Morgunblaðið - 17.12.2020, Side 28

28 FRÉTTIRInnlent
MORGUNBLAÐIÐ FIMMTUDAGUR 17. DESEMBER 2020
FRÉTTASKÝRING
Sigtryggur Sigtryggsson
sisi@mbl.is
Á síðasta fundi borgarráðs var sam-
þykkt tillaga að breytingu á deili-
skipulagi fyrir Frakkastíg-
Skúlagötu vegna fyrirhugaðrar ný-
byggingar á Frakkastíg 1.
Deilur hafa staðið um þessa fyrir-
huguðu sjö hæða byggingu undan-
farin ár og nágrannar í Skúlagötu 20
og Íbúasamtök miðborgarinnar hafa
haft uppi mótmæli og vilja að hætt
verði við áformin.
Íbúar Skúlagötu 20 hafa krafist
þess að áform um bygginguna verði
felld úr gildi. Byggingin muni
skerða útsýni frá íbúðum í húsinu og
varpa skugga á svalir og útisvæði.
Áskilja þeir sér allan rétt til að
krefjast skaðabóta úr borgarsjóði á
grundvelli skipulagslaga frá 2010.
Efstu hæðirnar inndregnar
En meirihlutaflokkarnir í Reykja-
vík, Samfylking, Viðreisn, Píratar
og Vinstri grænir, hafa haldið sínu
striki. Fulltrúar þeirra í borgarráði
bókuðu á fundinum í síðustu viku að
„með þeim breytingum sem hér
hafa verið gerðar á deiliskipulagi er
komið til móts við umsagnir um mál-
ið að því marki sem mögulegt er“.
Eiga þeir hér væntanlega við að
ákveðið var að breyta tveimur efstu
hæðum hússins og hafa þær inn-
dregnar.
Umrædd lóð, Frakkastígur 1,
stendur á mótum Skúlagötu og
Frakkastígs. Þar stóð áður fyrr
bygging, Færeyingaheimilið, sem
flutt var af lóðinni árið 1994. Aðeins
austar stóðu áður fyrr byggingar
Sláturfélags Suðurlands, sem marg-
ir eldri Reykvíkingar muna eftir.
Þær voru rifnar fyrir allmörgum ár-
um. Á næstu lóð fyrir ofan stendur
friðað hús frá árinu 1902, upp-
haflega franskur spítali en síðar var
þar starfsemi Tónmenntaskólans.
Dregur gatan Frakkastígur nafn
sitt af franska spítalanum.
Björgvin Þórðarson, lögmaður
hjá Atlas lögmönnum, hefur gætt
hagsmuna húsfélagsins Skúlagötu
20. Hann sendi inn umsögn um fyr-
irhugaða deiliskipulagsbreytingu
30. júní sl. Þar rifjar hann upp að í
desember 2017 hafi hann f.h. hús-
félagsins skilað inn ítarlegum at-
hugasemdum við deiliskipulags-
tillögu fyrir sama svæði. „Skemmst
er frá því að segja að borgarráð
hafði athugasemdir umbjóðanda
míns að engu og samþykkti deili-
skipulagstillöguna svo til óbreytta 7.
júní 2018.“ Í framhaldinu sendi
Þórður fyrir hönd húsfélagsins
kæru til úrskurðarnefndar umhverf-
is- og auðlindamála sem þann 19.
júlí 2019 felldi úr gildi þá ákvörðun
borgarráðs að samþykkja breytingu
á deiliskipulagi hvað varðaði lóðina
Frakkastíg 1.
„Sú deiliskipulagsbreyting sem
nú er boðuð af hálfu Reykjavíkur-
borgar er nær óbreytt frá því sem
borgarráð samþykkti þann 7. júní
2018 og úrskurðarnefnd umhverfis-
og auðlindamála felldi úr gildi að
hluta. Umbjóðandi minn (húsfélagið
Skúlagata 20) lýsir yfir miklum von-
brigðum með þessa málsmeðferð og
telur að félagsmönnum sínum sé
sýnd óvirðing með framgögu borg-
arinnar,“ segir Björgvin.
Benóný Ægisson, formaður Íbúa-
samtaka Miðborgar Reykjavíkur,
sendi inn umsögn samtakanna hinn
30. júní sl. Þar segir m.a.:
„Stjórn ÍMR leggst gegn því að
reist verði sjö hæða bygging á horni
Frakkastígs og Skúlagötu þar sem
nú, samkvæmt gildandi deiliskipu-
lagi frá 1986, er gert ráð fyrir opnu
svæði og hugsanlegri dagvistun.
Stjórnin telur að halda eigi opna
svæðinu við norðurenda Frakka-
stígs sem eins konar „öndunaropi“
en þar er eini staðurinn í röð hárra
bygginga við Skúlagötu þar sem enn
eru tengsl milli eldri byggðar og
sjávar.“
Þrengt að merkilegri byggingu
Þá segir stjórnin það enn alvar-
legra að hin nýja bygging nánast
troði á hinni gömlu byggð í Skugga-
hverfi og á norðanverðu Skólavörðu-
holti og bak við hana muni m.a.s.
hverfa úr sjónlínu sjö friðuð hús við
Lindargötu sem flest hafi verið gerð
fallega upp. Þá verði mjög þrengt að
Tónmenntaskólanum, sem sé merki-
legasta byggingin á svæðinu.
