Morgunblaðið - 23.05.2020, Page 30

30 MESSUR Á MORGUN Minningar
MORGUNBLAÐIÐ LAUGARDAGUR 23. MAÍ 2020
ÁRBÆJARKIRKJA | Helgistund kl.
11. Sr. Petrína Mjöll Jóhannesdóttir
þjónar. Organisti er Krisztina Kalló
Szklenár. Molasopi og spjall eftir
stundina.
ÁSKIRKJA | Lesguðsþjónusta kl. 11.
Gunnbjörg Óladóttir guðfræðinemi
prédikar. Séra Sigurður Jónsson sókn-
arprestur þjónar fyrir altari. Engin tón-
list er flutt í guðsþjónustunni, en liðir
hennar lesnir í víxllestri prests og
safnaðar. Heitt á könnunni í Ási á eftir.
Njótum samfélagsins – og munum
tveggja metra fjarlægðarregluna.
BREIÐHOLTSKIRKJA | Guðsþjón-
usta kl. 11. Sr. Sighvatur Karlsson
þjónar. Organisti er Örn Magnússon,
félagar úr Kór Breiðholtskirkju leiða
safnaðarsöng. Aðalsafnaðarfundur
hefst kl. 12.30 í safnaðarsal. Ensk
guðsþjónusta kl. 14. Sr. Toshiki Toma
þjónar, Steinunn Þorbergsdóttir sér
um barnastarfið.
BÚSTAÐAKIRKJA | Fjölskyldumessa
kl. 11. Aðeins ein messa þennan dag.
Daníel Ágúst og Sóley ræða við börn-
in, sr. María Ágústsdóttir messar og
félagar úr Kór Bústaðakirkju leiða
söng undir stjórn Jónasar Þóris og
messuþjónar aðstoða.
Vegna aðstæðna verður ekki boðið
upp á kaffi og meðlæti eins og venja
hefur verið. Það bíður betri tíma.
DIGRANESKIRKJA | Helgistund kl.
11. Sr. Helga Kolbeinsdóttir og Lára
Bryndís Eggertsdóttir organisti leiða
stundina. Talað verður út frá pistli
dagsins úr Fyrra Pétursbréfi.
DÓMKIRKJAN | Guðsþjónusta kl.
11. Séra Sveinn Valgeirsson prédikar,
Dómkórinn og Kári Þormar dómorgan-
isti.
FELLA- OG HÓLAKIRKJA | Fjöl-
skylduguðsþjónusta kl. 11. Sr. Pétur
Ragnhildarson þjónar ásamt umsjón-
arfólki sunnudagaskólans, Mörtu og
Ásgeiri. Arnhildur Valgarðsdóttir leikur
undir. Svala Karólína Hrafnsdóttir
píanónemandi flytur tónlist. Loka-
samvera sunnudagaskólans.
FRÍKIRKJAN Reykjavík | Ferming-
armessa 24. maí kl. 14. Séra Hjörtur
Magni Jóhannsson safnaðarprestur
fermir og þjónar fyrir altari. Barn verð-
ur borið til skírnar.
Hljómsveitin Mantra og Sönghópurinn
við Tjörnina leiða sönginn ásamt
Gunnari Gunnarssyni organista.
GLERÁRKIRKJA | Kyrrðarstund með
kór Glerárkirkju. Sr. Stefanía G.
Steinsdóttir leiðir stundina. Organisti:
Valmar Väljaots.
HAFNARFJARÐARKIRKJA | Helgi-
stund kl 11. Sr Stefán Már Gunn-
laugsson leiðir stundina. Organisti
Guðmundur Sigurðsson. Þórunn Vala
Valdimarsdóttir syngur.
HALLGRÍMSKIRKJA | Guðsþjón-
usta og barnastarf kl. 11. Sr. Sigurður
Árni Þórðarson prédikar og þjónar fyrir
altari ásamt sr. Irmu Sjöfn Ósk-
arsdóttur og hópi messuþjóna. Fé-
lagar úr Mótettukór Hallgrímskirkju
syngja. Organisti er Björn Steinar Sól-
bergsson. Umsjón barnastarfs Kristný
Rós Gústavsdóttir og Ragnheiður
Bjarnadóttir. Aðalsafnaðarfundur Hall-
grímssóknar að lokinni guðsþjónustu.
HÁTEIGSKIRKJA | Guðsþjónusta kl.
