Morgunblaðið - 08.05.2020, Blaðsíða 16
16 UMRÆÐAN
MORGUNBLAÐIÐ FÖSTUDAGUR 8. MAÍ 2020
V
erið með sama hugarfari sem
Kristur Jesús var (Fil. 2:5)
Í Ohioríki í Bandaríkjunum
býr Walter Hopkins ásamt
Holly Marcinowski kærustunni
sinni. Þau eru bæði á þrítugasta
aldursári, barnlaus og búa ein í
húsi sínu. Holly starfar í bæn-
um þar sem þau búa en Walter
starfar heima.
Walter er nokkuð þybbinn,
með gleraugu og kringlótt and-
lit. Hann ber gjarnan rauða og
svarta húfu á höfðinu, jafnvel
innan dyra, og er hún eitt helsta
útlitseinkenni hans. Hann er
síðhærður og alskeggjaður og
klæðist oft stuttbuxum og
hettupeysu.
Mestum hluta dagsins ver
Walter í tölvuherberginu sínu
fyrir framan tölvuskjá. Í her-
berginu hanga svört tjöld með-
fram veggjum til að halda birt-
unni úti og því er nokkuð
dimmt þar allan sólarhringinn.
Fátt annað er í herberginu sem
ekki tengist tölvunni.
Hann situr þó ekki fyrir
framan einn tölvuskjá heldur
tvo. Það er ekki vegna þess að
hann stundi hlutabréfaviðskipti
eða pókerspilun á netinu. Walter ver miklum
hluta tíma síns í tölvuleikjaspilun, reyndar
mörgum klukkutímum á dag. Leikjaspilunin
er þó ekki einungis til skemmtunar heldur er
hún starf hans. Walter starfar við það að
spila tölvuleiki.
Og hvernig fer það starf fram? Walter
auglýsir á vefsíðunni twitch.tv að hann spili
milli klukkan 12 og 17. Spilunina sýnir hann
síðan í beinni undir notandanafni sínu
MFPallytime. Á þeim tíma getur hver sem
er farið inn á Twitch og horft á útsendingu
hans og horft á hann spila. Allt í beinni út-
sendingu.
En hvernig í ósköpunum fær hann pening
fyrir? Það er með margs konar hætti. Þeir
sem horfa á Walter spila á Twitch geta gefið
honum frjáls framlög og fengið jafnvel eitt-
hvað fyrir. Þeir sem horfa geta orðið áskrif-
endur að rásinni hans fyrir ákveðna upphæð
sem Walter fær. Einnig geta tölvuleikjafyrir-
tæki beðið hann að spila leiki sem
þau framleiða og borgað honum
fyrir. Samtímis auglýsir hann
leikinn því áhorfendur skipta
þúsundum.
En Twitch er þó ekki eina inn-
koma Walters eða annarra sem
hafa tölvuleikjaspilun að atvinnu.
Walter hefur sína eigin rás á
Youtube þar sem hann setur inn
klippur af spilun sinni og fær
greitt fyrir áhorf á auglýsingar í
gegnum myndböndin sín. Svo
dæmi sé tekið fær Walter reglu-
lega um 30.000 áhorf á mynd-
bönd sín. Þess vegna eru auglýs-
ingar á Youtube.
Walter situr því flesta daga
einn inni í tölvuherberginu sínu
fyrir framan tölvuskjáina og spil-
ar. Í raun gerist fátt yfir daginn
hjá honum sem er ekki stafrænt
og því upplifir hann gjarnan ein-
manaleika þrátt fyrir fjöldann all-
an af áhorfendum.
Einu sinni á ári spilar Walter
samfleytt í heilan sólarhring í
beinni útsendingu. Vissulega fær hann sér
mat og annað þvíumlíkt en hann vakir í 24
klukkutíma til að spila tölvuleiki. Öll höfum
við einhvern tímann vakað lengi og vitum að
það reynir á. Því finnst okkur uppátæki Wal-
ters nánast sjúklegt og meinóhollt og erfitt
að ímynda sér. Að auki höfum við e.t.v. flest
velt fyrir okkur nöturleika tilveru Walters.
En hér hangir meira á spýtunni en sjúk-
legt athæfi. Þegar Walter var um fermingu
greindist hann með sjúkdóm í ennisholum
sem olli honum verulegri þjáningu dags-
daglega. Í þjáningu sinni fór Walter að spila
tölvuleiki og gleymdi henni um stund. Rétt
eins og við sjálf grípum til einhvers bjarg-
ráðs til að flýja þjáningu og erfiði flúði Wal-
ter inn í ævintýraheima tölvuleikjanna.
Vegna sjúkdómsins fór Walter í sex skurð-
aðgerðir þar sem hluti höfuðkúpunnar var
fjarlægður. Síðasta aðgerðin var 29. mars ár-
ið 2010 en misheppnaðist hins vegar og því
þurfti hann að fara í bráðaskurðaðgerð sem
blessunarlega bjargaði lífi hans. Þessi aðgerð
breytti lífi Walters, bæði varðandi lífsgæði
og lífssýn, og því hefur hann sjálfur haldið
upp á „Life Appreciation Day“ 29. mars ár
hvert og haldið tölvuleikjamaraþon nær
hvert ár frá 2011.
