Mosfellingur - 17.12.2020, Blaðsíða 10
- Fréttir úr bæjarlífinu10
Fjárhagsáætlun Mosfellsbæjar fyrir árið
2021 og næstu þrjú ár þar á eftir var sam-
þykkt í bæjarstjórn þann 9. desember.
„Við gerð fjárhagsáætlunarinnar tókst
okkur það meginmarkmið að verja þá
þjónustu sem veitt er og skapa svigrúm til
þess að bæta í þjónustu á nokkrum sviðum
eins og ungbarnaþjónustu og þjónustu við
fatlað fólk. Á sama tíma höldum við aftur
af hækkunum og lækkum álögur sem eru
þættir sem stuðla að viðspyrnu heimila
og fyrirtækja,“ segir Haraldur Sverrisson,
bæjarstjóri Mosfellsbæjar.
Þjónusta varin í skugga heimsfaraldurs
Aukning verður á nýjum plássum á leik-
skólum fyrir 12-18 mánaða börn og er gert
ráð fyrir að fjölga þeim um 30 á árinu 2021.
Þá verður sem fyrr verulegum fjármunum
varið til upplýsinga- og tæknimála og
bættrar aðstöðu í grunnskólum bæjarins.
Á sviði fjölskyldumála er gert ráð fyrir
veitingu fimm stofnlána vegna undirbún-
ings við byggingu á nýjum búsetukjarna
fyrir fatlað fólk. Einnig er gert ráð fyrir að
stuðningsþjónusta hjá sveitarfélaginu verði
efld og hugað að ákveðinni endurskipu-
lagningu í starfsemi búsetuþjónustu fyrir
fatlað fólk.
Nýta betur rafrænar lausnir
Á sviði menningarmála verður stærsta
verkefnið endurbætur á innra rými Hlé-
garðs þar sem húsið verður fært nær upp-
runalegu horfi og húsið nýtt sem megin-
vettvangur menningarstarfsemi í bænum.
Unnið verður að endurskoðun aðal-
skipulags bæjarins og næstu skref stigin í
lýðræðisverkefninu Okkar Mosó 2021 þar
sem kallað verður eftir tillögum íbúa að
verkefnum. Vinnu við seinni tvo áfanga
Helgafellsskóla lýkur á næsta ári og undir-
búningur hefst að byggingu nýs leikskóla í
Helgafellshverfi.
Heimsfaraldurinn hefur skapað tæki-
færi til að nýta betur rafrænar lausnir við
úrlausn daglegra verkefna og þjónustu við
íbúa.
Stefnumörkun til framtíðar
Vinnu við lýðheilsu- og forvarnarstefnu
Mosfellsbæjar mun ljúka á næsta ári en
stefnan liggur nú til umsagnar í drögum
í samráðsgátt undir vinnuheitinu Okkar
heilsu Mosó. Við endurskoðun á skóla-
stefnu verður litið til þess að breikka skír-
skotunina og líta á menntun í heild og að
stefnan kallist menntastefna. Loks mun
Mosfellsbær vinna að því á næsta ári að
verða barnvænt sveitarfélag og innleiða
með þeim hætti barnasáttmála Sameinuðu
þjóðanna.
Vonaðist eftir samstöðu allra flokka
„Fjárhagsáætlun ársins 2021 er unnin í
skugga heimsfaraldurs
en endurspeglar sterka
stöðu sveitarfélagsins til
að mæta tímabundnum
fjárhagslegum áföllum.
Minnkandi skatttekjur
og aukinn rekstrar-
kostnaður vegna kór-
ónuveirunnar hefur
neikvæð áhrif á afkomu
sveitarfélaga.
Í fjárhagsáætlun ársins 2021 er gert ráð
fyrir um 567 m.kr. halla á rekstri sveitar-
félagsins. Efnahagsleg áhrif faraldursins
eru það mikil á rekstur sveitarfélagsins að
óhjákvæmilegt er annað en að bæjarsjóður
verði rekinn með halla. Hinn möguleikinn
hefði verið að skera verulega niður í rekstri
og þjónustu sveitarfélagsins. Það er ekki
skynsamleg stefna við ríkjandi aðstæður
og ég tel að okkur hafi tekist að verja þjón-
ustu við íbúa. Mosfellsbær býr þannig að
því að hafa verið með góðan og ábyrgan
rekstur undanfarin ár og því hægt að reka
bæjarsjóð með halla til skamms tíma þó
að það leiði óhjákvæmilega til aukinnar
skuldsetningar.
Ég vil þakka starfsmönnum fyrir þeirra
framlag við að setja saman fjárhagsáætl-
un ársins og bæjarfulltrúum fyrir þeirra
ábendingar og málefnalega umræðu í að-
draganda samþykktarinnar.