11. Sr. Helga Soffía Konráðsdóttir
prédikar og þjónar fyrir altari. Margrét
Hannesdóttir syngur einsöng. Kordía,
kór Háteigskirkju, syngur undir stjórn
Guðnýjar Einarsdóttur organista.
HJALLAKIRKJA Kópavogi | Sameig-
inleg helgistund Digraness- og Hjalla-
sóknar er í Digraneskirkju 24. maí kl.
11.
KEFLAVÍKURKIRKJA | Sunnudag-
inn 24. maí kl. 20 verður kvöldmessa í
Keflavíkurkirkju. Arnór Vilbergsson og
Steinunn Björg Ólafsdóttir sjá um að
færa okkur tónlist og söng. Séra Fritz
Már þjónar fyrir altari.
KÓPAVOGSKIRKJA | Guðsþjónusta
kl. 11. Sr. Sjöfn Jóhannesdóttir, settur
sóknarprestur prédikar og þjónar fyrir
altari. Félagar úr kór Kópavogskirkju
syngja undir stjórn Lenku Mátéová,
kantors kirkjunnar.
LANGHOLTSKIRKJA | Messa sunnu-
dag kl. 11. Aldís Rut Gísladóttir þjón-
ar, organisti er Magnús Ragnarsson
og Graduale Nobili-kórinn syngur.
Kaffisopi eftir messu.
LÁGAFELLSKIRKJA | Guðsþjónusta
kl. 11. Prestur er Ragnheiður Jóns-
dóttir. Félagar úr Kirkjukór Lágafells-
sóknar syngja og leiða söng. Organisti
er Þórður Sigurðarson.
Meðhjálpari Bryndís Böðvarsdóttir,
Athöfninni verður einnig streymt á
facebooksíðu Lágafellskirkju.
LINDAKIRKJA í Kópavogi | Sunnu-
dagaskóli kl. 11. Messa kl. 20. Óskar
Einarsson sér um tónlistina ásamt
Katrínu Valdísi Hjartardóttur. Sr. Dís
Gylfadóttir þjónar.
NESKIRKJA | Guðsþjónusta og
barnastarf kl. 11. Félagar úr Kór Nes-
kirkju leiða safnaðarsöng. Organisti
Steingrímur Þórhallsson. Prestur Skúli
S. Ólafsson. Kaffiveitingar á Torginu
eftir messu. Vegna fjöldatakmarkana
munum við hafa sunnudagaskólann í
kjallara kirkjunnar og hressingu eftir
samveruna þar líka. Söngur, gleði og
sögur í sunnadagaskólanum. Þau
sem koma í sunnudagaskólann eru
beðin að koma beint í kjallarann. Um-
sjón Steinunn Arnþrúður Björnsdóttir,
Katrín Helga Ágústsdóttir og Ari Agn-
arsson.
ÓHÁÐI SÖFNUÐURINN | Laugar-
daginn 23. maí verður vorganga Horn-
strandafara. Létt ganga með bökkum
Sogsins um tveggja tíma fremur létt
ganga. Helgistund í kirkjunni kl. 9 og
síðan mætt í Mörkina kl. 10. Nánar á
heimasíðu safnaðarins. Messa í kirkju
Óháða safnaðarins sunnudaginn 24.
maí kl. 14. Reggimessa: Séra Pétur
þjónar fyrir altari, Petra aðstoðar.
Kristján Hrannar mun sjá um kór og
hljómlist. Maul eftir messu. Ólafur
Kristjánsson mun að venju vel taka á
móti kirkjugestum
SELJAKIRKJA | Guðsþjónusta kl.
11. Sr. Ólafur Jóhann Borgþórsson
predikar. Félagar úr Kór Seljakirkju
leiða safnaðarsöng. Organisti: Tómas
Guðni Eggertsson. Að lokinni guðs-
þjónustu fer fram aðalfundur safn-
aðarins. Þar fara fram venjuleg
aðalfundarstörf og kosning til trúnað-
arstarfa.
SELTJARNARNESKIRKJA | Fjöl-
skylduguðþjónusta kl. 11. Lok sunnu-
dagaskólans. Leiðtogar sunnudaga-
skólans ásamt sóknarpresti og org-
anista kirkjunnar taka þátt í athöfn-
inni. Sigþrúður Erla Arnardóttir leiðir
almennan safnaðarsöng. Pylsuveisla
undir kirkjuvegg eftir athöfn.
