Ægir - 2019, Blaðsíða 38

38
„Staðreyndin er sú að þegar síldin er farin að ganga við Norðurlandið seinnipart
sumars og fram á haustið þá kemur stóri þorskurinn í hana. Tíðarfarið hér í sum-
ar var auðvitað engu líkt og smærri bátarnir áttu erfitt með sókn en þegar gaf á
sjó þá voru þessir bátar að fá ótrúlega góðan fisk. Það held ég að sé síldinni mest
að þakka og ég vil meina að það þurfi að gefa því miklu meiri gaum hvað er að
gerast í göngunni á síld hér fyrir Norðurlandi og inn á firðina á sumrin. Hún er
orðin stór hluti af fæðu stórþorsksins,” segir Guðlaugur Óli Þorláksson, útgerðar-
maður í Grímsey og skipstjóri á dragnótarbátnum Hafborgu EA 152. Guðlaugur
Óli hefur áratuga reynslu í útgerð fyrir Norðurlandi og veltir mikið fyrir sér
breytingum í lífríkinu. Almennt segir hann að ástand sjávarins fyrir Norðurlandi
hafi verið gott að undanförnu.
Óhemju magn af síld
„Sem dæmi um síldargönguna í sumar þá
voru þeir að veiða 5­600 gramma síld á
stöng á bryggjunni í Grímsey þannig að
mikið hlýtur að hafa verið af henni á
svæðinu. Þetta er svakalega falleg síld
sem við höfum verið að sjá hér á svæð­
inu að sumarlagi síðustu ár. Og hún er
alltaf að aukast. Ég man að pabbi talaði
um á sínum tíma þegar síldarbátarnir
voru að kasta á síldartorfurnar þegar
þær óðu uppi í yfirborðinu og þá gátu
þessar litlu torfur verið nokkrir tugir
tonna. Þessar vöður sjáum við mjög víða
á sumrin núna sem bendir til þess að
ástandið sé farið að nálgast það sem var
á síldarárunum. Þetta er óhemju mikið
magn sem ég hef oft hvatt sérfræðing­
ana hjá Hafró til að taka til sérstakrar
skoðunar. Ég held reyndar að það sé
auðvelt að fljúga yfir svæðin á góðum
sumardegi og meta þetta úr lofti. Þetta
gæfi miklu betri mynd en rannsóknir
þegar komið er fram í september­október
Guðlaugur Óli Þorláksson, skipstjóri á Hafborgu EA
Sumarsíldargöngurnar
fyrir Norðurlandi þarf að
rannsaka mun betur
■ Guðlaugur Óli, skipstjóri, í brúarglugganum. „Ég hef aldrei séð annað eins af hnúfubak og í sumar,“ segir hann.