Skessuhorn - 15.07.2020, Blaðsíða 8

MIÐVIKUDAGUR 15. júlÍ 20208
Lögga á frívakt
stökk í skarðið
HVALFJ.SV.: Bíl var ekið aftan
á annan bíl rétt við Hvalfjarðar-
göng. Ekkert slys varð á fólki en
bílarnir voru báðir óökuhæfir.
Olía lak á veginn og þurfti því
að þrífa slysstað. Miklar annir
voru hjá lögreglunni á Vestur-
landi á þessum tíma og kom því
lögreglumaður á frívakt til að
sinna þessu auk þess sem lög-
reglan á höfuðborgarsvæðinu
kom til aðstoðar. –arg
Ók á
brúarstólpa
DALABYGGÐ: lögreglu
barst tilkynning rétt eftir há-
degi laugardaginn 11. júlí um
umferðaslys á laxárdalsvegi.
Ökumaður ók þar á brúarstólpa
og slasaðist. Var hann fluttur
með sjúkrabíl, fyrst á heilsu-
gæslustöðina í Búðardal en svo
á Sjúkrahúsið á Akranesi til
nánari skoðunar. –arg
Gáleysi innan
um börn
STAÐARSVEIT: lögreglunni
á Vesturlandi barst tilkynning kl
14:39 laugardaginn 11. júlí um
utanvegaakstur í sandinum rétt
við langaholt í Staðarsveit. Til-
kynnt var um ökumenn á hjól-
um sem voru að aka gáleysis-
lega rétt hjá hópi barna. Engin
var kærður. –arg
Hestar við Gröf
HVALFJ.SV.: Tilkynning barst
um lausa hesta á Vesturlands-
vegi, skammt frá bænum Gröf
í Hvalfjarðarsveit laugardag-
inn 11. júlí. Engin slys urðu og
hestunum var komið inn í girð-
ingu. –arg
Tilkynntu öku-
mann til barna-
verndar
BORARBYGGÐ: Um kl. tíu
að kvöldi sunnudagsins 12. júlí
var ökumaður stöðvaður við
Baulu. Var hann ekki með öku-
skírteini, hvorki hefðbund-
in eða rafræn. Má hann búast
við 20 þúsund króna sekt fyrir
þennan bíltúr. Um er að ræða
ökumann undir 18 ára aldri og
sendi lögreglan á Vesturlandi
því tilkynningu til barnaverndar
vegna málsins. -arg
Grjót á veginum
ARNARSTAPI: lögreglu barst
tilkynning um kl. níu að morgni
sunnudaginn 12. júlí um að
grjót hafi hrunið á veginn milli
Arnarstapa og Búða. Um er að
ræða stórt grjót sem ökumenn
ættu að sjá vel. Vegagerðin var
látin vita og fór á vetvang. –arg
Of mikið logn
ÓLAFSVÍK: Rétt eftir kl. hálf
tvö sunnudaginn 12. júlí barst
Neyðarlínu tilkynning um skútu
í vandræðum skammt fyrir utan
Ólafsvík. Vél skútunnar fór ekki
í gang og logn var á svæðinu svo
hún færðist ekkert. Björgunar-
sveitin lífsbjörg fór til aðstoð-
ar og kom skútunni til hafnar í
Ólafsvík.
–arg
Á toppnum
GRUNDARFj.: lögreglunni á
Vesturlandi barst tilkynning kl.
18:33 fimmtudaginn 9. júlí um
fjóra ferðamenn á toppi Kirkju-
fells. Hringt var frá tjaldstæð-
inu en þar óttaðist fólk að um
væri að ræða fólk í hættu. Þeg-
ar málið var skoðað kom í ljós
að vissulega voru þar fjórir ein-
staklingar á ferð en ekkert benti
til þess að þeir væru í vandræð-
um. –arg
Ók of hratt
BORGARBYGGÐ: Fimmtu-
daginn 9. júlí stöðvaði lög-
reglan á Vesturlandi ökumann
sem var að keyra á 118 km/klst
á Vesturlandsvegi í átt að Borg-
arnesi, þar sem hámarkshraði er
90. Þá kom í ljós að ökumaður-
inn var ekki með ökuskírteini
og þar að auki á ótryggðum bíl
og fékk því 90 þúsund krónur í
sekt. –arg
Þjófar með
mikil afköst
BORGARBYGGÐ: lögreglu
barst tilkynning laugardag-
inn 11. júlí um innbrot í Húsa-
felli. Búið var að spenna upp
skúr starfsmanna og taka það-
an verðmæti. Fundust aðilarnir
og voru þeir handteknir grun-
aðir um þjófnað og innbrot
en að auki fá þeir kæru vegna
gruns um vörslu ávana- og
fíkniefna og fyrir að hóta lög-
reglumönnum. Búið er að finna
megnið af þýfinu og er mál-
ið til rannsóknar. Þá eru sömu
aðilar grunaðir um að hafa ver-
ið á ferð við Hótel Hafnarfjall
að morgni sama dags. Þar hafði
einnig verið brotist inn, útihurð
var spennt upp og verðmætum
stolið. Fundust verðmætin á
sama stað og þýfið úr Húsafelli.
