Morgunblaðið - 02.05.2020, Blaðsíða 12

12 DAGLEGT LÍF
MORGUNBLAÐIÐ LAUGARDAGUR 2. MAÍ 2020
Kristín Heiða Kristinsdóttir
khk@mbl.is
É
g hafði ekki heklað í
mörg ár af því ég
fann ekki neitt
skemmtilegt til að
hekla, en þegar ég sá
þessa mandölu hjá Handóðum
heklurum, grúppu sem ég er í, þá
varð ég alveg veik og fór af stað.
Ég á ekki nema tvær þrjár um-
ferðir eftir, þarf bara að ákveða
litina,“ segir Sunna Björk Þórar-
insdóttir en hún er að leggja loka-
hönd á ögrandi verkefni, að hekla
risastóra mandölu í öllum regnbog-
ans litum.
„Þetta hefur verið rosalega
gaman, besta verkefni í heimi til
að takast á við. Þegar ég hef verið
að hekla mandöluna þá hefur hún
stækkað og stækkað smám saman,
svo það hefur farið vel um mig þar
sem ég hef verið undir þessu man-
döluteppi í vetrarhörkunum meðan
ég hekla hringinn,“ segir Sunna og
bætir við að hún noti kambgarn og
heklunál númer þrjú.
„Þetta er orðið heljarinnar
stykki, sonur minn sem er um það
bil 110 sentimetrar á hæð, nær yfir
alla mandöluna ef hann leggst á
hana, svo hún er um það bil jafn-
stór honum.“
Ég hef verið rosa frekja
Sunna hefur verið að við
mandöluheklið frá því í ágúst í
fyrra, svo þetta er rúmlega hálft
ár sem það hefur tekið hana að
ljúka verkinu.
„Enda hef ég aldrei gert þetta
áður á ævinni, því þó ég þekki
kannski lykkjurnar þá er maður
svolítið hikandi, en verður bara að
„hetjast“ í gegnum þetta. Ég er
einstæð móðir með tvö börn svo ég
hef ekki setið alveg við þetta öllum
stundum, en ég hef samt verið
rosa frekja,“ segir Sunna og hlær.
„Maður er ekkert að horfa á
Netflix meðan maður heklar svona
mandölu, því það þarf að telja.
Eins er rosa mikið mál þegar þarf
að rekja upp. Mér fannst ekki
skemmtileg tilhugsun að hekla
þessa mandölu í einum lit, sem
hefði vissulega verið miklu einfald-
ara, en ég get ekki tekist á við
verkefni með fáum litum, það
gengur alls ekki upp fyrir mig.“
Ákveðin sjálfskoðun líka
Sunna er komin í mikið hekl-
stuð og segist byrjuð á tveimur
öðrum mandölum, önnur þeirra er
hefðbundin og ætlar hún að gefa
hana í brúðkaupsgjöf.
„Vonandi verður sú mandala
fallegt skart fyrir hjónarúm
væntanlegra brúðhjóna, ég hef séð
að sumar konur hekla mandölur
sem ná yfir heilu rúmin. Sú sem
hannaði þess mandölu sem ég er
að klára, Helen Shrimpton, gerði
bara hring, en svo kom önnur kona
og bætti um betur og gerði kant.
Ég hef verið að bíða eftir því að fá
að sjá hvernig á að gera þennan
kant, því ég hef notað youtube-
myndbönd til að læra þetta. Mig
langaði að ná mér í hekluforrit til
að teikna upp mandöluna, en fann
ekkert af viti. Að lesa uppskriftina
er pínu sósa, það er betra að fara
eftir myndbandi. Samt sem áður
ruglast manneskjan í myndband-
inu stundum í munninum þegar
hún er að segja frá, því hún er líka
þreytt eins og ég,“ segir Sunna og
hlær.
„Svo hoppar maður yfir í upp-
skriftina til að gá hversu margar
lykkjur eiga nú að vera. Ég hef
þurft að standa í því að telja átta
hundruð lykkjur. Það er ekkert
grín að standa frammi fyrir villu í
svona mandöluhekli, til dæmis
þegar lykkjurnar eiga að vera 642
en ég tel mínar og þær eru 651.
