Lögmannablaðið - 2019, Side 16

16 LÖGMANNABLAÐIÐ TBL 04/19
Í fyrri hluta könnunarinnar var spurt um líðan lögmanna
á vinnustað sínum, um starfsanda og starfsánægju.
Spurningar voru að mestu leyti almennt orðaðar og þá
ályktun má draga af svörun í þeim hluta könnunarinnar
að lögmenn séu almennt ánægðir í sínu starfi og líði vel
á vinnustað sínum. Starfsánægja mældist góð, það ríki
heilbrigð samkeppni á vinnustöðum og gott kynjajafnræði.
Í kjölfarið var spurt hvort að svarendur vissu til þess hvort
vinnustaður þeirra hefði sérstaka stefnu til að koma í veg
fyrir einelti eða áreitni á vinnustaðnum og einnig hvort að
til staðar væri „tengiliður“ sem hægt væri að tilkynna um
slíkt hátterni til eða sækja stuðning til ef á þyrfti að halda.
Um 30% svarenda sögðu að vinnustaður þeirra hefði slíka
stefnu en um 60% sögðust eindregið vilja að vinnustaður
þeirra hefði stefnu. Þá sögðust um 50% vera fylgjandi því
að vinnustaður þeirra hefði sérstakan „tengilið“ sem hægt
væri að leita til ef viðkomandi yrði fyrir eða yrði vitni að
einelti eða áreitni.
Í síðari hluta könnunarinnar var spurt sérstaklega um ýmis
konar hátterni og spurt hvort sá sem svaraði hefði orðið
fyrir eða orðið vitni að hátterni af því tagi. Svörunin gaf
talsvert aðra mynd af líðan lögmanna eða upplifun þeirra á
vinnustað sínum en fyrri hluti könnunarinnar gaf til kynna.
Spurt var í fyrsta lagi um hegðun með kynferðislegum
undirtón, þ.e. hvort lögmaður hefði í sínu starfi upplifað
t.d. að heyra óviðeigandi brandara með kynferðislegum
undirtón eða ummæli um útlit, vaxtarlag, klæðaburð
eða einkalíf sitt. Það voru 26% svarenda sem svöruðu
því játandi. Þá töldu tæp 15% svarenda sig hafa upplifað
óþarflega mikla nálægð, faðmlög, kossa eða aðra snertingu
sem hann eða hún vildu ekki. Um 6% höfðu fengið sendar
eða verið sýndar myndir eða efni af kynferðislegum toga
sem viðkomandi fannst móðgandi eða niðurlægjandi. Um
30% svarenda töldu sig hafa orðið fyrir eða orðið vitni að
annars konar hegðun en þegar hafði verið sérstaklega lýst
sem þeim fannst móðgandi, niðurlægjandi eða ógnandi.
Hópurinn stóð fyrir fyrirlögn skoðanakönnunar fyrir
félagsmenn LMFÍ í febrúar 2019. Með könnuninni var aflað
upplýsinga um líðan og samskipti lögmanna á vinnustöðum
sínum og einnig hvort lögmenn hefðu orðið fyrir eða
orðið vitni að áreitni, sem var flokkað annars vegar sem
kynbundin eða kynferðisleg áreitni og hins vegar sem
einelti. Jafnframt var spurt um viðbrögð lögmanna við
því ef þeir/þær hefðu orðið fyrir eða orðið vitni að slíkri
háttsemi.
Markmiðið með fyrirlögn könnunarinnar var að skoða hvort
að tilefni væri til þess að gera breytingar á lögmannalögum
og eftir atvikum siðareglum lögmanna og hvort ástæða
væri fyrir Lögmannafélagið að skoða hvort félagið ætti að
útvega úrræði fyrir félagsmenn sína ef áreitni eða einelti
væri útbreitt vandamál á vinnustöðum lögmanna.
Svarhlutfall í könnuninni var 17% sem almennt er talið
í lægri kantinum en svör voru metin marktæk enda var
dreifing þeirra sem svöruðu góð, þ.e. svarhlutfall kynja var
nokkuð jafnt og góð aldursdreifing. Þeir sem svöruðu voru
því ágætur þverskurður af öllum félagsmönnum.
LÖGMENN
OG #METOO
Í nóvember 2018 var af hálfu
Lögmannafélags Íslands skipaður
vinnuhópur til að skoða og greina
málefni #MeToo út frá snertiflötum
við lögmannastéttina. Í vinnu-
hópnum sitja Elín Smáradóttir, Friðrik
Ársælsson, Ingvi Snær Einarsson,
Kolbrún Garðarsdóttir og Þyrí
Steingrímsdóttir.