Skessuhorn - 15.07.2020, Blaðsíða 31

MIÐVIKUDAGUR 15. júlÍ 2020 31
Kvennalið ÍA tryggði farseðil sinn í
8-liða úrslit Mjólkurbikarsins eftir
dramatískan sigur gegn Kópavogs-
liðinu Augnabliki á laugardag á Akra-
nesvelli. Fyrsta mark kom frá heima-
stúlkum eftir um hálftíma leik. Það
var Erla Karitas jóhannesdóttir sem
kom þeim stöllum yfir á 27. mínútu
og leiddu þær gulklæddu í leikhléi.
Í síðari hálfleik var allt í járnum
og hart barist. leikmenn Augnabliks
sóttu hart að ÍA og uppskáru með
marki þegar stundarfjórðungur var
til leiksloka. Björk Bjarmadóttir sem
kom inn á á 68. mínútu, jafnaði met-
in fyrir gestina.
Við tóku fjörugar lokamínútur.
Einni mínútu fyrir venjulegan leik-
tíma fékk jaclyn Ashley Poucel, leik-
maður ÍA, rautt spjald og þurftu
heimastúlkur að klára leikinn einum
leikmanni færri. Það kom ekki að sök
því á annarri mínútu uppbótartíma
lét Eva María jónsdóttir boltann
syngja í netinu og tryggði hún þann-
ig sigur Skagakvenna og farseðilinn í
8-liða úrslit Mjólkurbikarsins.
Búið er að draga í næstu umferð.
ÍA mætir Breiðabliki í 8-liða úrslit-
um en Breiðablik spilar í úrvalsdeild
kvenna. leikurinn fer fram þriðju-
daginn 11. ágúst kl. 18:00 á Akranes-
velli. glh
Kvennalið ÍA í knattspyrnu átti
fantagóðan leik þegar liðið sigr-
aði Völsung í fjórðu umferð 1.
deildar kvenna á Akranesvelli á
þriðjudaginn í liðinni viku. Fyrir
umferðina voru Skagakonur með
þrjú jafntefli að baki og efalaust
hungraðar í sigur og stigin þrjú.
Völsungur aftur á móti hafði
átt erfitt uppdráttar á mótinu
og hafði liðið tapað öllum sín-
um viðureignum. Ekki varð nein
breyting á því.
lið ÍA kom ákveðið til leiks og
eftir einungis fjögurra mínútna
spil kom fyrsta markið. Þar var á
ferðinni Unnur Ýr Haraldsdótt-
ir. liðið tvöfaldaði svo forystuna
hálftíma síðar og Erla Karítas
jóhannesdóttir bætti við þriðja
markinu fyrir leikhléið.
Í síðari hálfleik róuðust leik-
ar. Heimastúlkur bættu við einu
marki til viðbótar þegar Fríða
Halldórsdóttir skoraði á 70. mín-
útu. Ekki urðu mörkin fleiri og
fyrsti sigur ÍA í höfn.
Með brakandi fersk þrjú stig í
farteskinu lyfti ÍA sér upp um eitt
sæti í deildinni og eru þær stöll-
ur nú með sex stig í fimmta sæti.
Völsungar stóð í stað, stigalaus í
botnsætinu.
Næsti leikur í deildinni verður
suður með sjó gegn Keflavík á
morgun, fimmtudaginn 16. júlí.
glh/ Ljósm. sas.
Meistaraflokkur ÍA í knatt-
spyrnu karla hafði í nægu að snú-
ast og spilaði tvo leiki í vikunni
sem leið. Á miðvikudaginn gerðu
þeir 2-2 jafntefli við HK á Akra-
nesi. Á sunnudaginn átti Skagalið-
ið svo ekki í vandræðum með ný-
liða Gróttu þegar liðin mættust
í sjöttu umferð Íslandsmótsins á
Seltjarnarnesi. Gróttamenn unnu
sinn fyrsta sigur í síðustu umferð
og komu því fullir sjálfstrausts til
leiks.
Það tók Skagamenn ekki langan
tíma að komast yfir í leiknum við
Gróttu því strax í fyrstu sókn skor-
uðu þeir félagar. Hallur Flosason
átti sendingu í teig heimamanna
sem rataði á Viktor jónsson sem
skallaði knöttinn í netið. Þeir gul-
klæddu héldu áfram að sækja og
virtust ekki í neinum vandræðum
að opna vörn Gróttu. Eftir vand-
ræðagang í vörn heimamanna lenti
boltann við tær Stefán Teits Þórð-
arsonar. Stefán fékk nægan tíma til
að skila boltanum í netið og tvö-
falda þannig forystu ÍA eftir stund-
arfjórðungsspil. Fimm mínútum
síðar bætti Brynjar Snær Pálsson
þriðja markinu við og fjórða mark-
ið kom svo frá Viktori jónssyni.
ÍA leiddi því með öruggu fjögurra
marka forystu í leikhléi.
Í síðari hálfleik voru Skagamenn
heldur rólegri í sínum sóknarað-
gerðum, létu boltann ganga sín á
milli án þess þó að sækja af ein-
hverjum ákafa. Heimamenn náðu
aldrei neinum almennilegum
marktækifærum og sigldi ÍA því
öruggum 4-0 sigri í höfn.
Með sigrinum er ÍA komið í
toppbaráttuna, er nú í fjórða sæti
með tíu stig, jafnmörg stig og Val-
ur í fimmta sæti. Í þriðja sæti í
deildinni er Breiðablik með ellefu
stig en Fylkir og KR eru á toppn-
um með tólf stig hvort lið. Einung-
is tvö stig skilja þannig fimm efstu
liðin að. Þess ber að geta að KR á
leik til góða til að jafna leikjafjöld-
an við hin toppliðin.
Næsti leikur þeirra gulklæddur
verður gegn Víkingi R. á sunnu-
dag kl. 19:15 á Víkingsvelli.
glh
Knattspyrnufélagið Víkingur
Ólafsvíkur sendi í byrjun vikunn-
ar frá sér tilkynningu þar sem upp-
lýst er að jóni Páli Pálmasyni þjálf-
ara hafi verið sagt upp störfum.
liðið hefur ekki átt góðu gengi að
fagna á mótinu í sumar og er í ní-
unda sæti fyrstu deildar karla með
sex stig eftir fimm umferðir. Í til-
kynningunni segir: „lætur hann af
störfum nú þegar. leit hefst nú að
nýjum þjálfara. Stjórn Víkings Ó.
þakkar jóni Páli fyrir framlag sitt til
knattspyrnunnar hér í Ólafsvík og
óskar honum velfarnaðar í framtíð-
inni. Félagið mun ekki tjá sig nánar
um málið að svo stöddu.“
glh/ Ljósm. Víkingur Ó.
Sannfærandi fyrsti sigur
ÍA vann góðan sigur á
botnliði Völsungi.
Mikil barátta í háloftunum á Akranesvelli.
Loksins kom sigur hjá Skagakonum, því ber að fagna.
Víkingur Ó. án þjálfara
Skagastúlkur voru glaðar með úrslitin.
Ljósm. sas.
ÍA áfram í Mjólkurbikar kvenna
Mikil barátta í teignum í leiknum gegn HK. L jósm. sas.
Skagamenn komnir í toppbaráttuna
Skagamenn þakka fyrir sig að leik loknum. Ljósm. Inga Dóra Halldórsdóttir.