Morgunblaðið - 23.05.2020, Qupperneq 43

MENNING 43
MORGUNBLAÐIÐ LAUGARDAGUR 23. MAÍ 2020
Nánari upplýsingar um sýningartíma á sambio.is
SÝND MEÐ ÍSLENSKU TALI
SÝND MEÐ ÍSLENSKU TALI
GÓÐ GRÍNMYND FYRIR ALLA FJÖLSKYLDUNA
MEÐ ÍSLENSKU TALI.
AFMÆLISVEISLA Í ÁLFABAK
Tvær frábærar eftir sögu Stephen King
EIN BESTA MYND SEM KOMIÐ HEFUR Á ÞESSU ÁRI.
JAMIE FOXX OG MICHAEL B.JORDAN
ERU BÁÐIR HÉR MEÐ FRÁBÆRAN LEIK. MYND SEM ALLIR
KEPPAST VIÐ AÐ HÆLA EFTIR AÐ HAFA SÉÐ MYNDINA.
TÓNLIST
Arnar Eggert Thoroddsen
arnareggert@arnareggert.is
Það var fyrir rétt rúmumþremur árum (haustið 2016)sem Tómas gaf út sína fyrstu
plötu, sem var samnefnd honum.
Hann sótti mig þá heim í Odda á há-
skólasvæðinu hvar ég vinn og af-
henti mér forláta vínileintak. Við
tókum stutt gangaspjall og mér
fannst gott að hitta
piltinn sem ég
hafði orðið var við
misserin á undan.
Hann hafði leikið
með alls kyns tón-
listarfólki, Ásgeiri
Trausta, Júníusi
Meyvant, Hjálmum, Memfismafí-
unni, Fjallabræðrum, Helga Björns-
syni, Sigríði Thorlacius, Uni Stefson
og fleirum. Hann hefur þá sinnt tón-
sköpun og spilamennsku með
ADHD lengi og því sjóaður vel. Mér
fannst ánægjulegt að hann væri að
stíga fram með eigin tónlist og það
var ekki létt verk að pinna tónlist-
ina niður. Djassskotið að einhverju
leyti, vélrænt í bland við lífrænt, og
vísað í áttunda áratuginn, „ambi-
ent“-hljóðheim og krækt í mexí-
kóskan mariachi-blástur meðfram
öðru. Allt saman svo þægilega
kunnuglegt en um leið ekki.
Þeir Guðmundur Óskar Guð-
mundsson, Magnús Trygvason Eli-
assen, Magnús Jóhann Ragnarsson
og Rögnvaldur Borgþórsson koma
við sögu á plötunni nýju en flestir
Tómas Jónsson metsöluplata
fylltu þeir þá síðustu líka. Platan er
gefin út hjá Lucky Records og var
að mestu tekin upp í Hljóðrita í
Hafnarfirði. Spjall okkar fyrir rúm-
um þremur árum var stutt en kurt-
eislegt og markaðist að einhverju
leyti af feimni og þeirri staðreynd
að við þekktumst ekkert. Mig vant-
aði svo frekari upplýsingar fyrir
þennan pistil og sló stuttlega á Tóm-
as. Ætlaðar fimm mínútur urðu að
tuttugu og okkar maður, nú alveg
27 ára, var opnari og málgefnari og
hafði ýmislegt að segja um sig og
sína list.
Tómas segir t.d. að hann sé vilj-
andi að rugla í fólki með því að kalla
aðra plötu sína 3, og hún sé um leið
hluti af þríleik. Þriðja platan (nú,
eða önnur) kemur síðar. Hann vísar
glettinn í Star Wars-röðina sem kom
ekki út í réttri röð. Og þó að um
tengdan þríleik sé að ræða séu ekki
endilega líkindi á milli hlutanna tón-
fræðilega. Vísunin í Star Wars sé
hins vegar ekki alveg úr lausu lofti
gripin, en tónlistin er að miklum
hluta unnin á hljómborð sem voru í
mikilli notkun á mektarárum upp-
runalegu Star Wars-myndanna. Og
þó að Tómas sé fæddur 1993 sé
hann á kafi í tónlist þessa tíma.