Ég bar þá von í brjósti að ná fram sam-
stöðu allra flokka í bæjarstjórn á þeim
viðsjárverðu tímum sem nú ríkja því að
samstaðan er mikilvæg. Niðurstaðan varð
hins vegar sú að fulltrúar annarra flokka en
meirihlutans kusu að sitja hjá við afgreiðslu
fjárhagsáætlunar næsta árs sem er miður,“
segir Haraldur Sverrisson bæjarstjóri.
Haraldur Sverris-
son bæjarstjóri
Fjárhagsáætlun Mosfellsbæjar fyrir árið 2021 samþykkt • Minnihlutinn situr hjá • Gert ráð fyrir halla á rekstri
Viðspyrna tryggð og þjónusta við
íbúa varin í skugga heimsfaraldurs
• Rekstrarniðurstaða neikvæð um
567 m.kr.
• Skuldaviðmið við árslok 113,3%.
• Áætlað veltufé frá rekstri verður
jákvætt um 486 m.kr. eða tæplega
3,7% af heildartekjum.
• Útsvarsprósenta óbreytt eða 14,48%
af útsvarsstofni.
• Tekjur verði 13.307 m.kr.
• Gjöld án fjármagnsliða 12.673 m.kr.
• Fjármagnsliðir 686 m.kr.
• Fyrirhugað er að framkvæma fyrir
2.560 m.kr. sem að mestu rennur til
skóla-, gatna- og veitumannvirkja.
• Gert er ráð fyrir að íbúum fjölgi um
rúmlega 4,4% milli ára, en þeir eru nú
um 12.600.
• Hófleg hækkun gjaldskráa til samræm-
is við stefnumörkun lífskjarasamninga.
• Leikskólagjöld lækka um 5%.
helstu tölur næsta árs
mosfellsbær
á fallegum degi
Jólasveinarnir koma ekki í skóginn þetta
árið þar sem þeir vilja fara eftir öllum regl-
um. Þeir halda sig saman í jólakúlu uppi í
Esjunni og hafa það gott. Þeir bera þó fyrir
kveðjur til allra og koma galvaskir að ári.
Það skal jú tekið fram að þeir geta leyft sér
að laumast á nóttunni til að gefa börnunum
í skóinn.
Í Hamrahlíð er nóg af fallegum jólatrjám.
Fólk getur farið í skóginn og höggvið sitt tré
enda auðvelt að uppfylla þar 2 metra regl-
una. Eins er nóg af trjám í rjóðrinu þar sem
fólk getur valið sér jólatré sem hafa verið
flutt þangað af svæðum skógræktarfélags-
ins innan Mosfellsbæjar.
Í Hamrahlíð verður opið alla daga fram
til jóla, milli 10 og 16 um helgar og 12-18 á
virkum dögum. Með því að kaupa jólatré af
Skógræktarfélagi Mosfellsbæjar er stuðlað
að kolefnisbindingu í sveitarfélaginu. Skóg-
ræktarfélagið gróðursetur allt að 30 tré fyrir
hvert selt jólatré og stuðlar þannig að að
bættu umhverfi, betri útivistarskógum og
aukinni kolefnisbindingu.
Auðvelt að uppfylla reglur í fjallinu • Nóg af fallegum trjám
Jólaskógurinn í Hamrahlíð
opinn alla daga til jóla
skógræktarfélagið selur
jólatré í hamrahlíð
Samvera
er besta
jólagjöfin
Fjölskyldan
saman um jólinFélagsliðar
stuðningsFulltrúar
starfsmaður óskast í 75% starf í þjónustuíbúðarkjarna
í skálahlíð 11 í Mosfellsbæ. um er að ræða dagvinnu
alla virka daga, frá mánudegi til föstudags, frá klukkan
8:00-14:00, ráðið er í stöðuna frá áramótum.
Við leitum að öflugum starfsmanni til liðs við okkur. Hér búa sjö íbúar um
miðjan aldur með mismunandi þjónustuþarfir. Um er að ræða fjölbreytt
starf þar sem þjónustan er einstaklingsmiðuð og þjónustuáætlunum
þeirra er fylgt eftir í daglegu lífi, jafnt utan heimilis sem innan. Starfs-
menn eru fyrirmyndir í starfi sínu, sýna frumkvæði og taka þátt í daglegu
lífi íbúa. Góð samskipti og samvinna við fjölskyldur og vini íbúa eru
mikilvæg jafnt og starfsmanna sín á milli.
Við leitum að starfsmanni sem talar góða íslensku, er með
bílpróf og hreint sakavottorð. Sýnir fram á sjálfstæð vinnubrögð,
heiðarleika, góð mannleg samskipti og sveigjanleika.
umsóknarfrestur er til 28. desember 2020.
Frekari upplýsingar fást hjá Jónínu Árnadóttur
forstöðuþroskaþjálfa í síma 530-6643/691-1992.
Umsókn ásamt ferilskrá sendist á netfangið jonina@skalatun.is