Morgunblaðið - 08.05.2020, Blaðsíða 4

KÓRÓNUVEIRUFARALDUR4
MORGUNBLAÐIÐ FÖSTUDAGUR 8. MAÍ 2020
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk heimilistæki
rafvorur.isRAFVÖRUR ehf
Þvottavélar
og þurrkarar
sem taka
10-17 kg
544 5151tímapantanir
Allar almennar BÍLAVIÐGERÐIR
Bíljöfur ehf er stoltur aðili að kynna aðgerðir
ríkisstjórnarinnar ALLIR VINNA sem felur í sér
endurgreiðslu á VSK af vinnulið einkabifreiða
Smiðjuvegi 34 • gul gata Kópavogi • biljofur@biljofur.is
Áfram er unnið að undirbúningi
Þjóðhátíðar í Vestmannaeyjum um
verslunarmannahelgina og miða-
sala stendur yfir. Hörður Orri
Grettisson, formaður þjóðhátíð-
arnefndar ÍBV, segir að beðið sé
eftir að mál skýrist um hvaða
fjöldatakmarkanir verði í gildi
þegar að hátíðinni kemur um mán-
aðamótin júlí og ágúst og aðrar
reglur stjórnvalda.
Sóttvarnalæknir gaf það út í
fyrradag að tveggja metra
nándarreglan yrði ekki algild eftir
því sem leyfðar yrðu stærri sam-
komur. Samkomuhaldarar yrðu þó
að gæta þess að þeir sem þyrftu
eða vildu vegna undirliggjandi
sjúkdóma eða af öðrum ástæðum
ættu að geta notið tveggja metra
svigrúms.
Sóttvarnalæknir hefur gefið út
að rétt væri fyrir skipuleggjendur
viðburða í sumar að miða við að
hámarksfjöldi gesta fari ekki yfir
2.000 manns. Margfalt fleiri sækja
venjulega Þjóðhátíð í Eyjum. Til
umræðu hefur verið að skipta
Herjólfsdal upp í sóttvarnasvæði
og ýmsar aðrar hugmyndir komið
upp. „Við bíðum eftir því hvað yf-
irvöld segja, hvernig reglurnar
verða, og munum taka ákvarðanir
út frá því,“ segir Hörður.
Krakkamótin verða haldin
ÍBV stendur fyrir tveimur fjöl-
mennum knattspyrnumótum fyrir
börn í júní og hefur gert á hverju
ári í mörg ár. TM-mótið fyrir
stelpur verður 11.-13. júní og
Orkumótið fyrir stráka 24.-27.
júní. Mótin verða haldin.
Hörður segir að allt skipulagið
miðist við að fylgja reglum yf-
irvalda um sóttvarnir. ÍBV hefur
gefið út aðgerðaáætlun fyrir bæði
mótin. Þar er bent á að fjöldatak-
markanir gilda ekki um börn í
íþróttum, aðeins fullorðna, og því
verði að takmarka aðgengi fullorð-
inna í gistingu, mat og jafnvel á
viðburði sem fara fram inni í
íþróttahúsi. Þá verða áhorfenda-
svæði á knattspyrnuvöllunum hólf-
uð niður. helgi@mbl.is
Bíða eftir nýjum reglum
 Áfram unnið að undirbúningi Þjóðhátíðar í Eyjum
 Aðgerðaáætlun fyrir TM-mótið og Orkumótið
Morgunblaðið/Óskar Pétur Friðriksson
Mannmergð Einhverjar ráðstafanir
þarf að gera í Herjólfsdal.
Guðni Einarsson
gudni@mbl.is
Margir Íslendingar virðast ætla að
ferðast innanlands í sumar, enda fátt
annað í boði. Hótelin gera fólki góð til-
boð og sumarhús eru eftirsótt.
Íslandshótel verða með 7 af 17 hót-
elum opin. Hægt er að kaupa gistingu
í 5, 7 eða 10 nætur á einu eða fleiri af
hótelum keðjunnar á góðu verði. Auk
þess 2, 3 eða 4 nátta dvöl á tilteknu
hóteli. Eins eru tilboð í gistingu fyrir
tvo með kvöld- og morgunverði og að-
gangi að spa eða sjóböðum á þremur
af hótelunum. Hundaeigendur mega
hafa gæludýrin sín með, að ákveðnum
skilyrðum uppfylltum (Hundalíf).
„Við höfum fengið góð viðbrögð,
bæði við tilboðunum og Hundalífinu,“
sagði Davíð Torfi Ólafsson, fram-
kvæmdastjóri Íslandshótela. Hann
sagði ásóknina nú vera aðeins brot af
því sem menn áttu að venjast. „Frá 1.
maí og til 6. maí var búið að bóka 530
gistinætur samkvæmt þessum tilboð-
um. Á sama tíma í fyrra var búið að
bóka 219.000 gistinætur. Þetta er
bara lítið brot miðað við ef allt væri
eðlilegt,“ sagði Davíð.
Hann taldi að hótelin yrðu öll rekin
með tapi í sumar. „Þetta heldur tann-
hjólunum aðeins smurðum. Við erum
enn með yfir 300 starfsmenn í vinnu.
Þeir hafa störf og við erum að sinna
íslenska markaðnum.“
KEA hótelin eru með tíu hótel og
verða þrjú þeirra opin í sumar, að
sögn Páls L. Sigurjónssonar for-
stjóra. Hann sagði að boðið yrði upp á
mörg tilboð og alls konar pakka með
afþreyingu í samvinnu við ýmsa sam-
starfsaðila. Þar á meðal golf, sund,
sjósport o.fl. Tilboðin eru nú að detta
inn eitt af öðru.
