Morgunblaðið - 03.05.2020, Page 29

MENNING 29
MORGUNBLAÐIÐ MÁNUDAGUR 4. MAÍ 2020
Nánari upplýsingar um sýningartíma á sambio.is
SÝND MEÐ ÍSLENSKU OG ENSKU TALI
SÝND MEÐ ÍSLENSKU OG ENSKU TALI
VINSÆLASTA GRÍNMYND ALLRA TÍMA Á ÍSLANDI
KOMIN AFTUR Í BÍÓ
TIL AÐ KOMA OKKUR Í HLÁTURGÍRINN !
Tónlistarmaðurinn Sváfnir Sigurð-
arson mælir með listaverkum í kóf-
inu. „Samkomubannið hefur kallað
á svo marga göngutúra að jafnvel
hundurinn er farinn að verða leiður
en í þessum göngutúrum nýti ég
tímann í að hlusta á gott podcast eða
á tónlist. Ég reyni að hlusta á eitt-
hvað nýtt til helminga á móti því
gamla en ég viðurkenni vel að mað-
ur er ekki eins móttækilegur í dag
og maður var hér
áður. Ég hef
beint sjónum
mínum meira að
íslenskri tónlist
og í vikunni rat-
aði ég á tónlist
Sveins Guð-
mundssonar
söngvaskálds
sem var að gefa
út plötuna Skrif-
stofuplanta. Ég
bókstaflega kolféll fyrir þessari
plötu. Ekki síst textunum hans sem
við fyrstu hlustun virðast fjalla um
einfalda og afmarkaða hluti en eru
þegar betur eru að gáð miklu dýpri
og líkingamálið margslungið. Ég
skora á ykkur að taka góðan göngu-
túr með Skrifstofuplöntu. Það verð-
ur enginn svikinn af því.
Plata æskuhetjunnar minnar
Pauls Wellers, True Meanings frá
2018, er frábær og ég læt hana rúlla
reglulega og þá alla leið í gegn.
Mæli hiklaust með öllum katalóg
Wellers. Hann er séní.
Af því sem ég hef séð á skjánum
undanfarið hef ég helst hrifist af
þáttunum Unorthodox sem bregða
ljósi á samfélag Hasíta-gyðinga í
Williamsburg í Brooklyn. Þættirnir
byggjast að hluta á sögu konu sem
sneri baki við rótum sínum og flýði
þetta samfélag í leit að betra lífi.
Þetta er mögnuð innsýn í framandi
menningarheim og mér skilst að
þessi mynd sem er dregin upp þarna
fari býsna nærri raunveruleikanum.
Ég vildi óska þess að ég hefði ein-
hverja stórbrotna skáldsögu á nátt-
borðinu þessa stundina, en ég væri
bara að skrökva ef ég segði að svo
væri. Ég bendi fólki því bara á að
endurnýja kynnin við Ástríks-
bækurnar, en annar höfunda þeirra
Albert Uderzo lést í mars síðast-
liðnum og tilvalið að heiðra minn-
ingu hans með því að kíkja í Gaul-
verjabæ. Það má alltaf treysta á góð
slagsmál í fiskbúðinni, grillaðan
villigölt og Óðrík tjóðraðan uppi í
tré. Allt eins og það á að vera.“
Mælt með í kófinu
AFP
Gleðistund Teiknarinn Albert Uderzo ásamt Steinríki og Ástríki.
Skrifstofuplanta
og Gaulverjar
Séní Paul Weller tónlistarmaður.
Sváfnir
Sigurðarson
„Við fáum leiðbeiningar um hvernig
við eigum að þrífa og auka bilið milli
áhorfenda á tímum kórónuveiru-
faraldursins. En við fáum litlar sem
engar upplýsingar um það hvað leik-
hópurinn má og hvað ekki,“ segir
Trine Holm Thomsen, leikhússtjóri
Aarhus Teater í Danmörku. Í liðinni
viku kynnti hún komandi leikár og
var þar með fyrst leikhússtjóra til
þess þar í landi. Í samtali við danska
dagblaðið Politiken segir hún mikla
óvissu ríkja um verkefni næsta leik-
árs þar sem enn sé til dæmis óljóst
hversu margir áhorfendur megi vera
á hverri sýningu í haust.
„Mega leikarar snertast? Mega
þeir kyssast? Hversu margir mega
vera á sviðinu í einu? Við höfum eng-
in svör við þessu. Það er ávallt gleði-
stund þegar nýtt leikár er kynnt, en
í þetta skiptið er ég á báðum áttum
því ég veit ekki hvort þau verkefni
sem ég er að kynna munu rata á
svið.“ Leikhús í Danmörku hafa ver-
ið lokuð frá miðjum mars.
Aðspurð hvers vegna verkefnaval
komandi leikárs endurspegli ekki þá
fordæmalausu tíma sem nú ríkja
bendir Thomsen á að leikár séu
ávallt skipulögð með a.m.k. tveggja
ára fyrirvara. „Auðvitað þurfum við í
framhaldinu að hugsa hlutina upp á
nýtt og vera skapandi til að komast í
gegnum kórónuveirutímann. Mig er
farið að þyrsta í aðrar frásagnir en
endalausar og einsleitar fréttir af
sjúkdómnum, innlögnum og dauða.
Þegar bókhaldið fyrir menninguna
verður gert upp óttast ég hvað þessi
tími mun kosta í reynd. En ég veit að
við höfum lært að það verður aldrei
aftur hægt að líta á listina sem
skraut. Listin er lífsnauðsynleg.“
Ljósmynd/ Isak Hoffmeyer, Aarhus Teater
Stjóri Trine Holm Thomsen.
Mega leikarar snertast?
 Nýtt leikár kynnt í mikilli óvissu
 Listin verður aldrei álitin skraut
Úti um heimsbyggðina leita listamenn leiða til að
skemmta og hvetja samborgara sína til dáða á erfiðum
tímum, samtímis og þeir vinna áfram að listsköpun
sinni eins og þeim er unnt. Í vikunni lét bandaríska
söngvaskáldið Phil Angotti aka sér um heimaslóðir í
Oak Park í Illinois, sat aftur á palli bílsins og lék og
söng fyrir íbúana. Framtakið var hluti af farand-
tónleikaröð sem er kölluð „Stay-at-Home“-tónleikar.
AFP
Tónlist fyrir samborgarana