Skessuhorn - 15.07.2020, Blaðsíða 27

MIÐVIKUDAGUR 15. júlÍ 2020 27
Vísnahorn
Sú var tíð að hestamót
Faxa á Faxaborg var með
meiri hátíðum í héraði og
töluvert fjölsótt. Á fjórð-
ungsmóti sem þar var
haldið sagði Valdimar
Sigurjónsson:
Þó alltaf hljótist einhver sorg,
ástarsódinn bætir.
Á fjórðungsmóti á Faxaborg
fögur snótin mætir.
jóhannes Sölvi hét maður sem var um tíma
nokkuð hér í héraðinu. Nú er ég ekki full-
viss hvort það var á Faxaborgarmóti eða bara
svona í almennum útreiðum sem hann varð
fyrir því að glata höfuðfati sínu og einnig öku-
skírteini en félagi hans hafði allt sitt á tæru. Þá
var kveðið:
Sölva henti sorglegt slys.
Símon slapp sem greifi.
Húfan fór til helvítis
og hafði ökuleyfi.
Meðan Björn jakobsson var heimilismaður
á Stóra Kroppi skemmtu þeir Kristleifur sér
gjarna við að Björn varpaði fram fyrripörtum
og Kristleifur botnaði. Þannig mun þessi hafa
skapast:
Ég er að leysa og láta í meis.
Laufinu eys úr stafla heys.
Og Kristleifur botnar:
Bú mitt reisi á fræðum Freys,
féð er beysið. Allt með keis.
Einar Benediktsson kom eitt sinn á bæ „ör-
lítið kenndur“ og þáði veitingar bæði fastar og
fljótandi, áfengar og væntanlega óáfengar líka.
Þegar skáldið bjóst til brottfarar gek húsfreyja
með honum til hests og hélt í ístaðið meðan
skáldið ámeraðist. Að launum vildi húsfreyja
fá vísu og kom þá þessi gáta um Bjórinn:
Í gleði og sút hef ég gildi tvenn.
Til gagns er ég eltur en skaði er að njóta.
Hafður í reiða, um hálsa ég renn,
til höfuðs ég stíg en er bundinn til fóta.
Ýmsir bölva áfenginu og telja það hafa eyði-
lagt líf fjölmargra en örugglega eiga margir
líka tilurð sína því að þakka. jón Benediktsson
mun hafa ort þessar stökur og nefnt Tilraun:
Sveinninn fljóði lipurt ljóð
las í hljóði meðan rjóð
mærin góða greind og fróð
gerðan hróður fótumtróð.
Fljóðið smáa fór sér hjá.
Fljótt að sjá hvað undir lá.
Það sem má ei minnast á
mikið þráði piltir sá.
Gæfan reynist gjafasein,
gæðin treynir, það er mein.
Dátt í leyni hjartahrein
hlær að sveini menjarein.
Eftir Elías Þórarinsson frá Hrauni mun
vera þessi mannlýsing. Hvort sem hún hefur
nú átt við rök að styðjast eða ei:
Dæmi fáum gott hann gaf
gripinn fláum vonum.
Kuldastráum kominn af,
kaldur náungonum.
Símon í Goðdölum var allþekktur maður á
sinni tíð en ekki umtalsfrómur fram yfir með-
allag. Orðhagur og frjór í andanum en sá ekki
alltaf nauðsyn þess að bregða því betra ef ann-
að var í boði. Um hann orti Sigurður Sigurðs-
son á Brúnastöðum:
Gætinn varstu orðum í
aldrei mæltir hnjóð um granna.
Enda hlaustu allt að því
ást og virðing guðs og manna.
Ekki mun Símoni hafa líkað þessi sending
nema hóflega vel en lagði ekki í að svara þó
væri þokkalega hagmæltur.
Margir Íslendingar hafa sungið í kórum
bæði skipulögðum og óskipulögðum. Vænt-
anlega eru nú oft textablöð allavega hjá þeim
sem teljast skipulagðir í meðallagi plús en
stundum verða menn að leita í ótryggu minni
sínu eftir því hvað þeim heyrðist sungið síð-
ast þegar þessa hljóma bar í eyru. Hallmund-
ur Kristinsson taldi að með hæfilegri heppni
eða óheppni gæti útkoman orðið eitthvað á
þessa leið:
Þú hreina svarta bindið mitt.
við hörmum spilltra vanda.
Fram laðar kvartett trosið sitt,
þá er hér naumast andað.
Ég finn mér innst í hálsi hrjá
- svo marga þynnri hendir -
þar sneið af pylsu er föst á ská,
svo nú kom verri endir.
Kristján Schram eða Stjáni í Gasstöðinni
var prýðilega hagmæltur maður en kannske
örlítið hliðhollur Bakkusi konungi með köfl-
um. Einhvern tímann gaukaði hann þessari að
vini sínum:
Þér ég gæti stundir stytt,
stórum bætt í sinni
ef ég hellti í höfuð þitt
úr hálfflöskunni minni.
Ekki virðist Kristján þó hafa kviðið sinni
síðustu för enda virtist honum ekki þörf mik-
ils farteskis:
Ævi mín er einskisverð,
eintómt grjót og klaki.
Allt sem þurfti í þessa ferð,
það var skófla og haki.
