Mosfellingur - 17.12.2020, Blaðsíða 14
- Bæjarblað allra Mosfellinga14
Ari Jakobsson, 16 ára drengur úr Mos-
fellsbæ, var að gefa út á Spotify sína fyrstu
plötu. Platan nefnist ÖRVÆNTING og inni-
heldur sjö lög.
Ari sem kallar sig ferrARI býr til alla
tónlistina og textana sjálfur auk þess að
taka upp og hljóðblanda plötuna. „Þetta er
hipp hopp, rapp plata, sem ég er rosalega
ánægður með.
Ég bý til alla taktana, sem textana, tek
upp, tappa og mixa allt sjálfur. Þetta var
skemmtilegt ferli og mikil reynsla,“ segir
Ari.
Sjö lög sem segja eina sögu
„Það eru sjö lög á plötunni sem í heild
sinni segja eina sögu eða eins og það kallast
concept-plata. Saga er um strák sem er bál-
skotinn í stelpu en í raun klúðrar málunum
með því að reyna of mikið þannig að þetta
þróast í hálfgerða örvæntingu hjá honum.
Það þarf eiginlega að hlusta á plötuna frá
byrjun til enda til að skilja söguna. Það er
skrítið að vera að gefa út sína fyrstu plötu í
þessu skrítna ástandi en ég hef helst notað
samfélagsmiðla til að koma mér á framfæri,
það kemur vonandi að því að maður geti
farið að spila fyrir fólk.“
Mikil tónlist á heimilinu
Það má segja að Ari sé sjálfmenntaður í
tónlist en segist hafa fengið mikið og fjöl-
breytt tónlistarlegt uppeldi en pabbi Ara er
bassaleikarinn Jakob Smári Magnússon.
„Pabbi er tónlistamaður og þar af leiðandi
hef ég alist upp við tónlist allt mitt líf. Það
er varla til sú tónlistarstefna sem ekki hefur
verið spiluð á heimilinu.
Ég hef alla tíð haft mikinn áhuga á hvers-
lags tónlist og langaði að prófa að gera mína
eigin og prófa þetta ferli. Ég hef ekki farið í
hefðbundið tónlistarnám, það hentar mér
betur að læra bara sjálfur og læra það sem
mig langar að læra.“
Frábær aðstaða í Bólinu
Ari tók upp alla plötuna í kjallara Bólsins
þar sem ungir tónlistamenn í Mosfellsbæ
hafa aðstöðu til að sinna tónlistinni.
„Það að hafa tækifæri á að nýta aðstöð-
una í Bólinu er alveg brilljant. Ég tók upp
alla plötuna þarna, það er ómetanlegt
fyrir okkur krakkana í Mosó sem erum í
tónlist að hafa kjallarann, þarna er frábær
hljómsveitaaðstaða og stúdíó,“ segir Ari að
lokum og hvetur alla til að hlusta á plötuna
ÖRVÆNTING á Spotify.
ÖRVÆNTING inniheldur sjö lög • Hægt að hlusta á Spotify
Rapparinn ferrARI
með sína fyrstu plötu
platan er örvænting
er komin á spotify
Þverholt 2 I Mosfellsbær 270 I Sími 525 6700 I mos.is
Mosfellsbær hefur tekið í gagnið nýjan ráðningarvef.
Öll laus störf hjá Mosfellsbæ og stofnunum
má sjá og sækja um á nýjum ráðningarvef:
www.mos.is/storf
Laus störf í Mosfellsbæ
Gleðileg jól
Sendum Mosfellingum
öllum nær og fjær bestu
jóla- og nýárskveðjur.
Vinstri græn í Mosfellsbæ
Langleggur
og skjóða
Bókasafnið bauð leikskólum Mosfellsbæj-
ar á jólasýninguna Langleggur og Skjóða
sem leikhópurinn Lotta stendur fyrir.
Hver skóli fékk sýna sýningu og gætt var
að sóttvarnarreglum í hvívetna. Þetta var
mikið fjör og gleðilegt að sjá líf í safninu
eftir langa lokun.
Langleggur og Skjóða eru systkini jóla-
sveinanna, en þau hafa slegið víðsvegar í
gegn um jólin síðustu ár.
Skjóða ferðast milli jólahátíða með
glænýja jólasögu á hverju ári sem er í raun
skemmtilegur jólaleikþáttur úr Grýlu-
helli. Langleggur bróðir hennar er mjög
fyndinn og kemur oft með henni, hann
er mjög flinkur á píanó og spilar undir
sögunni. Eftir söguna syngja þau og dansa
nokkur vel valin jólalög með börnunum.
loksins líf í
bókasafninu