Morgunblaðið - 08.05.2020, Blaðsíða 28

28 MENNING
MORGUNBLAÐIÐ FÖSTUDAGUR 8. MAÍ 2020
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir
Helgi Snær Sigurðsson
helgisnaer@mbl.is
„Vissulega var gott að sjá fólk mæta
í bíó,“ segir Þorvaldur Árnason,
framkvæmdastjóri Samfilm, dreif-
ingarhluta Sambíóanna, spurður að
því hvort Sambíómönnum sé ekki
létt eftir að geta loksins hleypt inn í
bíósalina á ný en kvikmyndahús
voru opnuð 4. maí þegar samkomu-
banni var breytt þannig að 50 manns
mega nú koma saman með tvo metra
á milli sín. Eitt Sambíó hefur verið
opnað, í Álfabakka, og segir Þor-
valdur að sjá verði til hvenær önnur
kvikmyndahús verði opnuð.
Hangover enn vinsæl
Á fyrsta opnunardegi var býsna
góð miðasala miðað við mánudag og
gamanmyndin Hangover, frá árinu
2009, laðaði að sér flesta gesti og
Þorvaldur segir það hafa komið
skemmtilega á óvart. Hann segir
fyllsta öryggis gætt í bíóinu. „Það
eru tveir metrar á alla kanta, annar
hver bekkur tekinn út og tveir metr-
ar á milli hópa. Stærsti salurinn get-
ur tekið 50 manns en svo erum við
með minni sali sem við erum að selja
kannski tólf sæti í.“
1917 gerir það gott á VOD
Tap kvikmyndahúsa í landinu er
mikið eftir margra vikna samkomu-
bann og lokanir og segir Þorvaldur
þetta vissulega mikið högg fyrir
reksturinn. „Maður vonar bara að
þetta komist sem fyrst í eins eðlilegt
horf og hægt er en auðvitað vitum
við það að sumarið verður skrítið,“
segir hann.
Spurður út í tekjumöguleika aðra
en af bíómiðasölu segir Þorvaldur að
einu tekjur Samfilm í apríl hafi verið
af kvikmyndum í hinum stafrænu
VOD-leigum. Þá hafi komið sér vel
að geta sett á leigu stórmyndina
1917 viku fyrir páska, en hún naut
mikilla vinsælda á leigunum í apríl.
Þorvaldur segir að Samfilm sé
með nokkrar minni indí-myndir á
lager til að sýna í sumar þar til dýr-
ari myndir stóru kvikmyndaveranna
fari í dreifingu. Þá séu einnig uppi
hugmyndir í höfuðstöðvum Sam um
að sýna eldri myndir og núna í maí
verður boðið upp á veislu með helstu
kvikmyndum Christophers Nolan til
að hita upp fyrir nýjustu mynd hans,
Tenet, sem Sambíóin frumsýna um
miðjan júlí, ef allt fer að óskum.
Mulan, Svampur og Undrakona
Á tímum kórónuveirunnar er erf-
itt að skipuleggja frumsýningar
langt fram í tímann en Þorvaldur
segir nokkra frumsýningardaga þó
liggja fyrir frá miðjum júlí. Disney-
myndin Mulan verður frumsýnd 22.
júlí, ný teiknimynd um Svamp
Sveinsson í lok júlí og 12. ágúst
stendur til að frumsýna ofurhetju-
myndina Wonder Woman 1984.
Þorvaldur segist eiga von á að
þessar dagsetningar muni standast
og bíóáhugamenn hljóta að vona það
líka. En þangað til ætla Sambíóin að
halda dampi, að sögn Þorvaldar, og
bjóða upp á vandaðar kvikmyndir.
„Við eigum nokkrar myndir, eins
og ég nefndi, eina breska gaman-
dramamynd frá leikstjóra Full
Monty sem heitir Military Wives og
er með Kristin Scott-Thomas og var
nýbúið að frumsýna í Bretlandi þeg-
ar bíóunum var lokað þar. Hún er
mjög fín „feelgood“-mynd og það er
mynd sem við erum búnir að geyma
og ætlum að reyna að koma inn í lok
maí,“ nefnir Þorvaldur og einnig lög-
fræðidramað Just Mercy og saka-
málamyndina Postcard Killings sem
gerð er eftir skáldsögu Lizu Mark-
lund.