Skipulagsfulltrúinn í Reykjavík
tók innsendar athugasemdir til
skoðunar og mats. Bendir hann m.a.
á í umsögn að ávallt megi vænta
þess að þegar breytingar séu gerðar
á skipulagi eða mannvirkjum geti
það haft í för með sér skerðingu eða
breytingar, s.s. að breyting verði á
ákveðinni ásýnd á mannvirki frá
ákveðnu sjónarhorni. Óbreyttur
réttur til útsýnis sé ekki bundinn í
lög. Þá sé ljóst að skuggavarp verði í
algjöru lágmarki „m.a. vegna þegar
byggðra hárra bygginga í nágrenn-
inu“. Ennfremur verði uppbyggingu
þannig háttað að staðinn verði vörð-
ur um sjónás niður Frakkastíginn.
Byggingarreiturinn Frakkastígur
1 sé hafður mjór og heimilaðar hæð-
ir eingöngu sjö, þannig að hún hefði
sem minnst neikvæð umhverfisáhrif
á aðliggjandi byggð.
Lóðin Frakkastígur 1 var ein
þriggja lóða sem Reykjavíkurborg
lagði fram í fyrsta áfanga verkefn-
isins Re-Inventing Cities um um-
hverfisvænar byggingar. Hinar
tvær lóðirnar voru á Ártúnshöfða og
í Lágmúla 2 en um áformin þar var
einmitt fjallað í frétt hér í blaðinu sl.
þriðjudag.
Umdeild bygging mun rísa
 Borgarráð samþykkti deiliskipulag fyrir lóðina Frakkastíg 1  Fyrra deiliskipulag var fellt úr
gildi eftir kæru nágranna  Íbúar í Skúlagötu 20 áskilja sér rétt til að krefjast bóta úr borgarsjóði
Fyrir og eftir Þessar myndir fylgdu umsögn Íbúasamtaka miðborgarinnar. Nýja húsið hefur verið sett inn til að sýna afstöðuna að Frakkastíg séð frá sjó.
Morgunblaðið/Árni Sæberg
Lindargata 51 Þetta er talið eitt af fegurstu húsum Reykjavíkur. Upp-
haflega reist sem Franski spítalinn en síðar aðsetur Tónmenntaskólans.
Tryggingastofn-
un hefur innt af
hendi ein-
greiðslu til ör-
orku- og endur-
hæfingarlífeyris-
þega í samræmi
við lög sem sam-
þykkt voru á Al-
þingi 9. desem-
ber sl. Alls hafa um 24.000
einstaklingar fengið greiðslur.
Þetta kemur fram á heimasíðu
stofnunarinnar.
Full eingreiðsla er 50.000 krón-
ur og fær örorku- og endurhæf-
ingarlífeyrisþeginn upphæð sem er
í samræmi við fjölda mánaða sem
viðkomandi hefur fengið greiddan
lífeyri á árinu. Hafi hann/hún t.d.
fengið greiddan lífeyri í sex mán-
uði á viðkomandi rétt á að fá
greiddar 25.000 krónur. Greiðslan
er ótekjutengd og skattfrjáls.
Undirbúningur þessarar
greiðslu hefur staðið yfir í nokk-
urn tíma hjá TR og tókst að ljúka
lokakeyrslu í gegnum tölvu- og
greiðslukerfi stofnunarinnar um
síðustu helgi þannig að unnt var
að greiða út 14. desember. Þegar
áform um þessa greiðslu voru
kynnt var miðað við að inna ein-
greiðsluna af hendi eigi síðar en
18. desember og hafi það tekist
með samstilltu átaki. sisi@mbl.is
TR hefur sent út
eingreiðslu til um
24 þúsund manns
Krossgátubók ársins 2021 er komin
í verslanir en bókin kemur út ár
hvert fyrir jólin. Hún hefur komið
út árlega síðustu 39 ár.
Krossgátubókin er 68 síður og
eru gáturnar bæði fyrir nýliða í
fræðunum og þá sem lengra eru
komnir. Lausnir annarrar hverrar
gátu eru aftast í bókinni.
Forsíðumyndin er að venju eftir
Brian Pilkington teiknara. Hún er
af Ómari Ragnarssyn, sem varð átt-
ræður á árinu. Krossgátubók ársins
2021 fæst í helstu blaðsölustöðum
landsins. Útgefandi er sem fyrr
Ó.P.-útgáfan ehf., Auðbrekku 16,
Kópavogi, en aðaleigandi hennar er
Ólafur Pálsson. Ísafoldarprent-
smiðja ehf. prentaði.
Krossgátubók árs-
ins 2021 er komin út
STUTT
Kuldaskór
Verð 22.995
Stærðir 36-47
Vatnsheldir
Innbyggðir broddar í sóla
SMÁRALIND
www.skornir.is