Ægir - 2019, Blaðsíða 21

21
gamall á vertíð á gömlu góðu aflaskipi,
Arnfirðingi. Og gekk mjög vel. „Hann
byrjað á línu og ég var í beitningu en
svo fórum við á netin í febrúar og lögð­
um upp í Grindavík. Þá bjuggum við um
borð alla vertíðina. Eftir hana var farið
á síld fyrir norðan á sumrin og reknet á
haustin. Svona var hringurinn. Ég fór
svo í Stýrimannaskólann áður en ég fór
aftur um borð í Arnfirðing en þá var út­
gerðin búin að byggja fiskverkunarhús
og verbúð í Grindavík, þar sem við
bjuggum. Þá voru engin helgarfrí eða
neitt þess háttar. Við fengum reyndar frí
frameftir páskadegi. Annars var róið
alla daga og menn komu aldrei upp úr
bát alla vertíðina nema rétt til að þrífa
sig.
Eftir rúm tvö ár á Arnfirðingi fór ég
sem stýrimaður með nafna mínum í
Vestmannaeyjum, sem var ættaður frá
Grímsey. Hann hét Daníel Willard. Þar
vorum við hjá frægum manni, Helga Ben
í Eyjum. Hann átti held ég sjö báta þá,
verslanir og fleira. Það gekk ágætlega en
þar var ég tvö sumur á síld og eina vetr­
arvertíð. Ég giftist sjómannsdóttur úr
Grindavík, Valgerði Gísladóttur og flutti
þangað. Við höfum verið gift í 60 ár. Síð­
an fór ég sem stýrimaður á bát frá Jóni
Gíslasyni í Hafnarfirði, en mágur minn,
Björgvin Gunnarsson var þá með hann.
Tvær systur mínar voru þá giftar ung­
um mönnum í Grindavík, Inga gift Björg­
vin og Birna gift Dagbjarti Einarssyni.
Þeir urðu síðan félagar mínir í útgerð og
fiskvinnslu.“
Langaði til að sprikla
eitthvað sjálfum
Þessu næst lá leið Willards, ásamt Björg­
vini, yfir á Hrafn Sveinbjarnarson sem
var nýlegur tæplega 60 tonna bátur.
Björgvin var skipstjóri og Willard stýri­
maður.
„Það gekk ágætlega. Síðan fengu þeir
stærra skip með sama nafni og Björgvin
fór yfir á það en ég tók við sem skip­
stjóri á minni bátnum í um tvö ár. Við
fórum svo að hugsa hvort framtíðin ætti
að vera þannig að við værum alltaf að
vinna hjá öðrum. Okkur langaði til að
sprikla eitthvað sjálfum. Við þóttumst
kunna þetta. Þá stofnuðum við útgerð
sem hét Fiskanes, ég og mágar mínir
tveir; Dagbjartur og Björgvin og vél­
stjóri sem var með okkur á Hrafninum,
Kristján Finnbogason. Við keyptum bát
frá Húsavík sem hét Héðinn og var þá
reyndar gerður út frá Hafnarfirði. Hon­
um gáfum við nafnið Geirfugl. Þannig
byrjaði okkar útgerð árið 1965. Við vor­
um þá á vetrarvertíð og á síld um sum­
arið eins og flestir aðrir. Og gekk mjög
vel. Þetta var þó þungt fjárhagslega í
Ægisviðtalið
■ Willard Fiske Ólason byrjaði sjö ára að róa á árabát við Grimsey.