Ekkert kemur í stað bíósins
„Við erum að spá í, jafnvel, að
koma með allar Harry Potter-mynd-
irnar í júní og vera með svona Harry
Potter-júnímánuð. Svo er náttúrlega
40 ára afmæli The Shining og 25 ára
afmæli Shawshank Redemption,
þannig að það má vinna með ýmis-
legt og við erum að skoða hvað við
getum fengið frá Disney,“ bætir
Þorvaldur við. Það verði því boðið
upp á ágætisupphitun í sumar áður
en stóru myndirnar koma. Svo á eft-
ir að koma í ljós hvenær fjöldatak-
mörkunum verður breytt og þá
hvernig.
Hlusta má á viðtalið við Þorvald í
heild sinni í nýjum þætti kvikmynda-
hlaðvarpsins BÍÓ á vef mbl.is undir
dálkinum „Fólk“.
Morgunblaðið/Eggert
Bíómaður Þorvaldur Árnason, framkvæmdatjóri Samfilm, í Sambíóinu í Álfabakka sem hefur verið opnað á ný.
„Sumarið verður skrítið“
 Þorvaldur Árnason hjá Samfilm er brattur þrátt fyrir
erfiða stöðu kvikmyndahúsa nú á tímum Covid-19
Helgi Snær Sigurðsson
helgisnaer@mbl.is
Smárabíó var opnað á mánudaginn,
4. maí, þegar samkomubanni lauk og
mega nú 50 að hámarki vera í sal og
með tilskilið bil sín á milli, tvo metra.
Líkt og önnur
kvikmyndahús
hefur Smárabíó
orðið fyrir tekju-
tapi og segir Ólaf-
ur Þór Jóelsson,
framkvæmda-
stjóri kvikmynda-
hússins sem
heyrir undir
fyrirtækið Senu,
að líf og fjör verði
nú aftur í bíóinu
og áfram sýndar þær myndir sem
voru í sýningum áður en bannið skall
á og skellt var í lás.
„Við komum ekki 50 manns í alla
sali því við verðum að hafa tveggja
metra regluna í hávegum. Í Max-
salinn og sal 2 komum við 50 manns í
hvorn sal en í Lúxus-salinn töluvert
minna og sama má segja um sali 4 og
5,“ segir Ólafur. Miðað við tveggja
metra regluna komist ekki fleiri en
um 80 í Max-salinn, sem rúmi ann-
ars 300 manns.
Fljótandi frumsýningar
Á vef Smárabíós, smarabio.is, má
sjá hvaða kvikmyndir eru á dagskrá
og er gamanmyndin Síðasta veiði-
ferðin þeirra á meðal en sýningar á
henni voru nýhafnar þegar loka varð
kvikmyndahúsum landsins. Hún
ætti því að eiga nóg inni hvað aðsókn
varðar. „Ég held að hún geti orðið
ansi stór,“ segir Ólafur og líkir í
myndinni við Stellu í orlofi þar sem
laxveiði kemur líka við sögu.
–Nú hefur frumsýningum margra
Hollywood-mynda verði frestað og
þá m.a. mynda sem áttu að verða
sumarsmellir. Hvernig verður frum-
sýningum háttað hjá ykkur?
„Þær verða svolítið fljótandi. Það
munu alltaf koma upp einhverjar
vangaveltur hjá stúdíóunum, sem
eru að reyna að stilla miðið til að
hámarka aðsóknina sem mest að
myndum sínum. Við gætum séð
fljótandi daga á stærstu myndunum,
allt eftir því hvernig samkomubönn
þróast í öðrum löndum. En eins og
þetta lítur út núna erum við að sýna
fyrstu rúmu vikuna bara þessar
myndir sem voru í sýningum þegar
við lokuðum og svo fara að tínast inn
myndir eftir það. Þetta lítur ágæt-
lega út núna en gæti auðvitað
breyst, myndir bæst við eða dottið
út. Þetta er svolítið fljótandi,“ segir
Ólafur en sjá má á vef bíósins hvaða
kvikmyndir eru væntanlegar eins og
staðan er. Ein þeirra er Capone með
Tom Hardy í aðalhlutverki.
