Fréttablaðið - 20.10.2020, Qupperneq 11

InductionAir Plus tryggir ferskt loft í opna eldhúsinu þínu og gerir gestgjafahlutverkið um
leið að leik einum – þökk sé þessu nýtískulega spanhelluborði sem státar af öflugum
innbyggðum gufugleypi í miðjunni. siemens-home.bsh-group.com

Framtíðin flyst inn.
Siemens heimilistæki
BS
H
-s
am
st
ey
p
an
e
r
le
yf
is
h
af
i v
ö
ru
m
er
ki
s
í e
ig
u
S
ie
m
en
s
A
G
Þannig fæst alltaf
rétta andrúmsloftið
Siemens heimilistækin fást hjá
Á síðustu vikum hefur farið fram líf leg og hressandi umræða um stjórnarskrána.
Þökk sé þeim, sem vakið hafa athygli
á leiðbeinandi þjóðaratkvæða-
greiðslu um málið, sem fram fór 2012.
Þátttaka var vissulega dræm. En
engu síður samþykkti yfirgnæfandi
meirihluti að leggja tillögur stjórn-
lagaráðs til grundvallar nýrri stjórn-
arskrá. Í því orðalagi fólst að þjóðin
var ekki beðin um að samþykkja
eða synja ákveðnum texta. Engu að
síður var niðurstaðan leiðbeinandi
um vilja þjóðarinnar í ákveðnum
dráttum. Og í spurningum um ein-
stök efnisatriði var til að mynda
yfirgnæfandi stuðningur við að
gjaldtaka fyrir nýtingarrétt að sam-
eiginlegum auðlindum skyldi byggj-
ast á tímabundnum afnotum.
Í byrjun þessa kjörtímabils ákvað
forsætisráðherra að áfangaskipta
endurskoðun stjórnarskrárinnar
eins og ríkisstjórn Sigmundar Dav-
íðs Gunnlaugssonar lagði af stað með
án árangurs. Þrátt fyrir þá reynslu
ákvað Viðreisn að taka boði for-
sætisráðherra um samstarf á þessum
grundvelli.
Ástæðan fyrir því var einföld. Við
treystum Katrínu Jakobsdóttur til
þess að virða þau sjónarmið, sem
skýrt hafa komið fram hjá þjóðinni
á undanförunum árum og láta ekki
sérhagsmunagæslu ráða algjörlega
för. Starfið fór vel af stað. Efnt var til
umfangsmikillar rökræðukönnunar.
Hún dró enn skýrar fram hver ætla
mætti að væri vilji þjóðarinnar.
Vonbrigðin eru þau að í þeim til-
lögum, sem forsætisráðherra hefur
lagt fram, er lítið tillit tekið til þeirra
skýru leiðbeininga frá þjóðinni, sem
lesa má úr þjóðaratkvæðinu og rök-
ræðukönnuninni. Sérhagsmuna-
gæsla Sjálfstæðisf lokks og Fram-
sóknar ræður öllu, sem máli skiptir.
Þannig á ekki að gera neina efnis-
lega breytingu á ákvæðum um fjöl-
þjóðasamvinnu Íslands. Auðlinda-
ákvæðið er efnislega óbreytt frá
gildandi fiskveiðistjórnarlögum.
Gjaldtöku fyrir tímabundin afnot
er hafnað. Ekki er heldur hlustað á
háværa kröfu í rökræðukönnuninni
um jöfnun atkvæðisréttar, sem einn-
ig naut meirihlutafylgis í þjóðarat-
kvæðinu. Sumar tillögur forsætis-
ráðherra um veigaminni atriði eru
til bóta. En endurskoðunin hlýtur
að snúast um kjarna málsins.
Ég er sammála Katrínu Jakobs-
dóttur þegar hún segir að Alþingi
skuldi þjóðinni löngu tímabærar
breytingar á stjórnarskrá. En hún er
verkstjóri þingmeirihlutans. Það er
á hennar ábyrgð að leggja fram til-
lögur í samræmi en ekki ósamræmi
við traustar vísbendingar um meiri-
hlutavilja þjóðarinnar.
Skuld Alþingis við þjóðina er að
taka tillit til þeirra.
Skuld
Alþingis
Þorgerður
Katrín Gunn-
arsdóttir
formaður
Viðreisnar
Við erum stödd í langhlaupi í glímunni við COVID-heims-faraldur inn. Samfélag ið
okkar hefur staðið sig vel frá því í
mars við að takmarka útbreiðslu
veirunnar með samstilltu átaki og
það hefur skilað okkur því að tíðni
smita og dauðsfalla hefur verið mun
minni en víðast í kringum okkur.
Engu að síður er glíman krefjandi
og áhyggjur starfsfólks mjög skilj-
anlegar af því að í grunnþjónustu
okkar eins og skólum og velferðar-
stofnunum séu menn útsettari fyrir
veirunni en annars staðar.
Í skóla og frístundaráði Reykja-
víkur fylgjumst við vel með stöðu
mála í faraldrinum og á síðasta fundi
fengum við þremenningana: Þórólf
Guðnason sóttvarnalækni, Víði
Reynisson yfirlögregluþjón og Jón
Viðar Matthíasson, framkvæmda-
stjóra almannavarna á höfuðborg-
arsvæðinu, til að fara yfir stöðuna.
Þar kom fram að smit innan leik-
skóla, grunnskóla og frístundastarfs
hafa verið mjög fá og mun færri en í
samfélaginu almennt. Frekar hefur
borið á því að smit hafi borist inn í
skólana utan frá. Þá verða börn fyrir
mun minni áhrifum af veirunni en
fullorðnir og innlagnir barna á spít-
ala eru hverfandi.
Afburðaframlag starfsfólks
Það hefur verið frábært að fylgjast
með starfsfólki leikskóla, grunn-
skóla, frístundaheimila og félags-
miðstöðva borgarinnar undanfarna
mánuði, hve vel það hefur staðið
sig við krefjandi aðstæður við að
leysa úr óvenjulegum aðstæðum
og leggja sig fram um að halda vel
utan um börnin og halda úti sem
mest reglubundu starfi þrátt fyrir
faraldurinn. Við erum stolt af okkar
fólki, stjórnendum og starfsfólki
fyrir sitt af burðaframlag og sömu-
leiðis börnunum og foreldrum
þeirra fyrir úthaldið, þolinmæðina
og umburðarlyndið.
Kjarni málsins er sá að stefnan
sem mörkuð var í vor að halda
skólunum opnum til að lama ekki
samfélagið var rétt, við styðjum
hana heils hugar og munum fylgja
henni áfram nema gjörbreytt staða
komi upp í útbreiðslu veirunnar.
Við höldum okkar striki, stönd-
um áfram saman og þá mun leiðin
klárlega liggja upp á komandi
vikum.
Höldum skólunum opnum!
Skúli Helgason
borgarfulltrúi
og formaður
skóla- og frí-
stundaráðs
Reykjavíkur-
borgar
S K O Ð U N ∙ F R É T T A B L A Ð I Ð 11Þ R I Ð J U D A G U R 2 0 . O K T Ó B E R 2 0 2 0