Og tilgangurinn? Að safna peningum fyrir
Arnold Palmer-barnaspítalann í Flórída þar
sem hann fór í aðgerðirnar. Allur ágóðinn af
sólarhringstölvuleikjaspilun hans 29. mars ár
hvert rennur óskiptur til barnaspítalans og
hjálpar börnum og fjölskyldum sem njóta
þjónustu spítalans.
Öll höfum við fyrirframákveðnar hug-
myndir um góðverk, hvernig þau eigi að vera
og jafnvel hver framkvæmir. Því má segja,
þrátt fyrir að það hljómi einkennilega, að við
höfum vissa fordóma í garð góðverka. Víða í
guðspjöllunum kemur skýrt fram að Jesús
sat með bersyndugum eða þeim sem sam-
félagið taldi ekki eiga góða hluti skilið.
„Hann situr og etur með bersyndugum“ er
kunnugleg setning. Jesús hafði ekki slíka for-
dóma og því er það hvatning til okkar allra
að gleðjast yfir góðverkum þrátt fyrir að þau
séu okkur kannski framandi eða fram-
kvæmdin einkennileg. Þau geta skipta aðra
gífurlegu máli.
Frá árinu 2011 hefur Walter safnað rúm-
lega 240.000 dollurum fyrir Arnold Palmer-
barnaspítalann og er sá einstaklingur sem
gefur hvað mest til spítalans á hverju ári.
Guð blessi öll góð verk sem unnin eru með
heill náungans í huga og leiði okkur til að
vera með sama hugarfari sem Kristur Jesús
var. Amen.
Kirkjan til fólksins
Góðverk Walter Hopkins safnar peningum fyrir Arnold Palmer-barnaspítalann í Flórída
Góðverk og MFPallytime
Hugvekja
Viðar Stefánsson
Höfundur er prestur í Vestmannaeyjum.
vidar@landakirkja.is
Viðar Stefánsson
Þeir sem horfa
á Walter spila á
Twitch geta gef-
ið honum frjáls
framlög og feng-
ið jafnvel eitt-
hvað fyrir.
Sá er þetta ritar
var kjörinn fulltrúi
almennings í borgar-
stjórn Reykjavíkur
árin 1990-2010.
Fyrstu átta árin var
ég varaborgarfulltrúi
án annarra launa en
fyrir nefndarstörf.
Árið 1998 var ég
kjörinn aðalborgar-
fulltrúi og þáði laun
sem slíkur fram til
ársins 2002, þegar ég varð borgar-
ráðsmaður og laun mín vegna
sveitarstjórnarstarfa hækkuðu svo
mjög, að þau urðu hærri en laun
mín sem umsvifamikill heimilis-
læknir í fullu starfi.
Læknar í borgarstjórn voru
ekki atvinnustjórnmálamenn
Í gegnum tíðina hafa margir
starfandi læknar verið borgar-
fulltrúar samhliða borgarmála-
störfum. Sem dæmi má nefna að
læknar í 20 manna borgarstjórn-
arflokki Sjálfstæðisflokksins árin
1990-1994 voru fjórir talsins. Þetta
voru þau Katrín Fjeldsted, Páll
Gíslason og Ingólfur Sveinsson,
auk mín. Öll vorum við umsvifa-
mikil í læknisstarfi og nutum
trausts og virðingar skjólstæðinga
okkar.
Eftir afdrifaríkt prófkjör Sjálf-
stæðisflokksins fyrir borgarstjórn-
arkosningarnar árið 1994 varð ég
eini læknirinn í borgarstjórnar-
flokki Sjálfstæðisflokksins og var
það til ársins 2002. Þá hafði ég
klofið mig út úr Sjálfstæðis-
flokknum og fellt 7. mann á lista
flokksins, undir forystu Björns
Bjarnasonar. Hinn fallni borgar-
fulltrúi flokksins, Gísli
Marteinn Baldursson,
átti þó eftir að verða
mikill áhrifamaður í
smækkuðum en
endurnýjuðum borgar-
stjórnarflokki Sjálf-
stæðisflokksins, að
mestu samsettum af
atvinnustjórnmála-
mönnum.
