Lögmannablaðið - 2019, Page 36

36 LÖGMANNABLAÐIÐ TBL 04/19
refsingu í skattamálum. Í slíkum málum gæti jafnvel verið
þörf á aðkomu löggjafans til að tryggja að réttur manna
samkvæmt viðaukum við Mannréttindasáttmálann næði
fram að ganga. Það hefði t.d. verið gert með stofnun
Landsréttar en með því væri viðbúið að íslensk mál um skort
á milliliðalausri málsmeðferð í sakamálum á áfrýjunarstigi
yrðu brátt úr sögunni í Strassborg, þótt önnur mál hafi illu
heilli komið í staðinn. Góðu fréttirnar væru hins vegar þær
að með breyttum starfsaðstæðum Hæstaréttar gæfist aukið
tóm til að fjalla á ítarlegri og vandaðri hátt um álitaefni
á sviði mannréttinda og fyrstu merki bentu ótvírætt til að
sú yrði raunin, sbr. dóm Hæstaréttar í svokölluðu Stundar-
máli.
Eftir framsöguerindin sköpuðust líflegar umræður meðal
þátttakenda og fundargesta.
Anna Lilja Hallgrímsdóttir
Parkandfly.is
Bílageymsla inni & úti
Alþrif & Bón
Vertu með okkur Sími: 680-0000