Fréttablaðið - 26.11.2020, Blaðsíða 8

Tímapantanir á opticalstudio.is
og í síma 511 5800
SMÁRALIND • HAFNARTORG • KEFLAVÍK
Sjónmælingar
eru okkar fag
SKIPULAG Skipulags- og samgöngu-
ráð Reykjavíkurborgar hefur sam-
þykkt að auglýsa breytingu á deili-
skipulagi Gufuness, vegna lóðanna
við Jöfurbás 5 og 7. Lóðirnar eru í
eigu GN Studios ehf. en eigandi þess
er leikstjórinn Baltasar Kormákur.
Um er að ræða talsverðar breyt-
ingar, því lóðirnar eru stækkaðar
og byggingarmagn á þeim eykst.
Þá er hámarksfjöldi íbúða loks skil-
greindur, en alls er leyfi til þess að
skipuleggja samtals 151 íbúð á lóð-
unum. Með breytingartillögunni
fylgdi samþykki eigenda nærliggj-
andi lóða, sem voru ánægðir með
breytingarnar.
Ekki voru þó allir sáttir. Borgar-
ráðsfulltrúar Sjálfstæðisflokksins
sátu hjá við afgreiðslu málsins og
létu bóka þá skoðun sína að mikil-
vægt væri að jafnræðis væri gætt
þegar gerðar væru breytingar á
skilmálum uppbyggingaraðila, ekki
síst þeirra sem hefðu verið valdir til
verksins. Engar ákveðnar reglur um
slíkar breytingar væru í gildi og rétt-
ara væri að rýmka reglur almennt
frekar en að koma með ívilnanir til
einstakra aðila eftir á.
Félag Baltasars keypti lóðir og
byggingarrétt undir kvikmynda-
þorp og íbúðir í lok árs 2017. Var
kaupverðið 1,64 milljarðar króna
og fékk Baltasar 10% afslátt .
Gagnrýndu fulltrúar Sjálfstæðis-
flokks og Framsóknar og flugvallar-
vina söluna harðlega á sínum tíma.
Töldu þeir að verðmæti lóðanna
væri enn meira og töldu að hags-
munum borgarbúa hefði verið
betur gætt ef lóðirnar hefðu verið
boðnar út, frekar en að samið hefði
verið við einn ákveðinn aðila.
Í byrjun árs 2020 framseldi félag
Baltasars lóða- og byggingarrétt-
indi sín til félagsins Gufunes fast-
eignaþróun ehf., sem er dótturfélag
Fasteignaþróunarfélagsins Spildu.
Eigendur þess eru Arctica Finance
hf. með 45,45% hlut, Anna Sig-
ríður Arnardóttir með 27,27% hlut
í gegnum félagið ASAP ehf. og Sig-
ríður Bryndís Stefánsdóttir og Gísli
Reynisson með 27,27% hlut í gegn-
um félag sitt Hraunsvík ehf. – bþ
Meira verður byggt á kvikmyndaþorpslóðum Baltasars Kormáks
Skiptar skoðanir eru á byggingu á
lóðum í eigu Baltasars Kormáks í
Jöfurbási í Gufunesi. MYND/AÐSEND
REYK JAVÍK Fulltrúar Sjálfstæðis-
flokksins í umhverfis- og heilbrigðis-
ráði gagnrýndu harðlega vinnu-
brögð Orkuveitu Reykjavíkur (OR)
vegna tæmingar Árbæjarlóns á fundi
ráðsins í gær og vilja að lónið verði
fyllt á ný. Líkt og kom fram í blaðinu
í gær vissu hvorki stjórnendur Nátt-
úrufræðistofnunar né Umhverfis-
stofnunar af tæmingu Árbæjarlóns
fyrr en daginn sem hún var fram-
kvæmd. Þá var íbúum ekki tilkynnt
um ákvörðunina.
OR ákvað, eftir ráðleggingar frá
Hafrannsóknastofnun, Verkís og
aðkomu Heilbrigðiseftirlits Reykja-
víkur, að tæma lónið varanlega til að
koma á náttúrulegu rennsli í gegnum
stífluna svo fiskar gætu gengið þar
upp. Var það gert þann 29. október.
Bjarni Bjarnason, forstjóri OR,
kom fyrir ráðið í gær. Í bókun full-
trúa Samfylkingar, Pírata og Vinstri
grænna segir að ákvarðanir verði
alltaf betri ef þær séu teknar í sam-
ráði og með samtali. Er þá vonast
til að upplýsingaflæði milli OR og
náttúruverndarráðs verði gjöfult í
framtíðinni.
