Fréttablaðið - 20.10.2020, Side 28

Dollan, hásætið, páfastóll, toj-lettið, klóið eða hvað maður vill kalla það. Salernið er ein
hentugasta uppfinning mannsins
enda er hægt að finna eitt slíkt á
f lestum heimilum.
Klósettsetur eru jafn mismun-
andi og þær eru margar enda eru
til margar mismunandi gerðir af
salernum. Sum eru með hringlaga
op á meðan önnur eru með löng og
mjó og egglaga. Þá kjósa sumir að
fríkka upp á sitt klósett með kló-
settsetu úr hnotu eða eik á meðan
aðrir kjósa ódýra plastsetu.
Árið 1995 voru settar alþjóð-
legar reglur um lögun klósettseta
á almenningssalernum. Þá voru
undantekin salerni sem útbúin
eru sjálfvirkum skammtara fyrir
klósettsetuvörn. Reglurnar segja
til um að klósettsetur skuli vera
U-laga, það er með opi fremst.
Ástæðan er sú að þegar þú sturtar
niður án salernisloksins, þá
skvettist klósettvatn á setuna.
Með því að hafa op fremst á
setunni minnkarðu líkurnar á því
að kynfæri komist í snertingu við
óhreint klósettvatn.
Er þér til setunnar boðið?
Það er
ástæða fyrir
því að kló-
settsetan
er ekki heil
á flestum
almennings-
salernum.
MYND/GETTY
Ekkert er því til fyrirstöðu að gera baðherbergið að notalegu og fallegu rými þar sem gott
er að setjast niður og hugsa sína
þungu þanka, þar til einhver fer að
banka. Baðherbergið er líka oftar en
ekki eini staðurinn þar sem barn-
margir foreldrar fá einstaka sinnum
stundarfrið.
Meira samhengi,
minna kraðak
Ein leið til þess að fríkka upp
á baðherbergið er að vera með
baðherbergisvörur í stíl, það er
tannburstaglas, handsápupumpu,
box fyrir bómullarskífur og fleira.
Því meira samhengi sem er í bað-
herbergishlutunum því minna
verður kraðakið. Þarf svo í alvöru
að vera með sjö mismunandi hálf-
tóma sjampóbrúsa víðs vegar um
sturtuna? Þegar allt kemur til alls,
þá er sjampó, fjandinn hafi það,
yfirleitt bara sjampó. Nema um
flösu sjampó eða sérstök meðferð-
arsjampó sé að ræða. Ef þú ert með
nokkra brúsa af sömu gerðinni þá
er alls ekkert að því að sameina hár-
sápuna í einn brúsa. Og enn fremur,
þá er langoftast hægt að sameina
nokkrar mismunandi tegundir
saman í einn brúsa. Ef þú vilt nýta
tækifærið til þess að gera sturtuna
enn meira aðlaðandi þá geturðu
sameinað alla hársápuna í eina
fallega sápupumpu. Sama er jafnvel
hægt að gera með hárnæringar-
brúsana og sameina í pumpu í stíl.
Allt er vænt sem vel er grænt
Plöntur gera kraftaverk fyrir þreytt
herbergi. Ef baðherbergið fær mikla
náttúrulega birtu þá er hægt að vera
með næstum hvaða plöntu sem er
inni á baðherberginu, svo lengi sem
hún þolir raka. En ef baðherbergið
er alger myrkrakompa þá eru líka
til plöntutegundir sem þurfa litla
birtu. Einnig eru til lausnir til þess
að þekja vegg eða hluta úr vegg
með mosa, sem kemur virkilega
skemmtilega út. Og ef þú ert ekki
með græna fingur og plöntur valda
þér engu nema kvíða, þá er ekkert
að því að finna eðlilegt gerviblóm
og planta því inn á baðherbergið.
Gerðu það notalegt
Mjúk og hlý baðmotta í fallegum lit
gerir gæfumuninn fyrir köld flísa-
lögð gólf. Svo er einnig gott ráð að
eiga baðmottu til skiptanna. Tvær
eða fleiri baðmottur á heimilinu
gera gæfumuninn þegar margir eru
saman um eitt baðherbergi. Því það
er fátt minna óaðlaðandi en að stíga
á rennblauta baðmottu eftir síðasta
sturtugest, hvað þá þegar það gerist
á sokkaleistunum.
Hafirðu tök á því að næla þér
í handklæðaofn og setja upp á
baðherberginu, þá er hér um að
ræða hlut sem þú munt aldrei vilja
vera án framar. Ofninn hitar upp
handklæðið á meðan þú sturtar þig
á morgnana og þerrar uppáhalds
kasmírpeysuna svo að hún verður
orðin þurr daginn eftir, þó svo hún
hafi verið rennandi blaut eftir þvott
kvöldið áður.
