Morgunblaðið - 08.05.2020, Page 27

ÍÞRÓTTIR 27
MORGUNBLAÐIÐ FÖSTUDAGUR 8. MAÍ 2020
 Ronald Koeman, þjálfari hollenska
karlalandsliðsins í knattspyrnu og
fyrrverandi knattspyrnustjóri Everton
og Southampton, kveðst vera stál-
hress á ný eftir að hafa gengist undir
hjartaþræðingu. Koeman, sem er 57
ára gamall, var fluttur á sjúkrahús á
sunnudaginn eftir að hafa fengið verki
fyrir brjósti og fór beint í aðgerð. Hann
skýrði frá því á Twitter að hann væri
orðinn stálhress, þakkaði læknum í
Amsterdam fyrir snögga og frábæra
hjálp. „Svona lagað kemur manni nið-
ur á jörðina. Þetta var talsverð við-
vörun, fyrir sjálfan mig fyrst og fremst
en líka fyrir fjölskyldu og vini,“ sagði
Koeman sem hefur stýrt hollenska
landsliðinu undanfarin tvö ár.
 Mette Frederiksen, forsætisráð-
herra Danmerkur, staðfesti í gær að
liðin í tveimur efstu deildum karla
mættu byrja að spila leiki frá og með
næsta mánudegi og hefja deilda-
keppnina eins fljótt og mögulegt er
eftir það. Leikið verður án áhorfenda,
æfingar geta hafist án takmarkana á
morgun, föstudag, og stjórn deilda-
keppninnar hefur gefið út að fyrstu
leikir verði spilaðir 29. maí. Félögin í
úrvalsdeild karla eiga eftir að spila
átta til þrettán leiki, eftir því hvort þau
enda í efri eða neðri hluta deildarinnar
að 26 umferðum loknum en búið er að
spila 24 umferðir.
 Ítalska knattspyrnufélagið Fiorent-
ina skýrði frá því í gær að þrír leik-
menn liðsins og þrír úr læknateymi
þess hefðu greinst með kórónuveiruna
eftir að hafa farið í próf í fyrradag.
Þessir sex væru allir komnir í ein-
angrun. Sampdoria greindi síðan frá
því að þar hefðu fjórir leikmenn reynst
smitaðir. Ítölsku liðin eru byrjuð að
æfa en í litlum hópum og með tveggja
metra fjarlægðarreglunni og vonast er
eftir því að þau megi byrja að æfa eðli-
lega 18. maí.
 Kaupmannahöfn verður áfram einn
af keppnisstöðunum á Evrópumóti
karla í knattspyrnu sumarið 2021 en
blikur voru á lofti eftir að frestanir
vegna kórónuveirunnar settu bæði
mótið og hjólreiðakeppnina Tour de
France úr skorðum. Upp var komin sú
staða að leikir á EM í Kaupmannahöfn
myndu rekast á upphafið á Tour de
France, en báðum viðburðunum var
frestað til sumarsins 2021. Danska
knattspyrnusambandið og borgarráð
Kaupmannahafnar skýrðu frá því á
fréttamannafundi síðdegis í gær að
samkomulag hefði nást um skipan
mála. Fjórir leikir á EM verða spilaðir í
Kaupmannahöfn, eins og ráð var fyrir
gert, og í kjölfarið verða þrjár dagleiðir
af Tour de France haldnar í Danmörku.
 Viðar Örn Kjartansson, landsliðs-
maður í knattspyrnu, verður áfram í
röðum Yeni Malatyaspor í Tyrklandi en
tyrkneska félagið hyggst kaupa hann
af Rostov í Rússlandi að þessu tímabili
loknu. Viðar kom til félagsins sem
lánsmaður í janúar
og hefur skorað eitt
mark í fyrstu sjö
umferðunum. Lið
hans er í
fimmtánda
sæti af átján
liðum þegar
átta umferð-
um er ólokið
en Tyrkir ætla
að halda áfram
með deilda-
keppnina 12.
júní.
Eitt
ogannað
FRÉTTASKÝRING
Kristján Jónsson
kris@mbl.is
Ríkisútvarpið fullyrti á vef sínum
um miðjan daginn í gær að Inga
Þór Steinþórssyni, þjálfara Íslands-
meistaraliðs KR í körfuknattleik
karla, hefði verið sagt upp störfum
en félagið hefur ekki sent neina til-
kynningu frá sér ennþá.
Eftir því sem Morgunblaðið
kemst næst fundaði Ingi með
vinnuveitendum sínum hjá KR á
miðvikudag þar sem möguleg
starfslok hans sem þjálfara voru til
umræðu. Ekki virðist hafa verið
gengið frá starfslokum en fréttir
gærdagsins hafa heldur ekki verið
leiðréttar. Netmiðillinn Karfan.is
fullyrti í gær að Darri Freyr Atla-
son ætti að taka við KR og RÚV
sagði það vera líklegt. Á dögunum
var tillkynnt að Darri væri hættur
hjá Val en hann gerði kvennalið
Vals að Íslands- og bikarmeisturum
í fyrra.
