Víkurfréttir - 11.11.2020, Blaðsíða 8

Kanna að
breyta
frístundasvæði
í íbúðabyggð
Deiliskipulagsmál á frístunda-
svæðinu við Breiðagerðisvík á
Vatnsleysuströnd hafa verið til af-
greiðslu hjá skipulagsyfirvöldum
í Sveitarfélaginu Vogum. Búið er
að taka saman upplýsingar um nú-
verandi hús, byggðar og óbyggðar
lóðir. Búið er að stilla upp drögum
að uppdrætti sem unninn hefur
verið fyrir svæðið, byggð á loft-
mynd og eldri uppdráttum og setja
upp á skipulagsform.
Afgreiðsla skipulagsnefndar Sveit-
arfélagsins Voga hefur verið sam-
þykkt í bæjarstjórn Voga, þar segir:
„Til umræðu er m.a. hvort rétt sé
að breyta landnotkun svæðisins úr
frístundabyggð í íbúðabyggð. Skipu-
lagsnefnd leggur til að gerð verði
viðhorfskönnun meðal lóðareig-
enda á svæðinu til slíkra breytinga.
Einnig þarf að greina hverjar skyldur
sveitarfélagsins eru gagnvart lóðar-
höfum komi til slíkrar breytingar,
t.a.m. gagnvart fráveitu, vatnsveitu,
gatnagerð o.s.frv.“
Meðferð flugelda verði takmörkuð í og við Vogatjörn
Umhverfisnefnd Sveitarfélagsins
Voga fjallaði um Vogatjörn og
verndun lífríkis tjarnarinnar á
fundi sínum á dögunum.
„Umhverfisnefnd skorar á bæjar-
stjórn að sjá til þess að verndun Vo-
gatjarnar, sem er á náttúruminjaskrá
meðal annars vegna lífríkis tjarnar-
innar og fuglalífs, sé virt og takmarka
meðferð flugelda í og við tjörnina,“
segir í afgreiðslu umhverfisnefndar.
Flugeldar voru sprengdir í tjörn-
inni í mikilli flugeldasýningu nú
síðsumars en sýningin var haldin á
þeirri helgi sem Vogadagar fara vana-
lega fram. Engin var bæjarhátíðin en
bæjarbúum var boðið upp á veglega
flugeldasýningu sem ratað hefur á
borð umhverfisnefndar.
Flugeldar sprengdir í Vogatjörn í flugeldasýningu
síðsumars. VF-mynd: Hilmar Bragi
Samþykkja íþrótta-
og tómstundastyrki
í Vogum
Bæjarstjórn Sveitarfélagsins
Voga hefur samþykkt sam-
hljóða með sjö atkvæðum
reglur um úthlutun sérstakra
íþrótta- og tómstundastyrkja
fyrir börn á tekjulágum
heimilum skólaárið 2020–
2021. Reglurnar voru áður
til meðferðar hjá bæjarráði
21. október síðastliðinn.
„Ég fagna þeim reglum sem
samþykktar voru um sérstaka
íþrótta- og tómstundarstyrki
til barna frá tekjulágum heim-
ilum. Það er ljóst að í þeirri
kreppu sem nú gengur yfir
þjóðfélagið þarf að verja börn
og tekjulága einstaklinga og
er þetta skref til þess,“ segir í
bókun bæjarfulltrúa L-listans
við afgreiðsluna.
Deiliskipulag
í Reykjanesbæ
Bæjarstjórn Reykjanesbæjar samþykkti 6.
október 2020 að auglýsa tillögu að breytingu á
deiliskipulagi Flugvalla, Reykjanesbæ skv. 1. mgr.
43. gr. skipulagslaga nr. 123/2010.
Breyting á deiliskipulagi Flugvalla
Breytingin felur í sér að skipulagsmörk stækka
þannig að skiplagið nær yfir Flugvallarveg 50 og
52.  Flugvallarvegur fellur út og lóðin Flugvallarvegur
50 verður Flugvellir 2a stærð lóðar var 1861m² en
verður nú 2596m² og með með nýtingarhlutfallið
0,3. Flugvallarvegur 52 verður Flugvellir 1a. Stærð
lóðar var 8620m² en verður nú 13802m² með
nýtingarhlutfallið 0,2. 
Tillögurnar eru til sýnis á heimasíðu Reykjanesbæjar,
www.reykjanesbaer.is og skrifstofu Reykjanesbæjar
að Tjarnargötu 12 frá og með 12. nóvember 2020 til
31. desember 2020. 
Þeim sem telja sig eiga hagsmuna að gæta er hér
með gefinn kostur á að gera athugasemdir við
tillöguna. Frestur til að skila inn athugasemdum er til
31. desember 2020.
Skila skal inn skriflegum athugasemdum á skrifstofu
Reykjanesbæjar á Tjarnargötu 12 Reykjanesbæ eða
á netfangið gunnar.k.ottosson@reykjanesbaer.is
Skipulagsfulltrúi
Reykjanesbæ, 11. nóvember 2020
Nýtt vatnsból í Vogum:
„Hreint og gott vatn er
nauðsynleg lífsgæði“
Sveitarfélagið Vogar hyggst ráðast í virkjun nýs vatnsbóls sveitarfélagsins
sem leysir af hólmi núverandi vatnsból. Nýja vatnsbólið er í samræmi við
gildandi aðalskipulag sveitarfélagsins, segir í gögnum frá síðasta fundi í
bæjarstjórn Sveitarfélagsins Voga.