Traustið mikilvægt
Ólafur segir bæði mikilvægt að fá
inn nýjar myndir og byggja upp
traust svo að fólk mæti aftur í bíó.
„Við höfum verið að nýta tímann
þennan rúma mánuð svolítið í það,
erum með snertilausar lausnir eins
og appið okkar og heimasíðu þar
sem hægt er að kaupa bæði veit-
ingar og miða. Svo erum við með
sjálfsala hérna í stað miðasölu og
þeir eru þrifnir ótt og títt.“
–Munið þið sýna eldri, klassískar
myndir? Hefur það verið rætt?
„Algjörlega og við erum í raun að
skoða alla möguleika. Hlutverk okk-
ar er að skapa minningar hjá fólki og
margir eiga góðar minningar um
gamla smelli. Gestir okkar hafa ver-
ið duglegir að koma með ábendingar
og við þökkum kærlega fyrir þær.
Okkur hafa verið sendar tillögur á
Facebook og með tölvupósti að
myndum sem fólk væri til í að sjá
aftur og við munum á næstu dögum
fara yfir hvað er í boði og hvað við
getum mögulega sýnt. Þá erum við
að tala um að gera þetta að viðburði,
nýta skemmtisvæðið okkar og salina
þannig að þetta verði ógleymanleg
upplifun.“
Fljótandi
frumsýningar
Vinsæl Úr Śíðustu veiðiferðinni sem sýningar eru hafnar á að nýju.
 Smárabíó hefur verið opnað á ný
Ólafur Þór
Jóelsson
Sara Oskarsson
opnaði í gær
málverkasýn-
inguna Ratljós í
sýningarsal að
Laugavegi 74.
Sara sýnir um
40 málverk sem
hún hefur málið
frá því að
kórónuveiru-
faraldurinn
hófst. „Ég hef verið að mála að
meðaltali 10 til 14 tíma á dag, oftast
sjö daga vikunnar. Svo sterkur hef-
ur drifkrafturinn verið og þörfin
fyrir það að túlka þessa viðsjár-
verðu tíma á striga,“ segir Sara í
tilkynningu, enda sé það eitt af
hlutverkum listarinnar að spegla
tíðarandann hverju sinni og sögu-
lega hafi myndlistin gegnt jafn-
veigamiklu hlutverki í þeim efnum
og t.d. ritlistin.
Viðsjárverðir tímar
túlkaðir á striga
Hluti verks eftir
Söru Oskarsson
Miðstöð íslenskra bókmennta úthlut-
aði á dögunum tíu milljónum króna
úr barna- og ungmennabókasjóðn-
um Auði og hlutu 32 verk styrk. Í til-
kynningu segir að um 43% hækkun
styrkja frá fyrra ári sé að ræða þeg-
ar heildarúthlutun var sjö milljónir
króna og 20 verk hlutu styrk. Með
styrkjunum er ætlunin að efla út-
gáfu vandaðra bóka á íslensku fyrir
yngri lesendur, myndríkar bækur
sem og textabækur, fræðibækur,
skáldverk og allt þar á milli, segir í
tilkynningunni og að styrkirnir séu
veittir útgefendum.
Meðal styrktra verka eru Hross
eftir Hjörleif Hjartarson og Rán Fly-
genring, Þín eigin undirdjúp eftir
Ævar Þór Benediktsson, Nornasaga
– Nýársnótt eftir Kristínu Rögnu
Gunnarsdóttur og Litla bókin um
blæðingar eftir Sigríði Dögg Arn-
ardóttur, en upplýsingar um heild-
arúthlutun má finna á vef Mið-
stöðvar íslenskra bókmennta á
slóðinni islit.is/styrkir/barna-og-
ungmennabokasjodur/uthlut-
anir-2020/islit.is.
Miðstöð íslenskra bókmennta hef-
ur nú einnig úthlutað 28 milljónum
króna í almenna útgáfustyrki til 45
verka og er það tveggja milljón
króna hækkun frá síðasta ári þegar
26 milljónum var veitt til útgáfu 43
verka, að því er fram kemur í til-
kynningu.
Hækkun Tíu milljónir króna voru veittar
úr sjóðnum Auði í ár en sjö í fyrra.
Þriggja milljóna króna hækkun