„Ég þarf dálítið að vanda mig
við að fylgjast með í tónlist,“ segir
hann kíminn, „því annars fer ég
bara að hlusta á tónlist frá áttunda
og níunda áratugnum út í eitt.“
Hann lýsir sér sem óforbetran-
legum áhugamanni um hljóðgervla
og hann finni mikla fegurð í hljóð-
heimi þessa tíma. Þetta má nema á
plötunni, sem er í senn melódísk og
tilraunakennd. „Breiðholt“,
opnunarlagið, er eins og stef úr
framsækinni rúmenskri mynd frá
1981, „Chicagomalt“ er eins og tón-
list úr biluðum tölvuleik en „Sef-
garðar“ er hrein fegurðarstemma.
Eins er með „Ránargata“ á meðan
„Kemurekkitilgreina“ er grallara-
popp. „Heilsubótarganga vélmenn-
is“ hljómar nákvæmlega eins og tit-
illinn!
„Ekkert af þessu var sérstak-
lega ákvarðað en ég reyni að finna
fegurðina í lögunum, hvort sem þau
eru ljúf, áleitin eða húmorísk,“ út-
skýrir hann. „Ég legg áherslu á að
vinna hlutina fremur hratt og þá er
lykilatriði að vera með góðan mann-
skap, fólk sem þarf ekki að útskýra
of mikið fyrir. Þessar sólóplötur
urðu til náttúrulega, lögin urðu til,
ég er ekki að gefa út eigið efni bara
til þess að vera með. Ég þarf að
gera þetta. Og ég tók þá ákvörðun
fyrir nokkrum árum að hætta að
reyna að semja góða músík. Þá losn-
aði um mikinn hnút hjá mér og
þetta fór að flæða óheft og eðli-
lega.“
» „Breiðholt“, opn-unarlagið, er eins
og stef úr framsækinni
rúmenskri mynd frá
1981, „Chicagomalt“
er eins og tónlist úr
biluðum tölvuleik en
„Sefgarðar“ er hrein
fegurðarstemma.
Platan 3 er önnur sóló-
plata Tómasar Jóns-
sonar, eins undarlega
og það kann að hljóma.
Tómas hefur verið
áberandi í íslensku tón-
listarlífi undanfarið,
m.a. vegna starfa sinna
í gæðasveitinni ADHD.
Hress Tómas Jónsson
nýtir sér ýmis tæki og
tól í tónlistarsköpuninni.
Skipuleggjendur Listahátíðar í
Reykjavík hafa nú staðfest fyrstu
dagsetningar viðburða á hátíðinni
í ár og verða fleiri gerðar opin-
berar á næstu vikum og til-
kynntar jafnóðum, að því er fram
kemur í tilkynningu en hægt er
að kynna sér heildardagskrá há-
tíðarinnar á www.listahatid.is og
lesa um hina ýmsu viðburði.
Nú liggur fyrir að tónleikar
Damons Albarns verða haldnir í
Eldborg 28. mars á næsta ári en
þeir bera yfirskriftina The Near-
er the Fountain, More Pure the
Stream. Verður á þeim flutt tón-
list sem Albarn samdi hér á landi.
Hinn 3. október nk. verður
haldinn viðburðurinn Í leit að
töfrum – Tillaga að nýrri stjórn-
arskrá fyrir lýðveldið Ísland og á
honum mun fjöldi tónskálda, tón-
listarflytjenda, aðgerðasinna og
fulltrúar almennings koma saman
í porti Listasafns Reykjavíkur og
skapa fjölradda tónlistar- og
myndlistargjörning við allar 114
greinar nýju íslensku stjórnar-
skrártillögunnar frá 2011. List-
rænir stjórnendur eru myndlistar-
mennirnir Libia Castro og Ólafur
Ólafsson.
Á þjóðhátíðardaginn, 17. júní,
verður boðið upp á Eldblóm í
Hallargarðinum og er það dans-
arinn og danshöfundurinn Sigríð-
ur Soffía Níelsdóttir sem hefur
veg og vanda af þeirri innsetn-
ingu.
6. og 7. september mun píanó-
leikarinn Víkingur Heiðar Ólafs-
son leika verk eftir Debussy og
Rameau í Eldborg og 6. júní mun
Safnasafnið á Svalbarðsströnd
bjóða upp á hátíðardagskrá með
yfirskriftinni Hugarflug. Verða
þar m.a. fluttir gjörningar eftir
Magnús Loga Kristinsson og
Gunnhildi Hauksdóttur.
Fyrstu dagsetn-
ingar staðfestar
Damon
Albarn
Sigríður Soffía
Níelsdóttir