Fréttablaðið - 26.11.2020, Blaðsíða 12

BANDARÍKIN Ríkisstjórn Joes Biden,
sem tekur við þann 20. janúar næst-
komandi, er byrjuð að taka á sig
mynd. Eins og við var búist leggur
Biden áherslu á fjölbreytileika.
Tveir af fimmtán ráðherrum voru
kynntir til sögunnar á þriðjudag.
Anthony Blinken mun gegna
stöðu utanríkisráðherra. Hann
hefur verið náinn bandamaður
Bidens um áratuga skeið. Blinken
var aðstoðarutanríkisráðherra
undir lok forsetatíðar Baracks
Obama, þegar Biden var varafor-
seti. Talið er að Blinken muni beita
sér fyrir alþjóðasamvinnu og milda
samskiptin við hefðbundna banda-
menn Bandaríkjanna á Vesturlönd-
um og við Kína.
Alejandro Mayorkas verður ráð-
herra heimavarna. Hann er kúb-
verskur að uppruna, gyðingur og
fyrsti innf lytjandinn til þess að
gegna þeirri stöðu. Hann hafði þó
áður starfað í ráðuneytinu í emb-
ættistíð Obama.
Biden tilkynnti einnig skipun
fimm einstaklinga til mikilvægra
verkefna innan stjórnkerfisins.
Helst ber að nefna starfsmanna-
stjóra Hvíta hússins, eitt af valda-
mestu embættunum. Biden valdi
Ron Klain til starfans, en hann var
starfsmannastjóri Bidens á fyrstu
árum Obama-stjórnarinnar og var
einn af helstu ráðgjöfum Bidens í
kosningabaráttunni. Klain hefur
einnig reynslu af því að takast á við
farsóttir, en hann stýrði aðgerðum
Bandaríkjanna til að takast á við
ebólufaraldurinn í Vestur-Afríku
árið 2014.
Linda Thomas-Greenfield verður
sendiherra Bandaríkjanna hjá
Sameinuðu þjóðunum. Hún hefur
langa reynslu af utanríkismálum
og meðal annars verið sendiherra
í Líberíu. John Kerry, fyrrverandi
utanríkisráðherra og forsetafram-
bjóðandi, mun fara fyrir baráttu
Bandaríkjanna gegn loftslags-
vánni. Avril Haines verður yfir-
maður leyniþjónustustofnana, fyrst
kvenna, og Jake Sullivan verður
þjóðaröryggisráðgjafi.
Enn á eftir að fylla í þrettán ráð-
herrastöður og sjö mikilvæg emb-
ætti innan stjórnkerfisins, þar
á meðal samskiptastjóra Hvíta
hússins og yfirmann leyniþjónust-
unnar, CIA. Talið er að Biden muni
áfram huga að fjölbreytileika þegar
þessar stöður verða fylltar. Stjórn-
málaskýrendur eru vitaskuld fyrir
nokkru byrjaðir að velta fyrir sér
hverjir verði fyrir valinu.
Talið er líklegt að Janet Yellen
verði f jármálaráðherra, f y rst
kvenna. Hún er 74 ára, dóttir
pólskra innf lytjenda af gyðinga-
ættum, og hefur mikla reynslu úr
fjármálakerfinu. Á fyrra kjörtíma-
bili Obama var hún varaseðla-
bankastjóri og seðlabankastjóri á
því síðara. Yellen er talin hafa átt
stóran þátt í að snúa við stöðunni í
efnahagsmálum eftir bankahrunið
2008. Rætt hefur verið um að Mich-
ele Flournoy verði varnarmála-
ráðherra, einnig fyrst kvenna. En
Biden gæti þó mætt mótstöðu frá
vinstri armi Demókrataflokksins.
Flournoy hvatti Obama til afskipta
af borgarastyrjöldinni í Líbíu þegar
hún starfaði innan Pentagon.
Ein allra mikilvægasta ráðherra-
staðan sem Biden á eftir að skipa er
heilbrigðisráðherrann. Talið er lík-
legt að annaðhvort Michelle Lujan
Grisham, ríkisstjóri Nýju-Mexíkó,
eða Vivek Murthy, fyrrverandi
landlæknir Bandaríkjanna, verði
fyrir valinu. Lujan Grisham er af
rómönskum ættum og Murthy af
indverskum, en fæddur í Bretlandi.
kristinnhaukur@frettabladid.is
Biden leggur mikla áherslu á
fjölbreytileika embættismanna
Tvær ráðherrastöður og fimm mikilvæg embætti hafa þegar verið fyllt í nýrri ríkisstjórn Joes Biden sem
tekur við embætti þann 20. janúar. Líklegt er að konur taki sæti í fjármálaráðuneytinu og varnarmálaráðu-
neytinu í fyrsta skipti. Nýr starfsmannastjóri Hvíta hússins hefur áður tekist á við mannskæðar drepsóttir.
