Morgunblaðið - Sunnudagur - 18.10.2020, Blaðsíða 29

sviplegt fráfall yngri sonar þeirra,
Ágústs, undir lok fyrstu seríunnar
en við gæðum okkur nú á þáttaröð
númer tvö. Ágúst var ljúfmennið í
fjölskyldunni, prestur eins og faðir
hans og mátti ekkert aumt sjá, en
undir niðri kraumuðu geðhvörf sem
brutust fram af fullum þunga eftir
að hann kom heim út stríðinu í Írak.
Þau veikindi hröktu hann að lokum
út í sjálfsvíg.
Bróðirinn kennir sér um
Vitni að þeim harmleik varð eldri
bróðir hans, Kristján, sem kennir
sér að vonum um. Kristján býr að
miklum persónutöfrum, hugmynda-
auðgi og virðist, eftir að hafa villst af
leið um stund, kominn á beinu braut-
ina sem fyrirlesari og rithöfundur á
sviði hugarfarsþjálfunar og al-
mennrar lífsleikni. Hversu vel það
dugar á þó eftir að koma í ljós enda
veit Kristján innst inni að hann mun
aldrei hljóta sömu ást og virðingu
frá hendi föður síns og bróðir hans
heitinn. Ósýnilegur múr er á milli
þeirra feðga og hvorugur veit hvern-
ig hann skal fella.
Sambýliskona Kristjáns er Amíra.
Hún er af erlendu bergi brotin og
ólst upp við íslamska trú og siði.
Hefur nú snúið við þeim baki og deil-
ir hart við barnsföður sinn, Valtý,
sem vill ala dóttur þeirra, Safíu, upp
sem múslima. Af þessu hlýst að von-
um mikil togstreita sem reynir ekki
síst á blessað barnið sem er farið að
sýna af sér undarlega hegðun í skól-
anum.
Ekkja Ágústs, Emilía, er einnig
hluti af fjölskyldunni enda ól hún
soninn Anton skömmu eftir að bóndi
hennar féll frá. Séra Jóhannes hend-
ir tilfinningum sínum til að byrja
með niður í kjallara og harðlæsir en
smám saman er hann knúinn til að
takast á við sorgina. Þar leikur Ant-
on litli stórt hlutverk eftir að Emilía
hleypir honum loks að afa sínum en
hún á ekki gott með að treysta
klerki; þykir hann hafa lagt of þung-
ar byrðar á herðar hinum brothætta
Ágústi. Allt í lífinu sé mælt út frá Jó-
hannesi sjálfum og mikilfengi hans.
Komin með nýjan kærasta
Tæp tvö ár eru liðin frá andláti
Ágústar og í síðasta þætti upplýsti
Emilía tengdafjölskylduna um að
hún væri kominn með nýjan kær-
asta, Daníel að nafni. Og svona til að
einfalda ekki flækjustigið þá var
hann geðlæknir Ágústs. Af öllum
mönnum. Presthjónin bjóða Daníel
velkominn en Jóhannes er með
böggum hildar; óttast að Anton litli
verði öðru sinni tekinn af honum.
Andar því strax köldu milli klerks og
geðlæknisins. Fyrir utan hin per-
sónulegu mál þá hefur Jóhannes
stórkostlegar efasemdir um að
nokkur dauðlegur maður sé þess
umkominn að sjúkdómsgreina sál-
ina. „Sjá þú bara um sálina, ég skal
annast geðið,“ segir Daníel á fyrsta
fundi þeirra félaga, Jóhannesi til
takmarkaðs yndis. Hvort sem það er
tilviljun eða ekki þá er Daníel á að
giska helmingi lægri í loftinu en
klerkurinn og standandi rökræður
þeirra fyrir vikið býsna skondnar.
Þess utan virðist Kristjáni og Am-
íru ekkert sérstaklega skemmt yfir
þessu nýja ástarsambandi, ekki síst
fyrir þær sakir að Emilía kemur eig-
um Ágústs í akkorði frá sér, til
presthjónanna og Kristjáns. Er kon-
an að bera hann út úr lífi sínu fyrir
fullt og fast – í pappakössum?
Hremmingar Sveins
Eins og þetta sé ekki nóg þá er með-
hjálparinn í kirkjunni og hálfgerður
fóstursonur þeirra presthjóna,
Sveinn, gamall fíkill og tekur upp á
þeim ósköpum að falla eftir langt
sótthlé. Honum er þó komið jafn-
harðan á fætur aftur. Maður finnur
til með Sveini. Fíknin rændi hann
einkadótturinni þegar hún var barn
að aldri og þegar allt útlit er fyrir að
sambandi verði komið á að nýju þá
gugnar dóttirin. Með fyrrgreindum
afleiðingum. Þeir sem komust ekki
við þegar dóttirin vék úr gættinni
meðan aumingja Sveinn skrapp inn
að sækja jólagjöfina handa henni eru
hér með greindir með steinhjarta.
Séra Jóhannes gekk þó í það mál af
myndarskap og útlitið er mun betra
núna; bæði hvað varðar samband
þeirra feðgina og upplitið á Sveini al-
mennt.
Þannig standa leikar og senn líður
að lokum Vega drottins. Þrír þættir
eru ósýndir og þar með lýkur sög-
unni en ekki hafa verið framleiddar
fleiri þáttaraðir.