Fulltrúar Sjálfstæðisflokks segja
ámælisvert að ekki hafi verið leitað
eftir umsögn eftirlitsstofnana
og íbúa. Kallaði Björn Gíslason,
borgarfulltrúi Sjálfstæðisf lokks,
eftir því að lónið yrði fyllt á ný
þar til álit stofnananna lægi fyrir.
Borgarráð hefur skipað stýrihóp
sem vinnur að mótvægisaðgerðum í
kjölfar tæmingar Árbæjarlóns. Fyrsti
fundur verður á næstunni. – ab
Vilja fylla lónið
í Árbænum á ný
Björn Gíslason,
borgarfulltrúi
Sjálfstæðis-
flokksins
Hvorki Náttúrufræði-
stofnun, Umhverfisstofnun
né íbúum var tilkynnt um
tæminguna.
SAMFÉLAG Ný úrræðaleitarvél sam-
takanna Minningarsjóðs Einars
Darra – eitt líf, verður opnuð í dag
á heimasíðu samtakanna. Úrræða-
leitar vélin er rafrænn gagna-
grunnur sem inniheldur lista yfir
þau úrræði sem hægt er að leita til
þegar vandasöm mál ber að garði
sem varða eða tengjast geðheil-
brigði, fíkn, of beldi, kynheilbrigði,
félagsmálum eða fráfalli ástvinar.
Úrræðaleitarvélina er að finna á
heimasíðunni eittlif.is og segir á
síðunni að hún henti bæði fólki í
vanda og aðstandendum.
Mæðgurnar Bára Tómasdóttir og
Andrea Ýr Arnarsdóttir stofnuðu
samtökin, eftir að sonur Báru og
bróðir Andreu, Einar Darri Óskars-
son, lést á heimili sínu eftir neyslu
róandi lyfja, aðeins 18 ára gamall
árið 2018. Þær segja úrræðaleitar-
vélina vera fyrir samfélagið allt, en
að þeirra áhersla sé að ná til ung-
menna.
„Við vonum að úrræðaleitar-
vélin auki sýnileika þeirra úrræða
sem eru nú þegar til staðar og auð-
veldi ferlið að kynna sér viðeigandi
úrræði þegar að vandasöm mál ber
að garði. Spurningunum í úrræða-
leitarvélinni er svarað í fyrstu per-
sónu, þannig að ef verið er að leita
að úrræði fyrir annan en okkur sjálf
þá eru settar inn upplýsingar sem
eiga við þann einstakling sem leitað
er eftir úrræði fyrir,“ segir Andrea Ýr
í samtali við Fréttablaðið.
Bára segir að úrræðaleitarvélin
hafi lengi verið hugmynd sem þær
langaði að koma í framkvæmd.
Hugmyndina hafi þær fengið frá
samtölum sem þær áttu við fólk
sem þær hittu í vinnunni, í kjöl-
farið á fyrirlestrum sem þær héldu
og í spjalli við ungmenni.
„Gegnumgangandi hefur þar
komið skýrt fram að fólk upplifi
óöryggi um hvert sé hægt að leita
ef vandasöm mál ber að garði og
þau hafi einfaldlega ekki yfirsýn
yfir þau úrræði sem til eru. Eftir
að COVID-19 skall á ákváðum við
að ráðast í þetta verkefni, þar sem
við eins og svo margir aðrir höfum
þurft að finna nýjar leiðir í starfi,“
segir Bára. lovisa@frettabladid.is
Úrræðaleitarvél fyrir fólk í vanda
Mæðgurnar Bára Tómasdóttir og
Andrea Ýr Arnarsdóttir stofnuðu
samtökin. FRÉTTABLAÐIÐ/ANTON BRINK
MENNTAMÁL „Það er svolítið áhuga-
vert að skólalóðirnar verða verri og
verri eftir því sem skólastigið verður
hærra,“ segir Elísabet Bjarnadóttir
sem skrifaði BS-ritgerð í landslags-
arkitektúr um skólalóðir sem heitir
Grænar grundir. Saga, forsendur og
hönnun grunnskólalóða.
Þar kafaði Elísabet ofan í skóla-
lóðir á Íslandi og komst að mörgu
forvitnilegu. Ímynd skólalóða er
almennt ekki góð. Þær eru sagðar
gráar og óspennandi og er líkleg-
asta ástæðan sagður strangur laga-
rammi og hræðsluáróður í þjóð-
félaginu, því fólk vill ekki að börnin
slasist. Engin lög eru til um skóla-
lóðir og vinnuramminn því mjög
opinn. Grænar skólalóðir heyra til
undantekninga og svo mætti lengi
telja.
