Víkurfréttir - 11.11.2020, Blaðsíða 6

Minntust Guðjóns Þorgils
Kristjánssonar
Bæjarstjórn Suðurnesjabæjar
minntist Guðjóns Þorgils Kristjáns-
sonar á bæjarstjórnarfundi þann 4.
nóvember síðastliðinn. Guðjón lést
þann 25. október sl., 72 ára að aldri.
„Guðjón lét af störfum hjá Suður-
nesjabæ fyrir ári síðan, eftir að hafa
starfað um 40 ár hjá Sandgerðisbæ
og síðar Suðurnesjabæ. Guðjón var
lífsglaður og fjölhæfur Bolvíkingur
sem kom fyrst til Sandgerðis sem
ungur kennari. Eftir nokkurra ára
kennarastarf fór hann til annarra
starfa annars staðar en réðist sem
skólastjóri Grunnskólans í Sandgerði
árið 1985 og sinnti störfum skóla-
stjóra með miklum sóma til ársins
2005, eða í um tuttugu ár. Árið
2005 hóf Guðjón störf hjá Sandgerð-
isbæ, sem fræðslu- og menningar-
fulltrúi og um tíma hélt hann einnig
utan um íþrótta- og æskulýðsmál.
Guðjón annaðist um árabil funda-
ritun bæjarráðs og bæjarstjórnar
Sandgerðisbæjar og Suðurnesja-
bæjar. Við þau störf naut hann alla
tíð trausts kjörinna fulltrúa. Á sinn
hægláta hátt átti hann oft þátt í að
leiða erfið mál til lykta og sá til þess
að bókanir væru öllum til sóma.
Guðjón var góður hagyrðingur,
samdi gjarnan vísukorn sem fönguðu
augnarblikið á skemmtilegan hátt
og má segja að hann hafi verið eins-
konar hirðskáld bæjarstjórna. Margir
samferðamenn Guðjóns eiga vísu-
korn eftir hann, sem vekja ánægju-
legar minningar.
Bæjarstjórn þakkar Guðjóni sam-
fylgd og ánægjulegt samstarf um
árabil, sem og framlag hans til sam-
félagsins. Blessuð sé minning Guð-
jóns Þorgils Kristjánssonar.
Bæjarstjórn Suðurnesjabæjar sendir
fjölskyldu Guðjóns innilegar sam-
úðarkveðjur.“
Hrekkjavakan verður
árleg í Suðurnesjabæ
– og einn viðburður á gamlársdag
Ferða-, safna- og menningarráð Suðurnesjabæjar leggur til að hrekkjavaka
verði árlegur viðburður í Suðurnesjabæ. Þá er lagt til að fullveldisdagurinn
verði haldinn hátíðlegur og að tendrun jólaljósa fari fram við sama tækifæri.
„Þá verði unnið að því að útfæra einn viðburð 31. desember í samstarfi við
björgunarsveitir í Suðurnesjabæ,“ segir í afgreiðslu ráðsins sem samþykkt var
samhljóða á síðasta fundi bæjarstjórnar Suðurnesjabæjar.
Geti landað
byggðakvóta
utan Garðs
Á 60. fundi bæjarráðs Suðurnesjabæjar var samþykkt
samhljóða að óska eftir við atvinnuvega- og nýsköp-
unarráðuneyti að þar sem ekki er löndunarhöfn í
byggðarlaginu Garði verði fullgilt að fiskiskip, sem þar
eru skráð og fá úthlutað byggðakvóta, landi afla sem
telst til byggðakvóta í öðru byggðarlagi en til vinnslu í
byggðarlaginu Garði.
Jafnframt verði óskað eftir breytingu á 1. mgr. 4. gr.
reglugerðar um úthlutun byggðakvóta, um að fyrir
byggðarlagið Garð komi m.a. „...og skal skipt hlutfalls-
lega af því aflamarki sem fallið hefur til viðkomandi
byggðarlags, miðað við allan landaðan botnfiskafla í
tegundum sem hafa þorskígildisstuðla, í þorskígildum
talið innan sveitarfélagsins á tímabilinu 1. september
2020 til 31. ágúst 2021“.
Í tilefni hrekkjavökunnar í haust var ákveðið að bregða
aðeins út af vananum í heimilisfræði í Sandgerðisskóla og
útbúa örlítið sætari og skemmtilegri kræsingar. Nemendur
fengu að skreyta þær tengdar hrekkjavökunni.
Vill leggja áherslu á að verja
verkefni tengd börnum
– við gerð fjárhagsáætlunar í Vogum
Samgöngu- og sveitarstjórnar-
ráðuneytið hefur veitt Sveitar-
félaginu Vogum jákvætt svar við
ósk um frest til að leggja fram og
afgreiða fjárhagsáætlun sveitar-
félagsins.
Með vísan til sveitarstjórnarlaga
samþykkti bæjarráð að sækja um
frest um að leggja fram fjárhagsá-
ætlun eigi síðar en 1. desember
2020 og að lokinni umfjöllun
bæjarstjórnar geti afgreiðsla fjár-
hagsáætlunar farið fram eigi síðar
en 31. desember 2020.
Jóngeir Hjörvar Hlinason, bæjar-
fulltrúi L-listans, óskaði eftir að
eftirfarandi væri bókað um fjár-
hagsáætlunina:
„Ljóst er að sveitarfélaginu er
mikill vandi á höndum við gerð
fjárhagsáætlunar 2021 til 2024,
ýmsir þættir eru óljósir og því er
rétt að fresta framlagningu draga
að fjárhagsáætlun. Spá um tekjur
og gjöld ættu
skýrast eftir
því sem tíminn
líður nær ára-
mótum. Þar er
verið að ræða
um samdrátt í
útsvarstekjum
og skerðingu
greiðslna úr
Jöfnunarsjóði
sveitarfélaga
mun fyrirsjáanlega dragast saman
á árinu 2021. Það er fyrirséð að
kostnaður vegna lögbundinna verk-
efna sveitarfélagsins munu aukast.
Það lítur því frekar illa út með
rekstur sveitarfélagsins 2021 og við
þurfum öll að taka höndum saman
ef ekki á mjög illa að fara.
Ég tel að við gerð fjárhagsáætl-
unarinnar skuli leggja áherslu á að
verja verkefni tengd börnum ásamt
því að tekið verði tillit til tekjulágra
og eignalítilla einstaklinga sem
kostur er.“
Jóngeir Hjörvar
Hlinason
6 // vÍKurFrÉttir á SuðurneSJuM Í 40 ár