Rit Búvísindadeildar - 20.04.1998, Page 7

FORMALSORÐ
Bændaskólinn á Hvanneyri sendir frá sér tilraunaskýrslu fyrir árið 1997. í riti
þessu er að finna upplýsingar um rannsóknir og tilraunastarfsemi skólans.
Rannsókna- og tilraunastarfsemin var með svipuðum hætti og undangengin ár og
var fjármögnuð með framlögum af Qárlögum eða fjármagni frá Rannsóknarsjóði,
Framleiðnisjóði landbúnaðarins og þróunarsjóðum búgreina.
Rannsókna- og tilraunastarfsemi skólans nam á árinu 1997 um 21% af heildar-
umsvifum hans samanborið við um 18 % á árinu 1996.
Verkefni þau sem getið er í tilraunaskýrslunni eru ýmist unnin einvörðungu af
starfsmönnum skólans eða í samvinnu við starfsmenn annarra stofhanna
landbúnaðarins. I mörgum tilvikum er hér um samvinnu að ræða, sem staðið
hefur um áratuga skeið. Yfirlitsskýrsla þessi um rannsókna- og tilraunastarfsemi
ársins 1997 er því samvinnuverkefni margra aðila.
Edda Þorvaldsdóttir hefur í ár eins og nokkur undanfarin ár safnað gögnunum
saman og búið þau til birtingar. Öllum aðstandendum skýrslunnar flyt ég þakkir
fyrir vel unnin störf að vinnslu hennar.
Það er von okkar að hún megi verða einhverjum til gagns og fróðleiks.
Hvanneyri í apríl 1998
Magnús B. Jónsson
skólastjóri
1