins hafa verið vinsæl í
gegnum tíðina en þau eru hluti af
fjáröfluninni. Hægt er að fá kortin
í versluninni. Þegar ljósmyndari
Fréttablaðsins kom við í Austur-
stæti voru félagskonur að pakka
jólakortum auk þess sem þær hafa
verið að taka í gegn efri hæð húss-
ins þar sem þær halda reglulega
fundi. „Við erum að skoða gamlar
myndir úr starfinu og hengja upp
á vegg,“ segir Halldóra. „Þetta er
Íslenskar ullarvörur
fyrir kaldan vetur
Ein elsta verslunin í Reykjavík er staðsett í Austurstræti
og heldur upp á 120 ára afmæli á næsta ári. Í versluninni
eru seldar fallegar, íslenskar handunnar ullarvörur.
Kristín R. B. Fjólmundsdóttir og Halldóra Helgadóttir í verslun Thorvaldsensfélagsins. FRÉTTABLAÐIÐ/ANTON BRINK
Glæsilegar
íslenskar lopa-
peysur í öllum
stærðum. Frá-
bærar fyrir
veturinn eða til
jólagjafa.
Það er ekki
amalegt að eiga
svona fallega
handprjónaða
vettlinga.
Alls kyns vandaðar húfur fyrir börn. Allir ágóði rennur til góðgerðarmála.
orðið gamalt húsnæði og kominn
tími til að gera fínt hjá okkur,
endurraða og vekja upp gamlar
minningar. Hæðin var máluð í
sumar svo þetta er að verða mjög
fínt,“ segir hún. „Húsið hefur verið í
eigu félagsins frá árinu 1901. Félags-
gjald í upphafi voru 2 krónur. Við
leggjum áherslu á að styrkja veik
börn, til dæmis þau sem glíma
við sykursýki. Við höfum styrkt
Barnaspítala Hringsins til tækja-
kaupa, styrkt sumardvöl fyrir börn
og lagt þeim lið sem þurfa fjárhags-
lega aðstoð og liðveislu. Sjóðurinn
hefur komið að mörgum verk-
efnum á löngum ferli sem öll koma
að því að bæta aðbúnað barna á
Íslandi,“ upplýsir Halldóra. Thor-
valdsensfélagið er elsta kvenfélagið
í Reykjavík. Núverandi formaður
er Kristín R. B. Fjólmundsdóttir.
Astaxanthin
Eitt öflugasta andoxunarefni náttúrunnar
Astaxanthin frá Algalíf er 100% náttúrulegt
hágæða bætiefni, framleitt á sjálfbæran hátt
við kjöraðstæður sem tryggja að innhaldið skili
sér til neytenda.
Útsölustaðir: Öll apótek, heilsuverslanir, Costco og flestum stórmörkuðum.
n Rannsóknir sýna að Astaxanthin er allt að 6000 sinnum
sterkara andoxunarefni en C vítamín.
n Náttúrulegasta og hreinasta uppspretta astaxanthins
finnst í smáþörungum sem kallast Haematococcus
pluvialis, en þeir framleiða þetta sem varnarefni gegn
erfiðum aðstæðum í umhverfinu?
Styrktu ónæmiskerfið með Astaxanthin!*
* Park JS et al. Nutr Metab. 2010;7:18.
6 KYNNINGARBLAÐ FÓLK 2 . O K TÓ B E R 2 0 2 0 F Ö S T U DAG U R