Morgunblaðið - 16.05.2020, Side 14
14 DAGLEGT LÍF
MORGUNBLAÐIÐ LAUGARDAGUR 16. MAÍ 2020
Kristín Heiða Kristinsdóttir
khk@mbl.is
Ég hef haft það ágætthér á þessum covid-tímum. Það er ekkislæmt að vera hérna
þrátt fyrir ástandið í heilbrigð-
iskerfinu. Ég held að þetta sé blásið
svolítið upp í fréttum, ég finn alla
vegana ekki of mikið fyrir þessu
meinta slæma ástandi þar sem ég
er. Vissulega eru göturnar tómleg-
ar og við erum beðin um að vera
heima eins mikið og við getum. Við
megum fara út í göngutúr og út í
búð ef við erum með grímu, og auð-
vitað þurfum við að halda tveggja
metra fjarlægð. Við erum tvær vin-
konur sem leigjum saman íbúð, svo
ég hef ekki fundið fyrir of mikilli
einangrun,“ segir Kamilla Alfreðs-
dóttir sem býr í New York og starf-
ar þar við leiklist.
„Ég flutti hingað fyrir tveimur
árum, en ég hafði verið hér í einn
mánuð sumarið á undan, þegar ég
fór á söngleikjanámskeið hjá New
York Film Academy. Síðan fékk ég
inngöngu í söngleikjanám hjá þeim
og var þar í eitt ár. Að því loknu var
ég í eitt ár í námi í kvikmyndaleik,
einnig hjá New York Film Aca-
demy,“ segir Kamilla sem hefur
verið að vinna við leiklist frá því
hún lauk náminu. Hún er menntað-
ur hjúkrunarfræðingur en ástæð-
una fyrir því að hún skipti alfarið
um starfsvettvang, segir hún vera
að hún hafi alla tíð verið mikið fyrir
að koma fram.
„Ég tók þátt í öllum nemenda-
leikritunum þegar ég var í Versló.
Ég hef ekki snúið bakinu við því
fagi sem ég menntaði mig í,
draumastaðan væri að geta starfað
bæði sem hjúkrunarfræðingur og
listamaður. Listin hefur alltaf kall-
að á mig og þegar ég fékk inngöngu
í skólann hér þá ákvað ég að skella
mér, á meðan ég gæti.“
Alger geðveiki stundum
„Ég hef verið í nokkrum bak-
grunnsverkefnum við kvikmyndir,
sem felst þá í því að leika í hópsen-
um eða leika til dæmis manneskju
sem gengur hjá eða er inni á bar í
einhverri senu. Þetta er mjög gam-
an og ég kynnist alls konar fólki í
þessu. Ég vinn líka á Times Square
við að kynna söngleiki á Broadway.
Þá dressum við okkur upp eins og
persónur úr söngleikjum, til dæmis
úr Chicago-söngleiknum og
Waitress. Þetta er í raun eins og lif-
andi auglýsingar fyrir söngleiki
sem eru í sýningu hverju sinni, við
dönsum og syngjum á götunni í
þessum karakterum. Þetta er dag-
vinnan mín og heldur mér á floti
fjárhagslega,“ segir Kamilla og
bætir við að úti í New York gangi
þetta út á að vera stöðugt að fara í
áheyrnarprufur.
„Baráttan er hörð, margir leik-
arar um hlutina. Maður mætir og
skráir sig á lista eldsnemma um
morgun og reynir að komast inn í
herbergið til að fá prufu. Við sem
erum að byrja og erum ekki í félagi
leikara, af því við erum ekki búin að
vinna í bransanum nógu lengi, við
þurfum að mæta á svæðið og reyna
að vera fyrst til að skrá okkur á
lista. Þau sem eru í félaginu geta
skráð sig á netinu og eru þá með
pantaðan tíma til að fara í prufur.
Þetta er alger geðveiki stundum.
Ég hef farið í prufu þar sem 500
manns voru á skráðum lista. Stund-
um eru raðir í kringum húsið til að
komast inn í bygginguna. Þetta er
mjög áhugavert,“ segir Kamilla og
hlær.
Vinnan okkar að fara í prufur
„Ég reyni að sækja um allt sem
ég sé. Maður þarf að mæta á svæðið
fyrir söngleikjaprufurnar af því þá
er píanóleikari á staðnum sem spil-
ar undir, það þarf að vera lifandi
flutningur. Ég sæki líka mikið um
fyrir leikrit, kvikmyndir og þætti,
en þær prufur eru flestar í gegnum
netið, ég sendi þá myndband af mér
að leika. Okkur var sagt í skólanum
að ef við ætluðum að vera leikarar í
New York, þá fælist vinnan okkar í
því að fara í prufur, en það væri
bónus ef við fengjum hlutverk.
Þetta er raunveruleikinn hér.“
Kamilla segir að í opnu prufunum
sem hún fari í þá hafi hún í mesta
lagi tvær mínútur til að vera inni í
prufuherberginu. „Í dómnefndinni
við borðið eru nokkrar manneskjur,
stundum bara ein. Þetta gengur
mjög hratt fyrir sig, ég heilsa, geng
til píanóleikarans, sýni honum
hvaða lag ég ætla að syngja og svo
syng ég. Kveð og fer.“
Vorið kemur heimur hlýnar
„Planið er að vera hér á meðan
ég get. Ég hef alveg pælt í því að
flytja aftur heim til Íslands, en
Broadway er heillandi. Þetta er
vissulega erfitt, en ég reyni að sjá
skemmtunina í því að fara í prufur
og fá að koma fram þar. Ég kynnist
skemmtilegu fólki sem ég hitti
kannski aftur og aftur í biðherberg-
inu í prufunum. Broadway er í raun
lítið samfélag, þó það samanstandi
af álíka mörgu fólki og öllum Ís-
lendingum.“
Kamilla söng lagið Vorið kemur
heimur hlýnar, á svölunum á Man-
hattan í covid-tíðinni og setti á netið
og var það sýnt í Landanum hér
heima. „Ég sótti um verkefni og
sendi búta úr nokkrum lögum og
Instagram-reikninginn minn þar
sem með myndbandið er af mér að
syngja Vorið kemur. Í framhaldinu
var mér boðið að syngja í „virtual
live cabaret“ fyrir Table Top
Broadway sem kallast „Live From
Quarantine“. Þessi þáttur verður í
beinni útsendingu í dag laugardag
klukkan 19 á íslenskum tíma. Það
er hægt að kaupa miða á þessa sýn-
ingu í gegnum instagram reikning-
inn minn: @Kamilla_A_Dottir
Ljósmynd/theatreMAMA.com
Fjölbreytt vinna Kamilla (lengst t.v.) í kynningarvinnunni á Times Square í New York í hinum ýmsu hlutverkum úr söngleikjum á Broadway, Chicago-söngleiknum, Waitress og Pip’s Islands.
Ljósmynd/theatreMAMA.com Ljósmynd/theatreMAMA.com
Listin hefur alltaf kallað á mig
Kamilla Alfreðsdóttir lif-
ir og hrærist í leiklistar-
bransanum í New York.
Hún syngur í kvöld í
beinni útsendingu á
viðburði sem heitir
„Live From Quarantine“.
Jólabros Kamilla (til hægri) með vinkonu sinni á Times Square að kynna jólasöngleikinn Rockettes á Broadway.
Ljósmynd/theatreMAMA.com