Fréttablaðið - 29.10.2020, Blaðsíða 16

Eitt tignarlegasta fjall í nágrenni Reykja-víkur er Vífilsfell (655 m) en margir líta á það sem nyrsta hnjúk Bláfjalla. Fjallsins er getið í Landnámu þar sem sagt er frá Vífli, sem ásamt Karla var þræll Ingólfs Arnarsonar, fyrsta landnámsmannsins.
Þeir voru sendir frá Ingólfshöfða vestur með sjó að
leita öndvegissúlna Ingólfs og fundu þær loks reknar í
Reykjavík. Ingólfur kættist við fundinn og segir svo í
Landnámu: „Vífli gaf Ingólfur frelsi, og byggði hann að
Vífilstóftum [Vífilsstöð um]; við hann er kennt Vífils-
fell; þar bjó [hann] lengi, varð skilríkur [áreiðanlegur]
maður.“ Vífill virðist hafa verið í fantaformi því sagt
er að hann hafi skotist frá Vífilsstöðum upp á Vífilsfell
til að gá til veðurs og ef veðurútlit var gott hélt hann
út á Gróttu og reri til fiskjar. Vífilsfell er talið hafa
myndast í að minnsta kosti tveimur gosum á mismun-
andi jökulskeiðum ísaldar. Langmest ber á móbergi
en um mitt fjallið er stallur sem skartar blágrýti og er
því talinn stapi eins og Herðubreið og Hlöðufell. Efst á
Vífilsfelli er sérlega fallegt móberg úr síðara gosinu og
minnir veðrað bergið á abstrakt listaverk.
Ganga á Vífilsfell er frábær skemmtun og flestum
fær. Hefðbundin gönguleið liggur að norðanverðu,
upp á öxl sem gengur út úr fjallinu. Þarna eru malar-
námur og má leggja bílum fyrir framan þær, en stikuð
leið liggur alla leið upp á hátindinn. Þetta eru 6 km
báðar leiðir og má reikna með að gangan taki 3-4
tíma. Meira krefjandi gönguleiðir liggja að vestan-
verðu upp gil sunnan tindsins eða úr Jósepsdal að
austanverðu. Á hefðbundnu gönguleiðinni er stíg fylgt
upp á áðurnefndan stall, en síðan taka við móbergs-
klettar sem yfirleitt eru auðveldir uppgöngu nema á
veturna. Því er skynsamlegt að hafa með mannbrodda
og ísöxi í vetrarferðum á Vífilsfell. Í efstu klettabelt-
unum eru kaðlar á tveimur stöðum sem auðvelda
uppgönguna og á tindinum er útsýnisskífa sem Ferða-
félag Íslands setti upp. Útsýnið yfir höfuðborgina er
frábært og sést til Gróttu í 25 km fjarlægð, þar
sem Vífill stundaði útræði. Einnig blasa við
Esja, Móskarðshnjúkar, Skjaldbreiður og
Hengill. Flestir ganga sömu leið niður, en
sprækt göngufólk getur þrætt endilöng
Bláfjöllin í suður að lyftusvæðinu, 15
km leið, sem Vífli hefði þótt þræl-
léttur göngutúr.
Gáð til veðurs
á Vífilsfelli
Vífilsfell séð
úr suðri en
algengasta
gönguleiðin
liggur hinum
megin fjalls-
ins. Klettarnir
vinstra megin
á tindinum
kallast Arnar-
þúfur.
MYND/ÓMB
Útsýni af Vífilsfelli er magnað í allar áttir. Hér sést til Surtseyjar. MYND/ÓMB
Móbergið efst á Vífilsfelli er vindbarið og formfagurt. MYND/TG
Tómas
Guðbjartsson
hjartaskurð-
læknir og
náttúruunnandi
og Ólafur Már
Björnsson
augnlæknir og
ljósmyndari
2 9 . O K T Ó B E R 2 0 2 0 F I M M T U D A G U R16 F R É T T I R ∙ F R É T T A B L A Ð I Ð