Lögmannablaðið - 2019, Side 26

26 LÖGMANNABLAÐIÐ TBL 04/19
VERIÐ VELKOMIN
Á BÓKASAFNIÐ
Lögmannafélag Íslands hefur rekið bókasafn með
formlegum hætti frá árinu 1991 þótt fyrstu vísar að safni séu
mun eldri eða frá 1960. Bókasafnið þjónustar félagsmenn
með aðgengi að bókum og tímaritum um lögfræði auk þess
að bjóða uppá rafræna áskrift að Karnov og blaðaáskrift
að UfR. Safnið er tengt bókasafnskerfinu Gegni sem hýsir
samskrá íslenskra bókasafna en bækur eru einungis til
notkunar á staðnum.
Á safninu er ágæt aðstaða fyrir lögmenn til að vinna að
undirbúningi fyrir réttarhöld og fá frið frá síma og daglegu
amstri. Vinnuaðstaða með skrifborði er fyrir fjóra auk þess
sem hægt er að nýta annað rými á safninu.
Bókasafnið er opið á skrifstofutíma virka daga (frá kl. 9-17
á veturna og kl. 8-16 á sumrin). Hægt er að fá lánaðan lykil
af safninu í tvo daga eða yfir helgi fyrir þá sem ekki komast
á opnunartíma.