Að lokum má koma fyrir vel-
lyktandi ilmkerti og eldspýtustokk
inni á baðherberginu. Þá er hægt
að kveikja á því hvenær sem er, til
dæmis þegar þú gefur þér tíma í
freyðibað eða tekur fæturna í gegn.
Svo má benda á að þegar kveikt er á
eldspýtu gefur hún frá sér hina full-
komnu lykt til þess að hylma yfir
yfirþyrmandi iðrastækju.
Frestaðar framkvæmdir
Var baðherbergið næst á fram-
kvæmdalistanum en hefur nú
frestunaráráttan tekið við? Átti
aldeilis að taka baðherbergið í
gegn í ár og endurflísaleggja, skipta
um baðkar og vask, mála loftið en
verður aldrei neitt úr neinu? Það eru
til ýmsar tímabundnar lausnir sem
hægt að gera í millitíðinni við þreytt
baðherbergi sem kosta ekki gífur-
legar framkvæmdir, steypuryk eða
slíta gat á budduna. Sé loftið orðið
upplitað og gult af elli þá er vel hægt
að skella málningarumferð á það án
þess að það kosti formúu. Skjanna-
hvítt loft endurkastar ljósi og birtir
upp á köldustu myrkrakompur.
Hafðu í huga að ljósgjafi sem
lýsir eingöngu ofan frá getur gert
fallegustu andlit að innsokknum
höfuðkúpum. Ef þú þolir ekki að sjá
þig í speglinum á morgnana, þá er
kannski kominn tími til að fjölga
ljósgjöfunum og koma tveimur
fyrir, sínum hvorum megin við bað-
herbergisspegilinn. Passaðu bara
að hafa ljósið ekki allt of skarpt
og bjart. Það þarf enginn að halda
nákvæma talningu á hrukkunum,
eða geta mælt dýpt svitaholanna.
Svo er alltaf hægt að skella einni
málningarumferð á veggina. Hvað
litaval varðar, hvort sem um veggi
er að ræða eða annað, þá er það góð
þumalputtaregla að heitir litir eins
og gulir, appelsínugulir og rauðir
litir eru æsandi á meðan kaldir litir
líkt og bláir og grænir eru róandi.
Ef þú vilt að baðherbergið sé eins
og skyndibitastaður, þar sem fólk
neytir í skyndi og drífur sig svo út,
þá velurðu heita liti. En viljir þú
njóta einverustundarinnar sem góð
og gjöful klósettferð veitir, þá er um
að gera að leita í köldu litina.
En hvað skal til bragðs taka ef flís-
arnar á baðherberginu eru herfilega
ljótar? Það eru sem betur fer ekki
allir með sama smekk og það eru
heldur ekki allir með góðan smekk.
Ýmsu má þó bjarga, jafnvel appels-
ínugulum og brúnum seventís
flísum. Það eina sem þú þarft er
rétt málning, smá tími, þolinmæði
og örlítil hjálp frá fagaðila. Því það
er ekki nóg að skella bara hvaða
málningu sem er yfir flísarnar og
kalla það gott. Það er líklegt að
það þurfi að sanda niður efsta lag
flísanna og mála svo með grunni
áður en nýjum lit er makað á. Starfs-
fólk málningarvöruverslana geta
gefið góð ráð við að mála flísar.
Gerðu baðherbergið að griðastað
Baðherbergið er hvort tveggja eitt hagnýtasta sem og eitt líkamlegasta herbergi hvers heimilis.
En þrátt fyrir það má vel gera ýmislegt til þess að gera baðherbergið að uppáhalds rými allra.
Kerti eru til margs nýtileg, gefa frá sér notalegan bjarma, sum gefa frá sér
góða lykt og eldspýturnar eru ekki síður hentugar á baðherbergið. MYND/GETTY
Jóhanna María
Einarsdóttir
johannamaria@frettabladid.is
Viljirðu njóta ein-
verustundarinnar
sem góð og gjöful klósett-
ferð veitir, þá er um að
gera að leita í köldu litina.
Baðinnréttingar
Fríform ehf.
Askalind 3,
201 Kópavogur.
562–1500
Friform.is.
Mán. – Fim. 10–18
Föstudaga 10–17
Laugardaga 11–15
2
0
0
0
—
2
0
2
0
8 KYNNINGARBLAÐ FÓLK 2 0 . O K TÓ B E R 2 0 2 0 Þ R I ÐJ U DAG U R