Þetta er samt rosa gaman og
maður fer í gegnum ákveðna
sjálfsskoðun og sjálfsaga við
þetta. Ef maður til dæmis ruglast
í umferð, þá er mjög sniðugt að
rekja hana upp, fara síðan að sofa
og finnast maður vera að byrja
upp á nýtt daginn eftir. Svo mað-
ur missi ekki móðinn. Að hekla
svona mandölu krefst þess að
maður fari í ákveðin atriði sjálfs-
þekkingar, spurningar vakna sem
þarf að svara: Get ég þetta?
Hvernig leysi ég úr þessu? Get ég
svindlað? Þetta er því marg-
slungið sem maður gengur í gegn-
um með mandöluna. Þetta er við-
bjóðslega gaman, ef maður vill
flókin verkefni. Heilinn í mér er
einmitt svoleiðis, hann vill ekki
einfalt. Ég man þegar ég heklaði
einhverju sinni bylgjuteppi og
eina skemmtunin þar var að setja
liti. Ég gafst upp á því, af því mér
fannst það leiðinlegt. Ég vil ögr-
un, og þvílíkur fögnuður þegar ég
sá þetta flókna hekluverk í þessari
mandölu!“
Algerlega sjúk í miðaldir
Sunna Björg á ekki langt að
sækja handlagnina, mamma henn-
ar og móðursystir gerðu sér lítið
fyrir og sérsaumuðu á sig dragtir
fyrir kosningadaginn merka þegar
Vigdís Finnbogadóttir var kosin.
„Þær voru rosalegar í hönd-
unum, móðursystir mín var til
dæmis að leika sér að því að búa
til baðstofu úr pappa, sem var
mikið nákvæmnis- og vandaverk.
Mamma gerði líka allt sjálf, dúka-
lagði og veggfóðraði heima hjá
sér. Mamma fór í húsmæðraskóla
og hún stundaði bróderí og hvað-
eina, þær gátu allt þessar konur
af hennar kynslóð. Bróðir minn er
líka svona, hann fer til dæmis í
Góða hirðinn og finnur eitthvað
gamalt og bilað sem hann gerir
upp og lagar. Systir mín er brjál-
uð prjónakona, svo það er rosa
verkvit í þessu fólki mínu. Ég er
því bæði alin upp við þetta og hef
þetta í blóðinu, en ég læt heklið
duga, það hentar mér. Það er ein-
falt og skemmtilegt að rekja það
upp. Ég er aftur á móti með óbil-
andi dellu fyrir miðöldum á Bret-
landseyjum, öllu sem þeim teng-
ist. Ég er algerlega sjúk í miðaldir
og handverk sem tengist þeim.“
Þvílíkur fögn-
uður í flóknu
hekluverki
Margir hafa í heimasetu veirutíðar litað mandölur sér til hugarhægðar, en
Sunna Björk tók þetta skrefinu lengra og heklaði risastóra mandölu, enda nennir
hún ekki að hekla ef það eru engar áskoranir. „Maður er ekkert að horfa á Netflix
meðan maður heklar svona mandölu, því það þarf að telja,“ segir Sunna alsæl.
Morgunblaðið/Kristinn Magnússon
Úti að leika Sonur Sunnu Bjarkar, Haukur Óðinn Engilbertsson, fleygir sér flötum á mandöluna fögru.
Sunna Björk Notalegt undir stóru mandölu, aðeins eftir að hekla kantinn.
Uppskriftin er ókeypis á vef-
síðunni: Ravelry.com.
Slóð á youtube: Mandala
Madness Part 1.
Lyklasmíði & öryggiskerfi Skútuvogur 1E | 104 REYKJAVÍK | SÍMI 533 2900 |WWW.LYKLALAUSNIR.IS
Hæð (cm) Breidd (cm) Dýpt (cm)
Ytra mál 25 35 25
Innra mál 24,2 34 20
AÐEINS 6.990 KR.
Öruggur og nettur verðmætaskápur fyrir heimili.
Þriggja til átta stafa aðgangskóði ásamt lyklum ef rafhlöður skildu klárast.
Innbyggð 130 dB bjalla fer í gang ef rangur aðgangskóði er notaður oftar en þrisvar.