„Við sjáum úti á landi að það er
kominn ferðahugur og farin að lyftast
brúnin á fólki. Fólk tekur þátt í leikj-
um, hringir og spyr. Það er búið að
vera nokkurt líf á hótelunum bæði á
Akureyri og í Vík. Við Íslendingar
bókum svolítið seint, höfum tilhneig-
ingu til að fara eftir veðrinu. Ég vil
benda fólki á að það er alltaf ódýrast
og best að bóka gistingu beint og
milliliðalaust,“ sagði Páll.
Center hótelin í Reykjavík verða
með þrjú hótel af átta hótelum sínum
opin í sumar, að sögn Söru Krist-
ófersdóttur, framkvæmdastjóra við-
skiptasviðs Center hótelanna.
Hún sagði að Íslendingum yrðu
gerð margs konar tilboð í gistingu. Þá
eru að hefjast gjafabréfaherferðir.
Ein er „framlínuherferð“ þar sem
hægt er að kaupa gjafabréf fyrir
framlínustarfsmenn sem hafa haldið
þjóðfélaginu gangandi. Í því er ein
nótt í 2 manna herbergi á 14.900 kr.
og á móti gefa Center hótel 10.000 kr.
inneign sem m.a. er hægt að nota til
þess að uppfæra herbergið eða fara í
spa. Svo verður gjafabréfaherferð
fyrir almenning með allt að 50% af-
slætti.
Sumarhúsin mjög vinsæl
Starfsfólk stéttarfélaga finnur fyrir
mikilli ásókn fólks í sumarhús.
Þórunn Jónsdóttir, sem er yfir or-
lofshúsum VR, segir greinilegt að það
sé mikill hugur í fólki að ferðast inn-
anlands. Hún segir að sumarið sé
löngu uppbókað. Opnað var fyrir
sumarbókanir í janúar. VR á 73 or-
lofshús og íbúðir og leigir auk þess 20-
25 hús í sumar.
„Fólk ætlar greinilega að ferðast
innanlands. Það er nánast ekkert
laust hjá okkur,“ sagði Gauti Skúla-
son, ráðgjafi hjá orlofssjóði BHM.
Hann sagði að búið væri að bóka nær
allar gistivikur. Bókanir hófust í mars
og ásóknin jókst til muna eftir því
sem áhrif heimsfaraldursins urðu
meiri. BHM á um 60 sumarhús og
leigir 20-30 til viðbótar yfir sumarið.
„Það er algjör sprengja núna sem
við höfum aldrei séð fyrr. Það er ljóst
að ferðatakmarkanir hafa mikil áhrif
og menn reikna ekki með að komast
úr landi,“ sagði Sveinn Ingvason, for-
stöðumaður orlofsmála hjá Eflingu.
Hann sagði að búið væri að bóka allt
sumarið og einnig vikur í byrjun og
lok sumars sem venjulega hafa setið
eftir. Allur maí er bókaður og gríðar-
leg eftirspurn. Sveinn sagði að ásókn-
in væri slík að þau hefðu getað leigt út
helmingi fleiri sumarhús en þau ráða
yfir. Ef eitthvað dettur út þá leigist
það aftur samstundis. Orlofshúsa-
sjóður Eflingar er með 56 sumarhús í
sumar.
Greinilegur ferðahugur í fólki
 Hótelkeðjur gera landsmönnum hagstæð tilboð í gistingu í sumar  Hótelin verða ekki nærri öll opin
í sumar  Margs konar afþreying í boði  Sumarhús stéttarfélaganna uppbókuð og mikil eftirspurn
Morgunblaðið/Ómar
Seljalandsfoss Væntanlega verða flestir ferðalangarnir hér á landi í sumar heimamenn. Hótelin eru farin að bjóða
landsmönnum upp á margs konar tilboð og afslætti sem geta auðveldað fólki að ferðast um landið í sumarfríinu.
Tvö ný smit kórónuveirunnar
greindust hér á landi síðastliðinn
sólarhring. Tekin voru 252 sýni á
veirufræðideild Landspítala en 368
hjá Íslenskri erfðagreiningu. Virk-
um smitum fækkar þó milli daga,
eru nú aðeins 36 og hafa ekki verið
færri frá því 4. mars.
Ekki hafa fengist upplýsingar
um það hvar á landinu hinir ný-
greindu eru búsettir, en hvorugur
var í sóttkví. Allir sex sem greinst
hafa með veiruna undanfarna tíu
daga hafa verið utan sóttkvíar.
Heimilt verður að opna sund-
laugar að nýju mánudaginn 18. maí
en ljóst er að sú opnun verður háð
fjöldatakmörkunum. Þórólfur
Guðnason sóttvarnalæknir segir í
samtali við mbl.is að enn eigi eftir
að koma í ljós hvernig fjöldatak-
mörkunum verður háttað. „Sund-
laugar eru með leyfi fyrir ákveðinn
fjölda í sinni starfsemi og hvort
miðað verði við 50 eða við hlutfall
af leyfðum heildarfjölda í lauginni
á eftir að koma í ljós,“ segir Þór-
ólfur.
Tvö ný kórónu-
veirusmit greindust
 Fjöldatakmarkanir í sundi óútfærðar
1.755 hafa náð bata
1.801 smit voru
staðfest í gær kl. 13.00
10 einstaklingar eru látnir
19.430 hafa lokið sóttkví
729 eru í sóttkví
3 einstaklingar eru á sjúkrahúsi,
enginn á gjörgæslu
2 ný smit tilkynnt í gærÞar af voru
36 einstaklingar eru með virkt smit og
eru í einangrun