Ægir - 2020, Page 32

32
„Þetta er fyrsta nýsmíðin hjá Vísi í 55
ára sögu félagsins og því er stór dagur
að taka á móti nýju og glæsilegu skipi.
Sagan á bak við nafn og útgerð verður
alltaf betri og sterkari,“ segir Pétur H.
Pálsson, framkvæmdastjóri Vísis hf. í
Grindavík. Páll Jónsson GK 7 ber nafn
afa hans sem átti bátana Fjölni og Hilmi
og fórst með þeim síðarnefnda árið 1943.
„Við erum í markvissri vinnu í því að
fjárfesta í betri og öflugri bátum sam-
hliða því að tæknivæða vinnslurnar og
þessi nýsmíði er liður í því. Við höfum
kannski verið nokkuð lengi þekktir fyrir
að gera út gamla báta en við höfum þeg-
ar endurbyggt tvo báta; Fjölni GK sem er
hálfuppgerður og Sighvat GK að öllu
leyti. Þeir hafa báðir reynst mjög vel eft-
ir breytingar. Ég hef þá trú að reynslan
af þessari endurnýjun verði það góð að
við höldum áfram á sömu braut. Við er-
um nú með tvo eldri báta sem ekki hafa
verið endurbættir. Jóhanna Gísladóttir
GK er enn í góðu standi en það fer að
koma tími á Kristínu GK. Maður þarf allt-
af að vera í endurskoðun og við erum
kannski í þeirri stöðu núna að geta verið
að fá okkur tæki og tól í takt við tímann.
Við höldum okkur því ennþá við línu-
veiðar. Jóhanna er drottningin okkar og
má segja að með Páli Jónssyni GK sé
kóngurinn kominn,“ segir Pétur.
Við óskum útgerð og áhöfn
Páls Jónssonar GK 7
til hamingju með Optim-ICE®
ísþykknibúnaðinn
frá KAPP ehf.
Miðhraun 2 · 210 Garðabæ · 587 1300
Kapp@kapp.is · www.Kapp.is
Vísir hf valdi eftirfarandi búnað:
• BP-120 vélbúnað
• T-2000 forðatank
• FK-100 forkæli
Þar sem kælikeðjan
rofnar aldrei
■ Pétur H. Pálsson, framkvæmdastjóri Vísis hf. í Grindavík með nýja skipið Pál Jónsson GK að baki sér. Þetta er fyrsta
nýsmíði fyrirtækisins í rösklega hálfrar aldar sögu þess.
Nú er kóngurinn kominn