Mosfellingur - 17.12.2020, Blaðsíða 6
Mælst til að fólk velji
sína eigin jólakúlu
Samkvæmt gildandi reglugerð heil-
brigðisráðuneytisins um takmörkun
á samkomum vegna farsóttar sem
tók gildi 10. desember og gildir til
12. janúar 2020 er hámarksfjöldi
einstaklinga í sama rými 10. Það
þýðir að aðventan verður frábrugðin
því sem gengur og gerist fyrir
marga. Almannavarnir hafa hvatt
fólk til að búa til sína jólakúlu með
sínum nánustu sem innihaldi að
hámarki 10 manns. Athygli er vakin
á því að börn fædd 2005 og yngri
teljast ekki með og ekki heldur þeir
sem hafa fengið COVID-19. Á www.
covid.is má finna ráðleggingar um
hvernig gott er að haga málum yfir
hátíðirnar, covid.is/flokkar/jol-og-
aramot-2020. Njótum hátíðanna í
samræmi við þessar leiðbeiningar
og gerum þetta saman.
Móta lýðheilsu-
og forvarnastefnu
Okkar heilsu Mosó - lýðheilsu- og
forvarnarstefna Mosfellsbæjar ligg-
ur nú frammi í samráðsgátt. Íþrótta-
og tómstundanefnd Mosfellsbæjar
samþykkti í júní 2019 að hefja vinnu
við stefnumótun í lýðheilsu- og
forvörnum fyrir Mosfellsbæ. Við
undirbúning stefnumótunarinnar
var lögð áhersla á að Heimsmark-
mið og Barnasáttmáli Sameinuðu
þjóðanna endurspeglist í lýðheilsu-
og forvarnarstefnu Mosfellsbæjar.
Fram til 22. desember gefst íbúum
og öðrum hagsmunaaðilum færi á
að kynna sér það efni sem nú liggur
fyrir og koma sínum sjónarmiðum
og ábendingum á framfæri. Nýtum
tækifærið og mótum lýðheilsu- og
forvarnarstefnu Mosfellsbæjar sam-
an. Slóðin mos.is/lydheilsa opnar
samráðsgátt á Betra Ísland í viðmóti
sem flestir þekkja í Okkar Mosó og
fleiri lýðræðisverkefnum.
N1 hefur opnað 50 kW hraðhleðslustöð við
þjónustustöð sína í Háholti í Mosfellsbæ.
Hægt er að greiða fyrir rafmagnið með
N1 korti og lyklum, auk annarra hefðbund-
inna greiðslumáta. Ekkert mínútugjald er
greitt fyrir hleðsluna, aðeins fast gjald og er
verðið 45 kr á kW. Stöðin kemur í staðinn
fyrir hraðhleðslustöð frá ON.
Kolefnissporin minnka
„N1 heldur áfram forystuhlutverki sínu
á þessu sviði og við viljum sem fyrr vera
leiðandi í sölu orkugjafa á Íslandi.
Með þessum nýju orkugjöfum minnkum
við kolefnissporin og þetta fellur afskaplega
vel við markmið númer 13 í Heimsmark-
miðum Sameinuðu þjóðanna um aðgerðir
í loftslagsmálum,“ segir Hinrik Örn Bjarna-
son, framkvæmdastjóri N1.
Þægilegt aðgengi fyrir alla
„Fjöldi N1 korthafa er yfir 70.000 og
viljum við geta veitt okkar viðskiptavinum
þægilegt aðgengi við greiðslu á rafmagni á
rafbíla ásamt því sem við viljum veita við-
skiptavinum okkar sem ekki eru korthafar
skilyrðislaust aðgengi.
Viðskiptavinir okkar geta greitt fyrir raf-
magnið með greiðslukortum. Þannig geta
allir hlaðið bílana hjá N1 ólíkt því sem ger-
ist hjá öðrum sem bjóða upp á rafhleðslu.
Við viljum þjónusta viðskiptavini óháð því
hvaða orkugjafa þeir velja fyrir bílana sína.“
Ný 50 kW hraðhleðslustöð í notkun • „Viljum þjónusta viðskiptavini óháð orkugjafa“
N1 opnar rafhleðslustöð í Háholti
hleðsla í háholtinu
- Bæjarblað allra Mosfellinga6
Undibúningur hafinn
fyrir bólusetningu
Undirbúningur fyrir bólusetningu
gegn COVID-19 er hafinn hjá
Heilsugæslu höfuðborgarsvæðisins.
Unnt verður að bólusetja alla sem
vilja á einungis örfáum dögum,
komi nægt bóluefni til landsins,
en enn liggur ekki fyrir hvenær
það gæti orðið. Heilsugæslan er
nú í samstarfi við sveitarfélögin á
höfuðborgarsvæðinu um mögulegt
húsnæði og útfærslu á bólusetning-
arátakinu. Samstarfið við almanna-
varnir og sveitarfélögin veitir þann
möguleika að nýta núverandi
innviði sveitarfélaganna í húsnæði,
bílastæðum og mannafla og hefur
í því tilliti verið litið til skipulags á
kosningum. Allt þetta átak miðar
að því að vera tilbúin með útfærða
áætlun þegar bóluefnið kemur.
Ljóst er að aflýsa þarf brennum í Mosfellsbæ sem
hefðu átt að vera á næstunni. Áramótabrenna og
þrettándabrenna hafa verið fjölmennar en þær hafa
verið haldnar við Leirvoginn, neðan Holtahverfis.
Á sameiginlegum fundi allra sveitarfélaganna á
höfuðborgarsvæðinu var tekin ákvörðun um að fella
niður áramótabrennur sem hafa verið skipulagðar
á höfuðborgarsvæðinu. Ákvörðunin var tekin í ljósi
þess að fjöldatakmarkanir vegna sóttvarnaraðgerða
miðast við 10 manns og mikilvægt að sveitarfélögin
hvetji ekki til hópamyndunar.
Það er ljóst að jól og áramót verða öðruvísi í ár
vegna COVID-19. Brennur draga að sér fjölda fólks
og vilja sveitarfélögin sýna ábyrgð í verki og aflýsa
því þessum samkomum.
Áramóta- og þrettándabrennu í Mosfellsbæ aflýst • Fjöldatakmarkanir til 12. janúar
Öllum breNNum aflýst
við þrettándabrennu í mosó