Böðvar Guðjónsson, formaður
körfuknattleiksdeildar KR, svaraði
skilaboðum Morgunblaðsins í gær
en sagðist ekki ætla að tjá sig um
gang mála að svo stöddu. Darri
Freyr Atlason vildi heldur ekki tjá
sig þegar eftir því var leitað. Ekki
náðist í Inga Þór Steinþórsson.
Fyrir viku lauk fjáröflunar-
verkefninu, „Stöndum saman“ hjá
körfuknattleiksdeild KR. Ingi Þór
var nokkuð áberandi í tengslum við
kynningu á þeim viðburði. Voru
ýmsir leikmenn, þjálfarar og for-
maður körfuknattleiksdeildar teknir
tali í netútsendingu hjá KR. Þar
var ekki annað að heyra á Inga en
að hann myndi stýra KR-liðinu
næsta vetur. Þar af leiðandi má
draga þá ályktun að atburðarásin í
vikunni hafi komið Inga Þór á
óvart.
Óánægja meðal leikmanna?
Að sögn þeirra KR-inga sem
Morgunblaðið ræddi við í gær hefur
borið á óánægju hjá leikmönnum
liðsins síðustu vikur og jafnvel mán-
uði. Í það minnsta einhverjir þeirra
hafi verið óánægðir með störf Inga
en einnig sé óánægja vegna launa-
mála. Eins og hjá mörgum félögum
hafa rekstrarforsendur breyst mik-
ið og gerðist það snögglega vegna
kórónuveirunnar. KR hefur farið í
úrslitarimmuna í úrslitakeppni Ís-
landsmótsins síðustu sex ár, og
ávallt unnið, og því fylgja sann-
arlega miklar tekjur af miðasölu.
Nú var úrslitakeppninni hins veg-
ar aflýst og spurning hvernig félag-
inu hafi gengið að semja við leik-
menn eftir að forsendur breyttust.
Viðmælendur blaðsins fullyrtu að
margir leikmenn ættu inni laun hjá
KR en það þarf ekki að koma á
óvart í ljósi stöðunnar. Þrír viðmæl-
endur blaðsins töldu að innan leik-
mannahópsins hefði verið vilji til að
skipta um þjálfara en það hefur
ekki fengist staðfest.
Vinsæll í félaginu
Málið er vafalaust viðkvæmt í
Vesturbænum þar sem Ingi Þór er
uppalinn KR-ingur og hefur tvíveg-
is gert liðið að Íslandsmeisturum,
2000 og 2019. Þykir líflegur og vin-
sæll maður sem tekur þátt í ýmiss
konar starfsemi innan körfuknatt-
leiksdeildarinnar. Margir bera hon-
um vel söguna og séu starfslokin
tilkomin vegna einhliða ákvörðunar
stjórnarinnar þá gæti það valdið
óánægju í félaginu.
Hafi leikmenn liðsins beinlínis
farið fram á að skipt yrði um þjálf-
ara þá er það væntanlega vísbend-
ing um að leikmenn liðsins ætli að
leika áfram með KR. Hafi atburða-
rásin verið með þeim hætti hefur
stjórn deildarinnar verið sett í
nokkuð erfiða stöðu. RÚV fullyrðir
að Inga hafi verið boðin staða hjá
deildinni sem yfirmaður körfubolta-
mála. Staða sem mun vera ný hjá
KR eftir því sem blaðið kemst
næst.
Hvað gera þeir eldri?
Staðan á leikmannahópnum er
óljós meðal annars vegna þess að
þrír leikmanna liðsins verða 38 ára
gamlir á árinu: Jón Arnór Stef-
ánsson, Helgi Már Magnússon og
Jakob Örn Sigurðarson. Jón gaf
sterklega í skyn á dögunum að
hann væri hættur. Þá verður Sig-
urður Þorvaldsson fertugur á árinu.
Erfitt er að átta sig á því hvort leik-
menn á þessum aldri vilji eða geti
haldið áfram að spila eftir margra
mánaða hlé. Brynjar Þór Björnsson
er töluvert yngri, þótt reyndur sé,
en hann verður 32 ára á árinu.