Ljósmyndir/Danmarks Radio
18.10. 2020 MORGUNBLAÐIÐ SUNNUDAGUR 29
SAMSKIPTI Ian Gillan, söngvari
Deep Purple, segir að samband
hans við Ritchie Blackmore gítar-
leikara, sem yfirgaf rokkbandið
goðsagnakennda fyrir 27 árum, sé
þokkalegt í dag. Þetta kemur fram
í viðtali við hann í breska blaðinu
The Guardian. Það sé að vísu svo-
lítil fyrirstaða að Blackmore noti
hvorki tölvu né síma, þannig að erf-
itt mun vera að ná í kappann. „En
við skiptumst á skilaboðum og and-
rúmsloftið er bara býsna gott,“
sagði Gillan í viðtalinu.
Notar hvorki síma né tölvu
Gillan gengur illa að ná í Blackmore.
AFP
BÓKSALA 7.-13. OKTÓBER
Listinn er tekinn saman af Eymundsson
1 Vetrarmein Ragnar Jónasson
2 Sykur Katrín Júlíusdóttir
3 Spegill fyrir skuggabaldur Ólína Kjerúlf Þorvarðardótti
4 Hundalíf með Theobald Þráinn Bertelsson
5 Stúlkan undir trénu Sara Blædel
6 Lygalíf fullorðinna Elena Ferrante
7 Konan sem elskaði fossinn Eyrún Ingadóttir
8 Heilsubók Jóhönnu 2 Jóhanna Vilhjálmsdóttir
9 Iðunn og afi pönk Gerður Kristný
10 Hansdætur Benný Sif Ísleifsdóttir
1 Iðunn og afi pönk Gerður Kristný
2 Svefnfiðrildin Erla Björnsdóttir
3
Dularfulla styttan og
drengurinn sem hvarf
Snæbjörn Arngrímsson
4
Ferðin á heimsenda
– týnda barnið
Sigrún Elíasdóttir
5 Lindís strýkur úr leikskóla Guðný Anna Annasdóttir
6 Hundmann – taumlaus Dav Pilkey
7 Brásól Brella Ásrún Magnúsdóttir
8 Ofurhetjan Hjalti Halldórsson
9 Töfralandið Bergrún Íris Sævarsdóttir
10 Litlir könnuðir – veröld dýranna
Allar bækur
Barnabækur
Nú er ég í þeirri stöðu, eins og
eflaust margir jafnaldar mínir á
gervihnattaöld, að þrátt fyrir að
hafa verið mikill lestrarhestur á
yngri árum hef ég heldur betur
misst það niður í seinni tíð. Ég
veit hins vegar að ég elska að
lesa, og hef því
hægt og rólega
verið að reyna að
bæta úr því þótt
enn sé langt í land.
Nokkuð sem ég
hef fundið fyrir er
að það er þeim
mun auðveldara
að taka upp bók
og lesa hana því styttri sem hún
er. Þess vegna var heppilegt að
meðal þeirra þriggja Laxnessa
sem systir mín gaf
mér í jólagjöf í
fyrra var Barn
náttúrunnar,
frumraun Halldórs
og hans stysta
bók. Ég las hana
stuttu eftir jól og
finnst hún alveg yndisleg. Það er
ekki nema von að það biðu eftir
þessum gutta
Nóbelsverðlaun
fyrst honum tókst
að setja þessa frá-
sögn saman sextán
ára. Falleg saga
um fallegar en afar
ófullkomnar per-
sónur og sterkur
en einfaldur boð-
skapur bóndans; að rækta eigið
land og njóta ávaxtanna. Hinir
tveir Laxnessarnir voru Gerpla
og Sjálfstætt fólk, fyrir áhuga-
sama.
Önnur kilja í styttri kantinum
sem féll mér í kjöltu nýlega er
Mánasteinn eftir Sjón. Hún var
matreidd og snædd á tveimur
kvöldum og þótti boðsgestum
hún býsna góð, en
umfram allt fannst
mér hún áhuga-
verð upp á tímann
sem hún segir frá.
Sagan gerist nefni-
lega á Kötlugos-,
spænskuveiki- og
sjálfstæðisbaráttuárinu 1918 og
Sjón vefur þetta viðburðaríkasta
ár Íslandssögunnar meistaralega
saman við meginfrásögn bókar-
innar.
En hvað ef mig langar svo að
færa mig eitthvað yfir 150 blað-
síðurnar? Jú, það vill svo til að
þau skötuhjú Meistarinn og
Margaríta hafa haft það huggu-
legt uppi í glugga-
kistu hjá mér í
nokkra mánuði.
Einhvern tíma hef-
ur mér tekist að
komast þrjá eða
fjóra kafla inn í
hana og get ekki
beðið eftir að
hætta mér lengra. Einhver tilfinn-
ing undir niðri segir mér að rúss-
neskar bókmenntir
séu málið og þegar
ég hef lokið mér af
við Meistarann er
spurning hvort ég
haldi ekki bara
áfram í þá átt; ég
set þá tékkmerki
við Búlgakov og
vind mér kannski í
Dostojevskí, en mér sýnist að
mamma eigi Glæp og refsingu
uppi í hillu hjá sér.
HALLGRÍMUR ÁRNI ER AÐ LESA
Yndisleg frumraun
Hallgrímur
Árni Hlynsson
er nemandi við
Menntaskólann
í Reykjavík.