Ægir - 2020, Qupperneq 34

34
Formlegum viðræðum um sameiningu sjávarútvegsfyrir-
tækjanna Þorbjarnar hf. og Vísis hf. í Grindavík hefur verið
hætt. Sett var af stað vinna við skoðun á sameiningu fyrir-
tækjanna í september síðastliðnum og reiknað með að nýtt
sameinað fyrirtæki yrði til um áramót. Vinnuhópar voru
skipaðir til að skoða einstaka þætti en samkvæmt nýrri til-
kynningu segir að niðurstaðan hafi orðið sú að halda áfram
góðu samstarfi fyrirtækjanna tveggja en láta þar staðar
numið. Hugmyndin um sameiningu í eitt fyrirtæki var því
sett til hliðar en ljóst er að til hefði orðið eitt af stærstu út-
gerðar og fiskvinnslufyrirtækjum landsins.
Í tilkynningunni segir að niðurstöður vinnuhópanna verði
nýttar til að styrkja samstarf fyrirtækjanna enn frekar og
útiloka eigendur þeirra ekki aðra möguleika í framtíðinni.
Vísir og Þorbjörn eru rótgróin og öflug sjávarútvegsfyr-
irtæki, svipuð að stærð og hafa í gegnum árin unnið tals-
vert saman. Eiga þau meðal annars félög saman á borð við
Haustak, Codland og sölufyrirtæki í Grikklandi.
Vel yfir 600 manns vinna hjá fyrirtækjunum tveimur
sem samanlagt hafa um 44.000 tonn af aflaheimildum og er
ljóst að gott samstarf mun gagnast fyrirtækjunum vel og
auka sóknartækifæri þeirra á erlendri grundu.
Hætt við að sameina Þorbjörn og Vísi
■ Saltfiskur í vinnslu hjá Þorbirni hf. Á sjöunda
hundrað manns starfa hjá fyrirtækjunum tveimur.
Togarinn Bergey VE kom til heimahafnar
í Vestmanneyjum í fyrsta sinn nú í janú-
ar og hefur skipið hafið veiðar. Skipið er
í eigu Bergs-Hugins ehf. og var afhent í
Noregi þann 1. október síðastliðinn og þá
siglt beint til Akureyrar þar sem hófst
uppsetning á búnaði á vinnsluþilfari og í
lest. Því verki lauk strax eftir áramótin.
Bergey VE er einn sjö togara sem
komu frá Vard skipasmíðastöðinni til ís-
lenskra útgerða á síðasta ári. Eitt syst-
urskipanna er Vestmannaey VE, sem
einnig er í eigu Bergs-Hugins en það
skip kom fyrst skipanna sjö til landsins.
Vestmanney VE hóf veiðar í haust en nú
í janúar var bætt við búnaði í skipið hjá
Slippnum Akureyri.
Jón Valgeirsson, skipstjóri á Bergey
VE lét vel af siglingunni frá Akureyri til
Eyja þó gefið hafi á bátinn á leiðinni.
„Það verður gaman að hefja veiðar á
þessu nýja skipi. Á leiðinni frá Akureyri
fengum við aðeins brælu úti fyrir Norð-
urlandinu og skipið lét ágætlega. Það eru
öðruvísi hreyfingar á þessu skipi en á
gömlu Bergey,“ sagði hann í frétt á
heimasíðu Síldarvinnslunnar við kom-
una til Eyja.
Unnið er nú hörðum höndum að upp-
setningu á búnaði í hin skipin sjö. Fjögur
þeirra eru í Hafnarfjarðarhöfn, þ.e.
Vörður ÞH og Áskell ÞH sem eru í eigu
Gjögurs hf. og Steinunn SF og Þinganes
SF í eigu Skinneyjar Þinganess hf. á
Höfn í Hornafirði. Sjöunda skipið er
Harðbakur EA sem er við bryggju hjá
Slippnum Akureyri. Öll koma þessi skip
til með að hefja veiðar nú á útmánuðum.
Bergey VE hefur veiðar
■ Eyjarnar tvær, Bergey VE og Vestmannaey VE, við bryggju á Akureyri í haust.
Togararnir eru nú báðir komnir til veiða.
Fréttir