Eftir sigurkosningar
F-lista, Frjálslyndra
og óháðra, vorið 2002,
varð ég áheyrnar-
fulltrúi í borgarráði með fullan
málfrelsis- og tillögurétt og óhætt
er að segja að störf mín í borg-
arstjórn og borgarráði árin 2002-
2010 séu rækilega skjalfest í
fundargerðum, með tillögum, bók-
unum og greinargerðum. Þetta
gerði mörgum atvinnustjórnmála-
manninum gramt í geði auk þess
sem ég herjaði á misnotkun kjör-
inna fulltrúa Reykvíkinga á al-
mannafé með endalausum veislu-
höldum, risnu og utanlandsferðum,
sem helst mætti kalla skemmti- og
dagpeningaferðir á kostnað al-
mennings. Undirritaður tók ekki
þátt í þessari risnu- og dagpen-
ingaeyðslu annarra borgarfulltrúa
og fór á vegum borgarinnar í eina
utanlandsferð á 20 árum, sem
borgarstjóri til Færeyja í boði
þarlendra! Undirritaður skar einn-
ig niður risnu um 40% í borgar-
stjóratíð sinni. Og þetta gerðist
fyrir hrun, áður en stjórnmála-
mennirnir fengu skömm í hattinn
og verðskuldaða áminningu frá al-
menningi vegna þeirrar þenslu sem
leiddi til hrunsins.
Ég var andstæðan við
atvinnustjórnmálamennina
Aldrei datt mér í hug að hætta
ævistarfi mínu sem læknir vegna
borgarmálastarfa minna. Ég sinnti
fullu læknisstarfi öll mín 20 ár í
borgarstjórn, nema árið 2008,
þegar ég fékk launalaust leyfi frá
heimilislæknisstarfinu og útvegaði
staðgengil fyrir mig. En vegna
þessa gætti mikillar heiftar í minn
garð frá meintum „samstarfs-
mönnum“ mínum í borgarstjórn,
eins og kristallaðist í ósannindum
Bjarkar Vilhelmsdóttur, borgar-
fulltrúa Samfylkingar, þegar ég
varð borgarstjóri. Þá sagði Björk
það blákalt, að ég hefði aldrei get-
að sinnt því hlutverki að vera
borgarfulltrúi í fullu starfi og hefði
ekki eirð í mér til að sitja einn
heilan borgarstjórnarfund. Fundar-
gerðir borgarstjórnar í tíð minni
sem forseti borgarstjórnar og síð-
an borgarstjóri vitna um hið gagn-
stæða. Ég var ásamt Kjartani
Magnússyni og Hönnu Birnu
Kristjánsdóttur eini borgarfull-
trúinn sem sat alla 13 fundi
borgarstjórnar á þessum tíma, en
Björk sat aðeins 6 fundanna í
heild! En hún bætti síður en svo
fyrir skömm sína þegar hún full-
yrti að ég gæti aldrei valdið
borgarstjórastarfinu. Var ég þó
stafandi læknir í fullu starfi og
langafkastamesti borgarfulltrúi
Reykvíkinga.
Nú er öldin önnur
í borgarstjórn
Í dag, 12 árum eftir að ég varð
borgarstjóri í Reykjavík árið 2008,
er mér vitanlega enginn borgar-
fulltrúi í krefjandi starfi eins og
læknisstarfið er samhliða borgar-
fulltrúastarfinu. Atvinnumennskan
og hugsjónaleysið í borgarstjórn
einkennist nú af því, að borgar-
fulltrúar hafa fjölgað sjálfum sér í
23 úr 15 og þar með er saman-
lagður fjöldi aðal- og varaborgar-
fulltrúa orðinn 46. Þessu til við-
bótar eru varaborgarfulltrúar
komnir á föst laun. Nokkuð sem
engum hefði dottið í hug þegar ég
hóf feril minn í borgarstjórn, árið
1990.
Fimmfalt dýrari skrifstofa
borgarstjóra en árið 2008
Ég gæti fjallað miklu meira um
hugsjónaleysið, græðgina og spill-
inguna í borginni, sem hefur ein-
kennt hana eftir að Hanna Birna
Kristjánsdóttir velti mér úr sessi,
eftir sjö mánaða borgarstjóratíð
mína, 21. ágúst 2008. Frá árinu
2010 hefur Dagur B. Eggertsson,
fyrrverandi starfandi læknir, verið
raunverulegur stjórnandi Reykja-
víkurborgar, því að aldrei mun ég
líta svo á að leikarinn og „grínist-
inn“ Jón Gnarr hafi nokkurn tíma
sinnt starfi sínu sem borgarstjóri,
þó að Björk Vilhelmsdóttir hafi
ekki gefið honum falleinkunn, eins
og mér forðum! Illa hefur farnast
við stjórn borgarinnar, síðan ég,
sem síðasti ábyrgi borgarstjórinn,
hvarf úr embætti.
Í dag og undir forystu Dags
hafa atvinnustjórnmálamenn
margfaldað kostnað vegna sín og
nú er rekstur skrifstofu borgar-
stjóra fimmfalt dýrari en í minni
tíð!
Atvinnustjórnmál í Reykjavík
Eftir Ólaf Friðrik
Magnússon
Ólafur F.
Magnússon
» Í dag og undir for-
ystu Dags hafa at-
vinnustjórnmálamenn
margfaldað kostnað
vegna sín.
Höfundur er læknir og
fv. borgarstjóri.
Bæjarlind 6 | sími 554 7030
Við erum á facebook
Buxur
Kr. 7.900.-
7/8 lengd - Str. S-XXL
Litir: Svart, hvítt, blátt
Allt um
sjávarútveg