Faxi - 2020, Page 16

Saga húsanna
„Kastalinn“ Hafnargata 39 Keflavík
16 FAXI
Óskum Suðurnesjamönnum
nær og fjær gleðilegra jóla
og farsældar á nýja árinu.
Þökkum samskiptin
á liðnu ári.

Eldvarnir ehf.
Iðavöllum 3
Sími 420 2020 - 892 7519
Hafnargata 39 í Keflavík er 90 ára á þessu herrans ári.
Húsið er að sönnu svolítið sérstakt
í laginu, hálfgerður Funkis stíl en
þó ekki alveg. Húsið var byggt af
hjónunum Gunnari Sigurfinnssyni
bólstrara og konu hans Sigrúnu
Ólafsdóttur. Þar bjuggu þau með
sínum börnum og Sigrún allt fram
til ársins 1984. Íbúðarhúsið er
ferningur, kjallari og hæð. Sérstæða
hússins eru kastalasteinar efst á
þakinu, enda húsið oftar en ekki
verið nefnt Kastalinn.
Snemma á sjötta ártug síðustu
aldar stækkaði Gunnar svo um
munar húsið og byggði verslunarrými
við hlið íbúðarhússins. Þar opnaði
hann húsgagnaverslun 1956 og rak
hana til dánardags en Gunnar lést á
aðfangadag 1966. Gunnar verslaði
með húsgögn en margt annað líka
samanber auglýsingu í Faxa fyrir jólin
1957.
Börn Gunnars og Sigrúnar ráku
verslunina áfram í einhver ár eftir
dauða föður þeirra.
Lindin söluturn sem hafði um
árabil verið með starfssemi sína í
litlum skúr að Hafnargötu 15, við
hlið Ingimundarbúðar og gömlu
lögreglustöðvarinnar flutti sig um set
árið 1973 og opnaði við Hafnargötu
39. Má segja að það hafi verið algjör
bylting að fara úr litlum skúr sem
rúmaði ekki einu sinni allan lagerinn
og í rúmgott húsið. Jóna Björg
Georgsdóttir hafði rekið Lindina frá
stofnun en eiginmaður hennar Jóhann
Ólafsson kom seinna að rekstrinum.
Ráku þá Lindina til 1995. Segja má
að staðsetning á sjoppu á Hafnargötu
39 hafi verið kjörin. Stór og mannfrek
fiskverkunarhús starfrækt allt í kring.
Pósthúsið og símstöðin beint á móti
og Sparisjóðurinn á Suðurgötu. Enda
voru þeir margir sem ,,duttu“ inn til
Jóa á Lindinni.
Síðar var rekin raftækjaverslun í
húsnæðinu og gjafavöruverslun sem
einmitt kallaðist Kastalinn.
Í dag er veitingastaðurinn Thai
Keflavík í húsinu og hefur verið um ár
abil. KJ.
Óskum Suðurnesjamönnum
gleðilegra jóla og farsældar á nýja árinu.
Þökkum samskiptin
á liðnu ári.
Ljósm. Byggðasafn Reykjanesbæjar 39