Viðkvæm staða í Vesturbæ
 Inga Þór Steinþórssyni virðist hafa verið sagt upp sem þjálfara KR  Darri
Freyr Atlason líklegastur til að taka við  Inga boðið annað starf hjá félaginu
Morgunblaðið/Hari
2019 Ingi Þór Steinþórsson fagnar sigri á Íslandsmótinu ásamt sínum mönnum fyrir ári.
Austin Magnús Bracey og Ragnar
Nathanaelsson hafa yfirgefið körfu-
knattleikslið Vals en félagið skýrði
frá þessu í gær. Ragnar gekk til liðs
við félagið frá Njarðvík árið 2018 og
hefur leikið með Valsmönnum und-
anfarin tvö tímabil. Ragnar, sem er
hávaxnasti leikmaður landsins, hef-
ur einnig leikið með Þór í Þorláks-
höfn og Hamri ásamt því að spila í
Svíþjóð og á Spáni. Austin Magnús
lék fyrst með Val árið 2012 en söðl-
aði þá um og lék með Hetti og Snæ-
felli áður en hann sneri aftur á Hlíð-
arenda árið 2016.
Tveir lykilmenn
farnir frá Val
Morgunblaðið/Hari
Farinn Ragnar Nathanaelsson leik-
ur ekki áfram með Valsmönnum.
Norska knattspyrnusambandið
skýrði frá því í gær að meistara-
flokksfélög í landinu mættu í dag
hefja æfingar án takmarkana á nýj-
an leik. Ákveðið hefur verið að hefja
keppni í úrvalsdeild karla í Noregi
16. júní, án áhorfenda. Keppni í úr-
valsdeild kvenna og B-deild karla
hefst fjórum vikum síðar. Ellefu Ís-
lendingar leika í úrvalsdeild karla
og auk þess þjálfar Jóhannes Harð-
arson lið Start. Ingibjörg Sigurðar-
dóttir leikur með Vålerenga í úrvals-
deild kvenna og tveir Íslendingar
spila í B-deild karla.
Norðmenn hefja
keppni 16. júní
Morgunblaðið/Eggert
Noregur Ingibjörg Sigurðardóttir
leikur með Vålerenga í Ósló.
Víðir Sigurðsson
vs@mbl.is
Í fyrsta skipti í sögu Íslandsmótsins
í knattspyrnu hefst það á keppni í
efstu deild kvenna en þar verður
leikin heil umferð áður en keppni í
karladeildinni fer af stað.
Knattspyrnusamband Íslands gaf
út í gær niðurröðun Íslandsmótsins
2020, með fyrirvara um breytingar
sem geta orðið seinni hluta tímabils-
ins. Mótið átti að hefjast 22. apríl hjá
körlum og 30. apríl hjá konum en var
frestað vegna útbreiðslu kórónuveir-
unnar.
Úrvalsdeild kvenna, Pepsi Max-
deildin, hefst föstudagskvöldið 12.
júní með viðureign Vals og KR á
Hlíðarenda.
Daginn eftir eru hinir fjórir leik-
irnir í fyrstu umferðinni, Fylkir –
Selfoss, Breiðablik – FH, Þór/KA –
Stjarnan og ÍBV – Þróttur R.
Stórleikur á laugardagskvöldi
Úrvalsdeild karla, einnig kennd
við Pepsi Max, hefst síðan á laug-
ardagskvöldinu 13. júní, þegar
kvennaleikjunum er lokið. Þar er
líka byrjað með leik Vals og KR á
Hlíðarenda en hann á að hefjast
klukkan 20.
Á sunnudeginum 14. júní mætast
síðan HK – FH, ÍA – KA, Víkingur
R. – Fjölnir og Breiðablik – Grótta
en umferðinni lýkur með leik Stjörn-
unnar og Fylkis mánudagskvöldið
15. júní.
Áætlað er að úrvalsdeild karla
ljúki laugardaginn 31. október en
þann dag eiga allir leikir loka-
umferðarinnar að fara fram.
Síðasta umferðin hjá konunum á
hinsvegar að fara fram sunnudaginn
11. október.
 Keppni í 1. deild kvenna á að
hefjast 18. júní og ljúka 2. október.
 Keppni í 1. og 2. deild karla á að
hefjast 19. júní og ljúka 10. október.
 Keppni í 3. deild karla á að hefj-
ast 18. júní og ljúka 10. október.
 Keppni í 4. deild karla á að hefj-
ast 16. júní og ljúka 26. september.
 Bikarkeppni karla verður seint
á ferð, hún á reyndar að hefjast
fyrst, 5. júní, en lýkur með úrslita-
leik á Laugardalsvelli 7. nóvember.
 Bikarkeppni kvenna hefst 7.
júní og lýkur með úrslitaleik á Laug-
ardalsvelli 17. október.
 Valur og Selfoss mætast í
Meistarakeppni kvenna á Hlíðar-
enda laugardaginn 6. júní.
 KR og Víkingur R. mætast í
Meistarakeppni karla í Vestur-
bænum sunnudagskvöldið 7. júní.
Konurnar hefja Íslandsmótið í fyrsta sinn