SKÁLHOLTSDÓMKIRKJA | Guðs-
þjónusta sunnudag kl. 11. Sr. Egill
Hallgrímsson annast prestsþjón-
ustuna. Organisti er Jón Bjarnason.
VALLANESKIRKJA | Gönguguðs-
þjónusta. Lagt er af stað kl. 10 frá af-
leggjaranum að orlofshúsum Lands-
virkjunar við Strönd og gengin gömul
kirkjuleið að Vallaneskirkju og lýkur
göngunni með guðsþjónustu í kirkj-
unni um kl. 11. Prestur er Ólöf Mar-
grét Snorradóttir og organisti Torvald
Gjerde. Almennur söngur. Jón Guð-
mundson mun í kirkjunni á sama tíma
opna ljósmyndasýningu sína sem
hann nefnir Kyrrð.
VÍÐISTAÐAKIRKJA í Hafnarfirði |
Helgistund 24. maí kl. 20. Kór Víði-
staðasóknar syngur undir stjórn Helgu
Þórdísar Guðmundsdóttur organista
og sr. Bragi J. Ingibergsson sóknar-
prestur þjónar með aðstoð messu-
þjóna.
Orð dagsins: Eng-
inn kann tveimur
herrum að þjóna.
(Matt. 6)
Morgunblaðið/Hafþór Hreiðarsson
Húsavíkurkirkja.
✝ Guðbjörg Guð-mannsdóttir
fæddist á Jórvík í
Álftaveri 29. ágúst
1926. Hún lést á
hjúkrunarheim-
ilinu Mörk 18. maí
2020.
Foreldrar henn-
ar voru hjónin Guð-
ríður Bárðardóttir
og Guðmann Ís-
leifsson, bóndi á
Jórvík og orgelleikari í Þykkva-
bæjarkirkju. Guðbjörg var elst
sex systkina, hin eru: Óskar,
Ingibjörg, Sigríður, Ísleifur (lát-
inn) og Ástdís (látin).
Guðbjörg giftist Magnúsi Að-
alsteini Ólafssyni, d. 2017. Börn
þeirra eru: 1) Svandís, f. 3. jan-
úar 1949, gift Stefáni Benedikts-
syni og eiga þau þrjú börn,
Benedikt, Fanneyju og Svandísi.
2) Guðmann, f. 24. ágúst 1955.
Hann á tvær dætur,
Guðbjörgu og Ástu
Hrönn, með fyrri
eiginkonu sinni,
Sigríði Hreinsdótt-
ur. Seinni kona
hans er Sigríður
Ólafsdóttir. 3) Sig-
urður Bjarki, f. 10.
nóvember 1963.
Hann á tvö börn,
Orra Snæberg og
Sólnýju Helgu, með
fyrrverandi eiginkonu sinni,
Rakel Heiðmarsdóttur.
Guðbjörg og Magnús skildu.
Seinni maður Guðbjargar hét
Birgir Halldórsson söngvari,
sem lést 1986. Þau áttu ekki
börn saman.
Barnabörn Guðbjargar eru
sjö talsins og barnabarnabörn
níu.
Útförin fór fram í kyrrþey 22.
maí 2020 frá Langholtskirkju.
Látin er tengdamóðir mín
Guðbjörg Guðmannsdóttir á ní-
tugasta og fjórða aldursári. Guð-
björg fæddist á Jórvík í Álftaveri
hinn 29. ágúst 1926 og lést 18.
maí síðastliðinn. Að hennar eigin
ósk fór jarðarförin fram í kyrr-
þey. Það hefði sennilega engum
dottið í hug hvílíkt ævintýralíf
þessi stúlka átti fyrir höndum
þegar hún fæddist. Hún ferðaðist
um allan heiminn með seinni
manni sínum, Birgi Halldórssyni
söngvara. Þau bjuggu í Reykja-
vík, Sviss, Skotlandi og á Þórs-
höfn á Langanesi.
Á Þórshöfn rak hún Hótel Jór-
vík í um tuttugu ár ein síns liðs
eftir að Birgir lést 1986 en þau
höfðu rekið það saman áður. Guð-
björg var hávaxin, glæsileg og
eftir henni var tekið hvert sem
hún fór. Hún var ekki aðeins fal-
leg að utan því að innri fegurðin
og kærleikurinn til náungans var
alveg endalaus. Hún mátti ekkert
aumt sjá, þá fannst henni að hún
þyrfti að grípa í taumana.
