Morgunblaðið - 06.11.2020, Blaðsíða 1

F Ö S T U D A G U R 6. N Ó V E M B E R 2 0 2 0
Stofnað 1913  262. tölublað  108. árgangur 
VAR AÐ ÆFA
MIG Í AÐ
SEGJA SATT
MÖRGUM
SPURNINGUM
ÓSVARAÐ
HEFUR GEFIÐ
ÚT 43 BÆKUR
Á FERLINUM
VEIRA Í MINKUM 6 KNUT ØDEGÅRD 32LJÓÐABÓK LOKA 36
Baldur Arnarson
baldura@mbl.is
Hans Prins, hótelstjóri á nýja
Courtyard-hótelinu í Keflavík, segir
útlitið bjart þrátt fyrir krefjandi að-
stæður.
Hótelið var
opnað í byrjun
október en það er
fjögurra stjarna
og þar eru 150
herbergi. Court-
yard er eitt 30
vörumerkja sem
heyra undir
Marriott-
hótelkeðjuna, sem
er risi á alþjóðlegum hótelmarkaði.
Þegar Morgunblaðið kom við á
hótelinu voru hermenn úr bandaríska
flughernum meðal gesta.
„Reksturinn hefur gengið vel við
erfiðar aðstæður í efnahagslífinu.
Verðið fyrir gistinguna er mjög sann-
gjarnt miðað við gæði þjónustunnar,“
segir Prins. Nýja hótelið sé því vel
samkeppnishæft. Staðsetningin
skipti miklu máli en hótelið er stein-
snar frá Keflavíkurflugvelli.
Styrkir ferðaþjónustuna
Þá styrki hið alþjóðlega vörumerki
ferðaþjónustuna á svæðinu.
„Staðsetningin er okkur afar mikil-
væg. Hún á mikinn þátt í velgengni
okkar fyrsta mánuðinn og mun eiga
þátt í velgengni okkar í framtíðinni.
Það er svo sannarlega þörf fyrir
svona hótel á svæðinu,“ segir Prins
og bendir á að hótelið henti m.a. sem
fyrsti og síðasti dvalarstaður á ferða-
lagi um Ísland.
Spurður um framtíðarhorfur í
rekstrinum bendir Prins á fjölgun
ferðamanna fyrir faraldurinn. »12
Nýju Marriott-
hóteli vel tekið
 Hótelstjóri segir bjart fram undan
Hans Prins
Áberandi brim var við Gróttuvita á Seltjarnarnesi þegar ljós-
myndari Morgunblaðsins átti þar leið um í gærkvöldi. Veður-
stofan hafði gefið út gula viðvörun fyrir mestallt landið, en
lægði hratt þegar leið á kvöldið. Mestur vindur var líklega á
Bolungarvík þar sem hann náði 22 metrum á sekúndu um tíu-
leytið. Veturinn er rétt handan við hornið.
Morgunblaðið/Kristinn Magnússon
Há sjávarstaða og rok setti svip sinn á gærkvöldið víða um land
Helgi Bjarnason
helgi@mbl.is
Aukakostnaður hjúkrunarheimila
vegna kórónuveirufaraldursins nam
312 milljónum króna til loka ágúst-
mánaðar, samkvæmt samantekt
Samtaka fyrirtækja í velferðarþjón-
ustu (SFV), og að auki töpuðu þau
140 milljóna króna tekjum vegna
daggjalda sem ekki fást vegna færri
innlagna á heimilin. Ríkisvaldið hef-
ur ekki viljað taka þátt í þessum
kostnaði þótt það styðji við sínar eig-
in heilbrigðisstofnanir. Þetta gagn-
rýna forsvarsmenn stofnananna.
Gísli Páll Pálsson, formaður SFV,
segir að þessir peningar séu til hjá
Sjúkratryggingum, gert hafi verið
ráð fyrir því á fjárlögum að greitt
yrði fyrir þessa daga. Útlit er fyrir
að kostnaður og tekjutap verði meiri
í þriðju bylgju kórónuveirunnar sem
nú gengur yfir vegna þess að smit
hafa komið inn á fjögur hjúkrunar-
heimili í vetur en aðeins eitt í vor.
Daggjöld ríkisins sem Sjúkra-
tryggingar greiða eiga að standa
undir rekstri hjúkrunarheimila en
gera það ekki. Þau eru almennt rek-
in með halla sem sveitarfélög og
sjálfseignarstofnanir hafa ekki efni á
að standa undir. Forstjórar hjúkr-
unarheimila segja að ekki hafi feng-
ist fullar bætur vegna aukins kostn-
aðar, til dæmis launahækkana. Þá er
í fjárlagafrumvarpi næsta árs boðuð
hálfs prósents hagræðingarkrafa,
fjórða árið í röð. Það þýðir að fram-
lög til umönnunar heimilisfólks eru
lækkuð sem þessu nemur.
Afleiðingarnar eru þær að dregið
er úr kostnaði eins og hægt er og
heimilisfólkið fær aðeins grunnþjón-
ustu. Þá er útgjöldum frestað, eins
og til dæmis viðhaldi búnaðar og
fasteigna.
Starfshópur heilbrigðisráðherra
sem falið var að greina raunkostnað
við rekstur heimilanna er skammt á
veg kominn með vinnu sína og skilar
ekki niðurstöðum fyrr en í febrúar
eða mars. » 10-11
Fyrsta bylgjan kostaði
heimilin 450 milljónir
 Daggjöld standa ekki undir kostnaði hjúkrunarheimila
Ljósmynd/Landspítali-Þorkell
Landakot Mikið ferli hefst þegar
smit kemur upp meðal aldraðra.