„Ekki hef ég fundið heimildir sem
sýna ótvírætt að grænkun sé byrjuð
hér heima, þá á ég við verkefni eða
sjóði sem styrkja grænkun, en
greinilegt er að hugsunarhátturinn
og aðferðafræðin er komin meðal
kennara,“ skrifar Elísabet meðal
annars í ritgerðinni. Hún bætti við
að sennilega væri ástæða einhæfra
skólalóða ekki sú að kennarar séu
á móti breytingum, heldur sé það
frekar kerfið.
Í ritgerðinni kemur fram að þegar
borgarstarfsmanni voru sýndar
myndir frá leikvelli í Berlín, þar
sem leikvellir og tæki eru mjög fjöl-
breytt, var sagt að þessir leikvellir
myndu tæplega standast öryggis-
kröfur Íslendinga. Þá vitnar hún í
Herdísi L. Storgaard, verkefnastjóra
hjá Miðstöð slysavarna barna, sem
benti á árið 2012 að einsleitni vall-
anna hefði ekkert með öryggi að
gera, heldur væri þetta bara hug-
myndaskortur hjá hönnuðum og
þeim sem að gerð lóðanna koma.
Elísabet segir að lagaramminn
hafi komið sér svolítið á óvart
þegar hún skoðaði hann, því ekk-
ert er til um skólalóðir í lögum og
því er hægt að hafa vinnuramm-
ann í kringum þær mjög opinn.
„Það er eng in lág mark s- eða
hámarksstærð, það er ekkert lág-
mark eða hámark sem á að vera
á skólalóðinni. En hún á að gefa
f jölbreytt tækifæri til leikja og
annarrar útivistar. En skólalóðin
á að vera. Hún á að hafa gæði, ef la
og ýta undir hreyfingu og hreysti,
stuðla að alhliða þroska, velferð
og menntun barnanna, en hvernig
á að gera það? Það er ekkert til að
vinna eftir. Sveitarfélögunum er í
raun í sjálfsvald sett hvað þau setja
á lóðirnar.“
Hún viðurkennir að hafa átt
erfitt með að hætta að skoða lóð-
irnar, en ritgerðin telur 125 blað-
síður. Hún vill gjarnan gera meira
og skoða allar skólalóðir landsins
og hvað krakkarnir eru að gera á
lóðunum. Hún vill allavega sjá að
skólalóðir verði grænni og hlustað
verði á þá sem hafa lært landslags-
arkitektúr og aðra sem hafa þekk-
ingu á sviðinu. „Grænkun skóla-
lóða er frábær stefna sem ætti að
taka af fullri alvöru. Það ætti að
taka til fyrirmyndar bæði skóla og
leikskóla sem eru komnir áleiðis í
þessari þróun víðs vegar um heim.
Fagfólk er nú þegar búið að taka
saman ítarleg leiðbeiningarit fyrir
náttúrulegri hönnun, svo ekki er
þetta á byrjunarstigi.
Hönnun með grænkun býður
upp á óteljandi möguleika fyrir
námsskrá og breytingar til góðs
innan menntakerf isins. Mikil-
vægt er að reyna að breyta hegðun
barnanna okkar, opna nýjar víddir
í umhverfi þeirra og hugsun, þær
eru rótgrónar í mannskepnunni og
ef til vill er það skorturinn á þessu
sem veldur þeim heilsufarslegu
vandamálum sem við eigum við að
etja í dag,“ skrifar hún í lokin.
benediktboas@frettabladid.is
Kerfið hindrar grænar lóðir
Skólalóðir hérlendis eru einsleitar og lítið er hlustað á landslagsarkitekta við hönnun þeirra. Lóðirnar
versna eftir því sem skólastigið hækkar. Unglingar í dag leika sér helmingi minna úti en foreldrar þeirra.
Flestir hugsa um skólalóðir sem frekar litlausar og leiðinlegar. Enda lítið grænt á þeim og kennarar þurfa því að fara
út af skólalóðinni með nemendur sína. Lítið hefur verið hugsað út í skólalóðir undanfarin ár. FRÉTTABLAÐIÐ/DANÍEL
Græn skólalóð
Græn skólalóð er lóð sem hefur
lifandi og mismunandi lands-
lag, hóla, hæðir og dældir, hún
hefur bæði grá svæði og græn
svæði, hún hefur mismunandi
rými, mismunandi leiktæki
og mismunandi möguleika til
leikja svo sem fjölbreytta og
auðuga innviði. Á henni getur
verið útikennslustofa, kennslu-
garður eða ræktunarsvæði af
einhverju tagi, gróðurhús og
jafnvel einhver dýr.
2 6 . N Ó V E M B E R 2 0 2 0 F I M M T U D A G U R6 F R É T T I R ∙ F R É T T A B L A Ð I Ð