Einnig var brotist inn í dæluhús
á Hraunfossum og bjórkút stol-
ið og eru sömu aðilar grunaðir.
–arg
Héraðsdómur Vesturlands kvað
í gærmorgun upp þann dóm að
Páli Guðmundssyni á Húsafelli
2 í Borgarfirði skuli gert að fjar-
lægja innan tveggja mánaða af lóð-
inni Bæjargili í Húsafelli nýtt stein-
steypt hús sem byggt var til að hýsa
legsteinasafn. Páll var hins vegar
sýknaður af kröfu stefnanda, sem
er Sæmundur Ásgeirsson í Húsa-
felli I, að þurfa að fjarlægja Pakk-
hús af lóðinni Bæjargili, en stefn-
andi hafði krafist þess fyrir dómi að
það hús yrði einnig fjarlægt af lóð-
inni. Sæmundur rekur gistiheimilið
Gamla bæ á Húsafelli og mun vera
sameiginlegt og óskipt bílastæði
fyrir þessum lóðum samkvæmt
þinglýstri kvöð. Taldi dómari Sæ-
mund hafa lögvarða hagsmuni að
gæta og vísaði m.a. í meginreglur
eignarréttar um grenndarrétt.
Byggingaleyfi fyrir bæði Pakk-
hús og legsteinasafn byggðu á
stoð í deiliskipulagi fyrir Húsa-
fell 2 sem sveitarstjórn Borgar-
byggðar hafði samþykkt 12. febrú-
ar 2015. úrskurðarnefnd umhverf-
is- og auðlindamála hafði hins veg-
ar með úrskurði 6. desember 2018
kveðið upp þann úrskurð að deili-
skipulagið hefði ekki tekið gildi
með lögformlegri réttri birtingu í
B-deild Stjórnartíðinda og teldist
því deiliskipulagið ógilt með vís-
an í skipulagslög. jafnframt felldi
úrskurðarnefndin úr gildi bygg-
ingarleyfi vegna legsteinasafnsins
þar sem það átti sér hvorki stoð í
gildu skipulagi né hefði sætt máls-
meðferð í samræmi við undan-
tekningaákvæði skipulagslaga um
grenndarkynningu. Dómara í mál-
inu þótti sýnt að stefnda hefði mátt
vera það ljóst að allar nýfram-
kvæmdir við byggingu legsteina-
húss yrðu á hans ábyrgð þar sem
þegar var komin upp deila um rétt-
mæti byggingarinnar með tilliti til
skipulags svæðisins þegar fram-
kvæmdir hófust. Því kvað dómar-
inn upp þann úrskurð að legsteina-
húsið skyldi fjarlægt af lóðinni og
var Páli sömuleiðis gert að greiða
tvær milljónir króna í málskostn-
að stefnanda. Gjafsóknarkostnaður
stefnda greiðist hins vegar úr ríkis-
sjóði.
Mál þetta hefur eins og fram
hefur komið í fréttum Skessuhorns
á liðnum árum velkst lengi um í
kerfinu og angar þess meðal annars
ratað inn á borð úrskurðarnefndar
um umhverfis- og auðlindamál, til
umboðsmanns Alþingis og nú hér-
aðsdóm. Samkvæmt heimildum
Skessuhorns hefur ekki verið tek-
in ákvörðun um hvort niðurstöðu
dómsins verði áfrýjað til æðra
dómsstigs, eða hvort Páli og fé-
lögum hans sé nauðugur sá kostur
að fjarlægja legsteinahúsið. Sömu-
leiðis hafa málsaðilar ekki ákveð-
ið hvort látið verði reyna á hvort
Borgarbyggð sé bótaskyld vegna
mistaka á skipulagssviði, varðandi
skipulag Bæjargils sem aldrei hlaut
lögformlegt gildi, ranga hnitsetn-
ingu og fleiri atriði. Í það minnsta
er skaði Páls Guðmundssonar og
félaga hans mikill vegna byggingar
legsteinahúss, eða um 40 milljónir
króna enda er húsið að mestu upp-
byggt og frágengið.
Borgarbyggð ákvað nú í vor
að hefja vinnu við gerð nýs aðal-
skipulags, en landið hefur fram til
þessa verið skilgreint til landbún-
aðarnota. Nýtt aðalskipulag er for-
senda þess að hægt verði að hefja
starfsemi við listasafn Páls Guð-
mundssonar eins og lengi hefur
staðið til. mm
Páli Guðmundssyni var með dómnum gert að fjarlægja nýtt hús, hér næstlengst til vinstri á mynd, sem hýsa átti legsteina-
safn. Lengst til vinstri er Pakkhúsið sem má samkvæmt dómnum standa áfram. Fyrir miðri mynd er gamla fjósið og turninn
en þessar byggingar allar hýsa listasafn Páls. Til hægri er svo Gamli bærinn sem Sæmundur Ásgeirsson rekur í gistiþjónustu
og Húsafellskirkja lengst til hægri.
Gert að rífa nýtt hús sem átti
að hýsa legsteinasafn