Guðbjörg var gædd ótal hæfi-
leikum, hver man ekki eftir henni
að bretta upp ermarnar og svipta
upp pilsinu um leið og hún
spennti á sig harmónikkuna, sett-
ist við píanóið eða jafnvel orgelið
og lék hvert lagið af öðru af fingr-
um fram. Hún kunni ótal kvæði,
vísur og ljóð, vísur sem hún gat
farið með allt fram til síðustu
stundar. Þegar vel lá á henni
leyfði hún heimilisfólkinu á Mörk
að njóta þess, en þar dvaldi hún
síðustu árin.
Hún reyndist mér hin besta
tengdamóðir og börnum mínum
frábær amma. Hún Guðbjörg
kunni að lifa lífinu lifandi og það
var aldrei nein lognmolla í kring-
um hana. Stundum fengum við
okkur eitt rauðvínsglas saman og
röbbuðum um heima og geima.
Þegar hún átti stutt eftir spurði
ég hana hvort við ættum að fá
okkur lítið staup, þá hún opnaði
hún augun, brosti og kinkaði
kolli. Stuttu síðar var hún farin.
Með Guðbjörgu hverfur sú
kynslóð sem gerði okkur og Ís-
land að því sem við erum í dag.
Merkiskona hefur kvatt okkur.
Við sem eftir sitjum söknum
hennar. Ég veit að það verður
tekið vel tekið á móti henni á
staðnum þangað sem við öll
stefnum.
Að lokum látum við fylgja með
ljóð eftir vin hennar Kristján
Hreinsson sem hann sendi frá
Mílanó vegna andláts hennar.
Ljós í lífi okkar
Það er sem fólkið dapurt höfði drúpi
er dúfa innar sálar flýgur hjá,
þú sýndir okkur veg að draumadjúpi
er dásemd þína fengum að sjá.
Þú sáðir fræjum drauma alla daga
og dauði þinn kom eflaust allt of fljótt,
hvert fótspor þitt er lífsins ljúfa saga
sem lætur daginn vakna eftir nótt.
Og sál þín fólk að draumadjúpi lokkar
er dafnað fær á leiði lítil jurt
því minning þín er ljós í lífi okkar
sem lifir þótt þú hafir flogið burt.
Stefán Benediktsson.
Elsku amma er farin í ferðina
löngu. Það var kominn tími á
þessi ferð, hennar tími var kom-
inn.
Amma Guðbjörg var mögnuð
kona sem lifði ótrúlegu lífi.
Fædd í íslenskri sveit, flutti til
Skotlands, rak hótel og spilaði á
harmonikku.
Amma og seinni maður henn-
ar, Birgir Halldórsson, ákváðu
fyrir rælni að kaupa hús á Þórs-
höfn á Langanesi og eyða þar
sumrum í sælu og fuglasöng.
Fljótlega voru þau farin að hýsa
veiðimenn, verkamenn og aðra
sem þurftu á gistingu að halda og
fyrr en varði stofnuðu þau Hótel
Jórvík.
Eftir að Birgir lést árið 1986
rak amma Hótel Jórvík ein síns
liðs af miklum móð. Hún gerði
allt. Sá um rekstur, matseld, inn-
kaup, þrif og síðast en ekki síst að
halda uppi stuði á kvöldin með
harmonikkuleik, við mikla gleði
hótelgesta.
Ég á óteljandi minningar um
ömmu og eiga þær allar það sam-
eiginlegt að vera uppfullar af
gleði, hlátri, tónlist og kærleik.
Við fjölskyldan fórum í margar
ferðir til Flórída þar sem amma
var með í för og alltaf vorum við
herbergisfélagar. Við spjölluðum
um heima og geima þegar hátta-
tíminn skall á og vorum vaknaðar
fyrstar til að spila rommý og bera
á okkur sólarvörn.
Amma elskaði kartöflur og
ræktaði þær af kappi. Það var
mikið kappsmál að kaupa kart-
öflur um allan heim, taka til Ís-
lands og reyna að rækta á Þórs-
höfn. Henni tókst vel upp,
allavega hef ég ekki séð Idaho-
kartöflur á stærð við barnshöfuð
ræktaðar á Íslandi fyrr né síðar.
Amma var elskuð og dáð af öll-
um sem kynntust henni, hún var
jú mögnuð kona. Sjálfstæð, dug-
leg, falleg, hlý og elskandi.
