Morgunblaðið - 06.11.2020, Blaðsíða 32

32 DÆGRADVÖL
MORGUNBLAÐIÐ FÖSTUDAGUR 6. NÓVEMBER 2020
Stjörnuspá
21. mars - 19. apríl 
Hrútur Hraðinn eykst í lífi þínu á næst-
unni. Haltu fast við þitt en láttu aðra um
að leysa sínar deilur upp á eigin spýtur.
20. apríl - 20. maí 
NautMisstu ekki sjónar á hlutunum því
áður en þú veist eru þeir horfnir og sumir
fyrir fullt og allt. En okkur er ekki alltaf
ætlað að hafa afskipti af hlutunum.
21. maí - 20. júní 
Tvíburar Biddu um þau úrræði sem þú
þarfnast. Samstarfsmenn þínir hafa marg-
ir hverjir lagt þér drjúgt lið og það skal
launa þegar upp er staðið.
21. júní - 22. júlí 
Krabbi Það er eitt og annað sem kemur
þér á óvart þegar þú ferð að athuga mál
sem þér hefur verið falið að leysa. Einhver
sem þekkir ekki vel til mála mun viðra
ákveðnar skoðanir.
23. júlí - 22. ágúst 
Ljón Óvenjulegt fólk hefur verið að koma
inn í líf þitt að undanförnu. Mikil virðing er
borin fyrir þér hvar sem þú kemur.
23. ágúst - 22. sept. 
Meyja Sumir fá bestu hugmyndirnar í
sturtunni. Gleymdu ekki að gefa þér tíma
til að njóta þess sem þú ert að gera.
23. sept. - 22. okt. 
Vog Það er alltaf nauðsynlegt að sjá heild-
armyndina og varast að gera of mikið úr
einhverjum einstökum atriðum hennar.
23. okt. - 21. nóv.
Sporðdreki Sumir trúa því að lífið sé allt
ritað niður af hinum eilífa anda. Getur
maður lagt mikið á sig án þess að þjást af
streitu? Algerlega.
22. nóv. - 21. des.

Bogmaður Það er engin ástæða til þess
að láta stundarerfiðleika draga úr sér allan
mátt. Ekki hika við að koma með at-
hugasemdir.
22. des. - 19. janúar 
Steingeit Tilfinningarnar standa hátt hjá
þér og þú mátt hafa þig allan við að þær
beri þig ekki ofurliði. Dagur úti í náttúrunni
gæti verið nóg til að byggja þig upp.
20. jan. - 18. febr. 
Vatnsberi Enginn þarf að segja þér að all-
ir eiga skilið að aðrir komi fram við þá eins
og jafningja. Haltu þig bara við jákvæða
hugsun og þá fer allt vel.
19. feb. - 20. mars