Sveitarfélagið fól Verkfræðistofunni
Verkís að vinna fyrirspurn þá um
matsskyldu sem nú er óskað um-
sagnar um. Það er mat bæjaryfir-
valda að framkvæmdin sé þýðingar-
mikil fyrir framtíðarvatnsöflun fyrir
íbúa og atvinnustarfsemi sveitar-
félagsins. Eins og fram kemur í
skýrslunni verður lögð áhersla á að
rask verði sem minnst og að fram-
kvæmdin verði unnin með það að
markmiði að umhverfisáhrif verði í
lágmarki.
Atvinnu- og nýsköpunarráðu-
neytið hefur beðið um umsögn
frá sveitarfélaginu vegna beiðni
Sveitarfélagsins Voga, dags. 24.
september síðastliðinn, um heimild
til eignarnáms á landi þar sem fram-
tíðarvatnsbólið er fyrirhugað. Í
svari sveitarfélagsins til ráðuneyt-
isins vísast um forsögu og nauðsyn
eignarnáms til bréfs Landslaga slf.
frá 24. september síðastliðinum.
Sérstaklega er áréttuð beiðni um að
málið hljóti skjóta afgreiðslu eins og
kostur er.
Bæjarfulltrúi L-listans óskaði eftir
að eftirfarandi væri bókað á fundi
bæjarstjórnarinnar:
„Ég vona að lausn verði fundin
sem allra fyrst varðandi nýtt
vatnsból sveitarfélagsins. Hreint og
gott vatn er nauðsynleg lífsgæði og
hagur allra að það verði tilbúið til
notkunar sem fyrst.“
Vilja rannsókn á kostnaði
við lagningu ljósleiðara á
Vatnsleysuströnd
Bæjarfulltrúar L-listans og
D-listans í Sveitarfélaginu
Vogum hafa báðir séð ástæðu
til að bóka vegna framúrkeyrslu
við lagningu ljósleiðara á Vatns-
leysuströnd.
Fulltrúi D-listans lagði fram eft-
irfarandi bókun í bæjarráði Voga á
dögunum: „D-listinn óskar eftir að
rannsökuð verði sú mikla framúr-
keyrsla sem varð við lagningu ljós-
leiðara.“
Á fundi bæjarstjórnar Voga
þann 28. október síðastliðinn
óskaði svo bæjarfulltrúi L-listans
eftir að eftirfarandi væri bókað:
„Ljóst er að kostnaður við
lagningu ljósleiðara á Vatns-
leysuströnd fór fram úr öllum
upphaflegum áætlunum. Því er
tekið undir bókun D-lista sem er
í fundargerð bæjarráðsfundar 315
sem fer fram á að rannsakað verði
hvað fór úrskeiðis við undirbúning
og lagningu ljósleiðarans.“
Frá Vatnsleysuströnd.
VF-mynd: Hilmar Bragi
Stöðugildi í barnavernd verði aukin
Margrét Þórarinsdóttir, bæjarfull-
trúi Miðflokksins í bæjarstjórn
Reykjanesbæjar, hvetur meiri-
hlutann til að huga að því að auka
við stöðugildi í barnavernd Reykja-
nesbæjar fyrir næstu fjárhagsá-
ætlun. Margrét hefur áhyggjur af
fjölgun barnaverndarmála í bæjar-
félaginu og að álagið sé mikið á fé-
lagsráðgjafa.
„Enn og aftur sjáum við aukningu
á milli mánaða. Í september 2020
bárust 56 tilkynningar vegna 45
barna og fjöldi nýrra mála í könnun
voru 25 mál en á sama tíma í fyrra
voru tilkynningarnar 45 vegna 44
barna og fjöldi nýrra mála í könnun
voru ellefu.
Þetta eru sláandi tölur og veldur
mér hugarangri en á þessum tölum
sjáum við að ný mál voru 25 miðað
við ellefu mál á sama tíma í fyrra.
Eins og ég hef bent á áður þá eru
barnaverndarmál þau erfiðustu
mál innan félagsþjónustunnar og
oft á tíðum er álagið mikið. Miðað
við þessar tölur þá verður að fjölga
stöðugildum á félagsráðgjöfum í
Barnavernd enda sýndi það sig
þegar álagsmæling var gerð á sviðinu
að vinnuálag er mikið og því alltaf
hætta á að fólk fari í kulnun. Ég hvet
því enn og aftur meirihlutann að
huga vandlega að auka stöðugildi
í Barnavernd fyrir næstu fjárhags-
áætlun.“
Mesti samdráttur í fjölda starfa á Suðurnesjum
Mesti samdráttur í fjölda starfa á landsvísu milli áranna 2019 og 2020
var á Suðurnesjum eða 16,1%. Á Suðurnesjum störfuðu 14.969 manns
árið 2019 en 12.566 árið 2020. Samdrátturinn á landinu eru langmestur
á Suðurnesjum og er um það bil tvöfalt hærri en næsta landssvæði sem er
Austurland. Þetta kemur fram í tölum frá Hagstofu Íslands.
FIMMTUDAG KL. 20:30
HRINGBRAUT OG VF.IS
HVAÐ GERIR INGÓ
ÞEGAR SALURINN
Á LANGBEST ER
TÓMUR?
8 // vÍKurFrÉttir á SuðurneSJuM Í 40 ár