Síðasta stund okkar ömmu
saman er mér ómetanleg. Ég sat
hjá henni, hélt í höndina á henni
og við hlustuðum á uppáhaldstón-
listina hennar. Hún var mjög
veikburða en opnaði augun annað
slagið og brosti svo hlýlega til
mín. Hún fann fyrir nærveru
minni og ég ást hennar þegar hún
fálmaði eftir hendi minni.
Með sorg og söknuð í hjarta,
en jafnframt svo miklu þakklæti,
þakklæti fyrir að vera komin af
svo magnaðri og sjálfstæðri
konu, kveð ég ömmu.
Góða ferð elsku amma mín.
Fanney Stefánsdóttir.
Í minningunni er hún stórkost-
leg og afar glæsileg kona, sterk
persóna með ákveðnar skoðanir.
Virðingu hennar verður ekki
leynt og hlýjan í viðmótinu er
töfrum líkust. Hún birtist mér
sem stórfengleg mannvera. Mér
sýndi hún ávallt allt hið besta. Og
ég sit nú eftir – fjarri heimahög-
um – með hjartað fullt af þakk-
læti. Hún sýndi ljóðlist minni
mikinn áhuga og vildi oft að ég
læsi fyrir sig ljóð. Hún hringdi og
eftir stutt spjall sagði hún: Æ,
lestu nú fyrir mig allavega eitt af
þínum fallegu ljóðum.
Óvart tekur sjálfhverfan við
þegar gjöful sál hverfur á braut.
Maður sér það í sögunni sem var
með einhverjum hætti lyftistöng
eða ljósop í fari sálarinnar sem
kveður þennan heim. Og þegar
maður á þá minningu að hafa ver-
ið ungt skáld sem fékk daglega að
heyra að gáfurnar ættu fremur
að leiða hugann að verkfræði,
lögfræði eða læknisfræði, þá er
meira en dásamlegt að eiga
frænku sem er ákveðin og fylgin
sér, frænku sem segir: Þú átt að
yrkja. Orðin þín koma frá hjart-
anu.
Fyrir nokkrum misserum
heimsótti ég Böggu og þegar ég
stóð í forstofu að matsal og
spurðist fyrir heyrði ég hrópað:
Krrristján Hrrreinsson! Svo var
mér tjáð að þetta sætti furðu, þar
eð Bagga hefði að mestu glatað
þeim eiginleika að muna eftir
fólki. Þarna áttum við dásamleg-
ar stundir og ég fékk að lesa fyrir
frænku mína nokkur vel valin
ljóð.
Mér var einhverju sinni sagt
að hún ætti það til að vera ströng,
föst fyrir og refsiglöð. En sjálfur
kynntist ég einungis guðdóm-
legri konu sem gaf mér meiri
þrótt en ég gat átt von á. Gull-
hamrar hannar og einlæg, upp-
byggileg hvatning eru gjafir sem
gleymast ekki.
Reyndar var Bagga ekki
frænka mín í þeirri merkingu
sem fólk flest leggur í það orð. En
hún er í mínum huga Bagga
frænka. Og þannig vil ég geyma
þá hlýju og gefandi minningu
sem hún gaf mér.
Nú færðu á þig blómum bætt
því brátt mun jörðin grænka,
þá getur hug þinn kvæðið kætt
og kitlað, elsku frænka.
Já, ef þig kitlar kvæðið mitt
það kannski vel mun duga,
þá verður blíða brosið þitt
svo bjart í mínum huga.
(KH)
Börnunum: Svandísi, Guð-
manni og Sigurði, sendi ég mínar
einlægustu samúðarkveðjur.
Blessuð sé minning stórkostlegr-
ar konu.
Kristján Hreinsson.
Guðbjörg
Guðmannsdóttir
Morgunblaðið birtir minningargreinar endurgjaldslaust alla
útgáfudaga.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Smellt á Morgunblaðslógóið í
hægra horninu efst og viðeigandi liður, „Senda inn minningargrein,“
valinn úr felliglugganum. Einnig er hægt að slá inn slóðina
www.mbl.is/sendagrein
Skilafrestur | Ef óskað er eftir birtingu á útfarardegi verður greinin
að hafa borist eigi síðar en á hádegi tveimur virkum dögum fyrr (á
föstudegi ef útför er á mánudegi eða þriðjudegi).
Þar sem pláss er takmarkað getur birting dregist, enda þótt grein ber-
ist áður en skilafrestur rennur út.
Minningargreinar