Linda Thomas-Greenfield verður sendiherra Bandaríkjanna hjá Sameinuðu þjóðunum. FRÉTTABLAÐIÐ/GETTY
Pandamál þýskra veitingamanna
Veitingamaður einn í miðborg Frankfurt í Þýskalandi brá á það ráð að fylla stað sinn af tusku-pandabjörnum þar sem hann mátti ekki hleypa fólki
inn. En samkvæmt sóttvarnatakmörkunum í Þýskalandi mega veitingastaðir eingöngu selja mat og drykk út úr húsi. Þeir sem versla á þessum til-
tekna stað geta keypt tuskupöndu á 150 evrur, eða rúmlega 24 þúsund krónur. Með því eru þeir að styrkja staðinn til að lifa af. FRÉTTABLAÐIÐ/GETTY
ÍTALÍA Björgunarteymi, sem freist-
aði þess að koma flóttamönnum til
hjálpar sem féllu í sjóinn við eyjuna
Lampedusa í Miðjarðarhafinu um
síðustu helgi, fann tvo giftingar-
hringi í sjónum í kjölfar slyssins.
Hringirnir voru í bakpoka sem flaut
í sjónum þakinn sjávarfangi.
Í veikri von um að eigendur hring-
anna væru á lífi og þeir myndu sjá
skilaboðin, deildi björgunarfólkið
myndum af hringunum á samfélags-
miðlum og sendi myndir af þeim til
kollega sinna á Ítalíu. Eftir að hafa
spurst fyrir fundust réttir eigendur.
Það voru hjón um tvítugt frá Alsír,
Ahmed og Doudou, en nöfn þeirra
voru grafiní hringana. Hjónin voru
himinlifandi yfir að hafa endur-
heimt hringana sem þau töldu vera
glataða.
Fimm einstaklingar létust í þessu
slysi, þar af 18 mánaða ungbarn.
Hjónin frá Alsír sem höfðu búið í
Líbíu áður en þau lögðu á flótta til
Evrópu, voru hins vegar hluti þeirra
15 sem komust lífs af. Það var veiði-
maður sem kom hjónunum til bjarg-
ar. Þau eru nú stödd í flóttamanna-
búðum á Sikiley á Ítalíu.
„Við bjuggumst ekki við því að
finna eigendur hringanna en það
var mjög gleðilegt þegar hringarnir
komust í réttar hendur. Það var til-
finningarík stund, en á sama tíma
og þau glöddust mjög að fá hringana
var þeim sorgin við að hafa orðið
vitni að andláti fimm einstaklinga
efst í huga,“ segir Ahmad Al Rousan,
sem var einn þeirra sem hlúðu að
þeim sem björguðust, í samtali við
BBC. – hó
Giftingarhringir
skiluðu sér til
eigendanna
SAMFÉLAGSMIÐLAR Náttúrulífsunn-
andinn David Attenborough hefur
tilkynnt að hann sé hættur að setja
efni inn á Instagram-reikning sinn,
en hann var kominn með 6,2 millj-
ónir fylgjenda á þeim stutta tíma
sem hann var með virkan reikning.
Þessi 94 ára gamli sjónvarps-
maður skráði sig inn á Instagram í
lok september síðastliðins, en síð-
asta færsla hans var sett inn rúmum
mánuði síðar. Ljóst er að þetta eru
sorgartíðindi fyrir aðdáendur hans
en fjórum klukkustundum eftir
að Attenborough opnaði reikning
sinn á Instagram voru fylgjendurnir
orðnir ein milljón.
Sá hraði á fylgjendafjölda í upp-
hafi stofnunar Instagram-reiknings
var met, en Attenborough skaut þar
bandarísku leikkonunni Jennifer
Aniston ref fyrir rass. Anniston
þurfti rúmar fimm klukkustundir
til þess að rjúfa milljóna múrinn.
Enski leikarinn Rupert Grint sló
svo met Attenboroughs um nokkrar
mínútur.
Attenborough sagðist hafa hrifist
af þeim hugmyndum sem til hans
höfðu borist og þeirri ástríðu fyrir
náttúrunni sem hann hafi fundið
í þeim skilaboðum sem hann hafi
fengið í gegnum Instagram. Nú sé
hins vegar rétt að hans mati að láta
gott heita. Reikningurinn verði þó
opinn áfram og mögulegt að skoða
það efni sem þar er til staðar. – hó
Attenborough
staldraði stutt
við á Instagram
Fimm einstaklingar
létust í slysinu, þar á meðal
18 mánaða ungbarn.
Enn á eftir að fylla
þrettán ráðherrastöður, þar
á meðal fjármálaráðherra,
heilbrigðisráðherra og
varnarmálaráðherra.
Attenborough fékk 6,2
milljónir fylgjenda á ör-
skömmum tíma.
2 6 . N Ó V E M B E R 2 0 2 0 F I M M T U D A G U R10 F R É T T I R ∙ F R É T T A B L A Ð I Ð