Ég sorgum hef saman þjappað,
syndanna þvegið gólf.
Nú er allt klárt og klappað
og klukkan að verða tólf.
Við andlát Kristjáns orti Ingþór Sigur-
björnsson og er óvíst að ýmsir þeir sem töldu
sig honum meiri í lifanda lífi hafi fengið betri
eftirmæli:
Grínið eins og gróðrarskúr
græddi sár og hressti veika.
Gullkorn sem hann gróf upp úr
grjóti hversdagsörðugleika.
Sveinn Hannesson kenndur við Elivoga
sigldi nú ekki alltaf sléttan sjó í lífinu enda
orti hann:
Lífs á krapa köldum sjó
kólgan napurt lemur.
Síst þó tapa ég sinnis ró.
Sigg í skapið kemur.
Sveinbjörn Beinteinsson sagði við einhvern
góðvin sinn:
Í upphafi var orðið
og orðið var hjá þér.
Hvað af því hefur orðið
er óljóst fyrir mér.
Fyrir þá sem eru sjálfs síns húsbændur getur
verið mikilvægt að nýta tímann vel og óþarft
að liggja á sig lús um hábjargræðistímann.
Ekki man ég um höfund þessarar en hef grun
um að hún sé þingeysk að uppruna:
Öll þig flýja örlög grimm
og þér fylgir lukkan
ef að þú á fætur fimm
ferð þegar er klukkan.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is

Grínið eins og gróðrarskúr - græddi sár og hressti veika
Heimildamyndahátíðin Icelandic
Documentary Film Festival hefst
á Akranesi í kvöld, miðvikudaginn
15. júlí, og stendur fram á sunnu-
dag. Hátíðin er opin öllum og er
frítt á flesta viðburði. En vegna
samkomutakmarkana þarf að bóka
miða fyrirfram á viðburði í gegnum
heimasíðu hátíðarinnar www.ice-
docs.is en allar myndir á hátíðinni
verða sýndar í Bíóhöllinni.
Á hátíðinni verða sýndar yfir
20 heimildamyndir allsstaðar að
úr heiminum og eru þær allt frá
12 mínútur upp í 106 mínútur að
lengd. Áhersla er lögð á að allir ge-
stir geti fundið myndir við hæfi.
„Þetta eru allskonar myndir um
allt mögulegt. Ein myndin er um
munaðarleysingjahæli í Malaví þar
sem börnin tala bara kínversku,
svo erum við með spennumynd
um hneyksli í heilbrigðiskerfinu í
Rúmeníu, það er mynd sem hel-
dur manni alveg á tánum. Við
erum líka með mynd um karlakór
í Noregi og aðra um mann sem býr
með köttunum sínum og fer með
þá með sér út um allt. Svo er allt
þarna á milli bara,“ segir Ingibjörg
Halldórsdóttir, einn skipuleggjan-
di hátíðarinnar, í samtali við Skes-
suhorn. Heimildamyndirnar eru
flestar meira eins og bíómyndir en
hefðbundnar heimildamyndir sem
alla jafnan eru sýndar í sjónvarpinu.
„Þetta eru samt heimildamyndir
en bara aðeins annar stíll en þessi
hefðbundni,“ segir hún.
Byrja með heilsueflingu
Opnunarhátíð IceDocs verður kl. 20
í kvöld í Skemmunni á Breið á Akra-
nesi en þar mun Gunnhildur Vil-
hjálmsdóttir spila á harmonikku og
Níels Thibaud Girerd leiðir dagskrá.
Þá verður boðið upp á veitingar og
ljúfa tóna. Allir hátíðardagar munu
hefjast með heilsueflingu í morg-
unsárið. Hægt verður að prófa jóga
með Áróru Helgadóttur, fara í bæj-
argöngu með leiðsögn, fjallgöngu,
hugleiðslu og fleira. „Við færum okk-
ur svo í Akranesvita þar sem verða
alltaf tónleikar klukkan tvö og að því
loknu hefjast bíósýningar klukkan
þrjú og verða til svona níu á kvöldin,
en þá hefjast kvöldviðburðir,“ seg-
ir Ingibjörg. Á laugardeginum verð-
ur fjölskyldustemning á Akratorgi
þar sem jón Víðir töframaður sýnir
nokkur töfrabrögð, Blaðrarinn verð-
ur á staðnum og fleira. „Þetta verður
svona markaðs- og karnivalstemning
hjá okkur með allskonar leikjum og
fjöri,“ segir hún.
Boðið verður upp á vinnustofu
fyrir krakkana á laugardeginum þar
sem þeim verður boðið að prófa að
búa til stuttar heimildamyndir. „Það
er takmarkað pláss svo það er mikil-
vægt að skrá sig fyrst,“ segir Ingib-
jörg. Fyrir þá sem annað hvort ko-
mast ekki á hátíðina eða ná ekki að
sjá allar myndirnar er hægt að fá pas-
sa á www.icedocs.is sem hægt er að
nota til að horfa á myndirnar á net-
inu í þrjár vikur eftir hátíðina. „Við
vonum bara að sem flestir láti sjá
sig,“ segir Ingibjörg Halldórsdóttir
að endingu.
arg
Heimildamyndahátíðin IceDocs hefst í dag