Fiskar Eitt bros getur dimmu í dagsljós
breytt og þú munt sjá að það smitar líka út
frá sér. Hvíldu þig í fimm mínútur hvern
klukkutíma, alveg sama hversu mikið þú
vilt halda áfram að vinna.
30 ára Bjarni ólst upp
í Kópavogi þar sem
hann býr enn. Hann er
bílasali hjá Bílalandi í
Árbænum og hefur
unnið með bíla í fimm
ár. Helstu áhugamál
Bjarna eru bílar, cross-
fit og hestar. „Ég hef mjög gaman af bíl-
um og núna er Range Rover Sport í
uppáhaldi. Við erum með hesta í Heims-
enda en vorum áður í Víðidalnum.“
Maki: Selma Rut Gestsdóttir, f. 1991,
starfar í tækniþjónustu Íslandsbanka.
Barn: Fjóla Sif, f. 2009.
Foreldrar: Þráinn Farestveit, f. 1964,
framkvæmdastjóri Verndar, og Ólöf Ásta
Farestveit, f. 1969, forstöðumaður
Barnahúss. Þau búa í Kópavogi.
Bjarni Farestveit
30 ára Sveinn Smári
ólst upp í Laugar-
dalnum og býr núna í
Árbænum. Hann vinn-
ur í álveri Norðuráls á
Grundartanga. Helstu
áhugamál Sveins eru
íþróttir og er fótbolt-
inn þar efstur. Sveinn spilar í 4. deild á
Íslandi á sumrin og stundar snjóbretti á
veturna.
Maki: Snædís Gerður Hlynsdóttir, f.
1991, félagsráðgjafi.
Barn: Hlynur Smári, f. 2017.
Foreldrar: Leifur Harðarson, f. 1957,
kennari og leigubílstjóri og goðsögn í ís-
lensku blaki, og Ólöf Sveinhildur Helga-
dóttir, f. 1957, húsmóðir. Þau búa í Kópa-
vogi.
Sveinn Smári Leifsson
Börn og brúðhjón
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Allir þeir sem senda blaðinu mynd af nýjum
borgara eða mynd af brúðhjónum fá fría
áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is
K
nut Ødegård fæddist 6.
nóvember 1945 í Molde
í Noregi þar sem hann
ólst upp. Að loknu
stúdentsprófi og prófi í
viðskiptagreinum lagði hann stund á
guðfræði við Óslóarháskóla. Síðar
stundaði hann nám í bókmenntum við
Háskólann í Cambridge á Englandi.
Honum var veitt heiðursdoktorsnafn-
bót, Litt. D., við Háskólann í Aca-
pulco, Mexíkó 1999 og var útnefndur
heiðursprófessor við Ríkisháskólann í
Ulaanbaatar í Mongólíu 2017.
Ljóðskáldið
Fyrsta ljóðabók Knuts kom út árið
1967 og síðan hafa komið út 43 bækur
með skáldskap hans, ljóðabækur,
skáldsögur, leikrit, barnabækur og
fræðibækur. Knut er þekktastur sem
ljóðskáld og ljóðabækur hans hafa
komið út á 42 tungumálum, fleiri mál-
um en nokkurt annað norskt ljóð-
skáld okkar tíma. Síðasta ljóðabók
hans, Sirkusdirektøren, kom út núna
í haust og hefur fengið mjög góða
dóma og sumir sagt hana sterkustu
ljóðabók Knuts. „Það er gaman, fyrir
eldra skáld, að heyra að maður hafi
ennþá kraftinn. Í bókinni er ég að
yrkja út frá minni stöðu í dag – frá
mínu sjónarhorni sem 75 ára manns,
sem kannast við sjúkdóma, við ellina,
sem hefur séð vini fá alzheimer og
kannast við dauðann og að missa vini
mína. En á sama tíma er ég líka að
yrkja um ástina. Ást á milli eldra
fólks er ekki minni en hjá ungling-
unum. Við Þorgerður erum með
plómutré í Molde og plómurnar eru
sætastar á haustin. Þannig er það líka
hjá okkur mönnunum.“
Þýðandinn
Sem þýðandi hefur Knut sérstak-
lega einbeitt sér að þýðingum á ís-
lenskum bókmenntum, bæði í bundnu
og óbundnu máli, allt frá miðöldum til
okkar daga. Meðal margra þýðinga
hans á eldri íslenskum ritverkum má
nefna Lilju Eysteins Ásgrímssonar
og Geisla eftir Einar Skúlason. Á ár-
unum 2013-2016 komu eddukvæðin
út í þýðingu Knuts með ítarlegum
skýringum í fjögurra binda útgáfu.
Meðal skálda okkar tíma sem hann
hefur þýtt má nefna Thor Vilhjálms-
son, Matthías Johannessen, Stefán
Hörð Grímsson, Einar Braga, Ólaf
Jóhann Sigurðsson, Jóhann Hjálm-
arsson, Einar Má Guðmundsson,
Gyrði Elíasson og Gerði Kristnýju.
Forstjóri Norræna hússins
Meðfram ritstörfunum hefur Knut
stundað önnur störf. Hann var m.a.
útgáfustjóri fyrir Norges Boklag og
menningarstjóri í Þrændalögum og
árið 1984 var hann ráðinn forstjóri
Norræna hússins í Reykjavík. Í sinni
stjórnartíð átti hann frumkvæðið að
Bókmenntahátíðinni í Reykjavík og
stjórnaði henni fyrstu árin í náinni
samvinnu við Thor Vilhjálmsson og
Einar Braga.
Allt frá 1968 hefur Knut starfað
sem bókmenntagagnrýnandi, fyrir
Aftenposten og Vårt Land í Ósló.
Knut, ásamt Herði Áskelssyni og
Sigurbirni Einarssyni biskupi, átti
frumkvæðið að stofnun Listvina-
félags Hallgrímskirkju og sat í stjórn
þess í upphafi.
Árið 1992 stofnaði Knut fyrstu al-
þjóðlegu bókmenntahátíðina í Nor-
egi, Bjørnsonfestivalen, og var forseti
hennar í 10 ár og íslenskum skáldum
og rithöfundum var boðið þangað öll
þau ár. Einnig átti Knut frumkvæðið
að stofnun norsku bókmennta-
akademíunnar Bjørnstjerne Bjørn-
son-Akademiet árið 2003 og stýrði
henni í tólf ár. Þá stofnaði hann
fyrstu ljóðlistarhátíð Noregs, Rolf
Jacobsen-dagene, og var listrænn
stjórnandi hennar fyrstu árin. Knut
var ræðismaður fyrir Slóvakíu í Nor-
egi í nokkur ár en er nú aðal-
ræðismaður lýðveldisins Norður-
Makedóníu.
Íslendingurinn
Knut hefur verið búsettur á Íslandi
í nærri 40 ár en hann og Þorgerður
eiga gamla ættarhús fjölskyldu hans í
Molde. Þar dvelur hann oft og vinnur
mikið að verkefnum fyrir Noreg.
Knut hefur hlotið margvíslega
viðurkenningu fyrir skáldskap sinn
og störf að menningarmálum, meðal
þeirra eru: stórriddarakross með
stjörnu Hinnar íslensku fálkaorðu,
stórriddarakross Hinnar páfalegu
reglu riddara hinnar heilögu grafar í
Jerúsalem og riddarakross Hinnar
konunglegu norsku heiðursorðu. Árið
1989 veitti norska þingið honum
starfslaun fyrir skáldskap og framlag
sitt til menningartengsla milli Íslands
og Noregs. Þá má nefna fjölmörg
verðlaun sem Knut hefur hlotið, m.a.
stærstu menningarverðlaun Noregs,
Anders Jahres Kulturpris, Dobloug-
verðlaunin frá sænsku akademíunni,
Bastian-verðlaunin – sem eru mesta
viðurkenning í Noregi fyrir þýðingu á
erlendum bókmenntum – fyrir þýð-
inguna á skáldsögu Thors Vilhjálms-
sonar Fljótt, fljótt sagði fuglinn.
Hann hefur hlotið æðstu alþjóðlegu
ljóðlistarverðlaun í Slóvakíu, Serbíu,
Rúmeníu, Mongólíu, Kósovó og Taív-
an.
Knut Ødegård skáld – 75 ára
Plómurnar sætastar á haustin
Skáldið Knut hefur gefið út 43 bækur og ljóð hans verið þýdd á 42 tungumál.
Til hamingju með daginn