Iðjuþjálfinn - 01.01.2019, Síða 51

51
annarri starfsemi. Uppbyggingar- og þró-
unarverkefnið Gæfusporin var 12 vikna úr-
ræði fyrir konur sem höfðu orðið fyrir áföll-
um af völdum kynferðilegs ofbeldis í æsku,
en verkefnið var styrkt af Virk og sá Magn-
fríður um að taka viðtöl við þátttakendur,
m.a. með matstækjunum OPHI-II og WRI og
vinna úr niðurstöðum í skýrslu fyrir Virk en
samantekt má finna í ársriti Virk 2012.
Meðfram starfi sínu hjá SN hóf Magnfríður
meistaranám í stjórnun heilbrigðisþjónustu
og er nú að vinna að ritgerðarskrifum. Vorið
2014 lauk Magnfríður námi sem leiðsögu-
maður með full réttindi og einnig meira-
prófi á rútur og leigubíla. Hefur hún starfað
sem leiðsögumaður frá þeim tíma, aðallega
yfir sumarmánuðina, ásamt því að reka eig-
ið fyrirtæki í ferðaþjónustu. Haustið 2018
starfaði Magnfríður sem umsjónarkennari í
iðjuþjálfunarfræðum við Háskólann á Akur-
eyri og sem stundakennari vorið 2019.
Marzenna Katarzyna Cybulska
Marzenna hefur starfað í ýmsum störfum
hjá sveitarfélagi Norðurþings. Strax eftir út-
skrift hóf Marzenna sumarstarf sem for-
stöðumaður Frístundavers. Haustið 2007
var hún ráðin í Borgarhólsskóla sem ráð-
gjafaiðjuþjálfi í sérkennslu á unglingastigi
og þar var hún til ársins 2017 í 50-90%
starfshlutfalli. Árin 2009-2010 starfaði hún
einnig sem forstöðumaður geðræktarmið-
stöðvarinnar Setursins. Árið 2017 hóf hún
starf hjá Félagsþjónustu Norðurþings sem
verkefnastjóri búsetu í málefnum fatlaðs
fólks og er er það hennar núverandi starf.
Oddný Hróbjartsdóttir
Eftir útskrift starfaði Oddný í eitt ár á tauga-
og hæfingarsviði á Reykjalundi. Þá skipti
hún um starfsvettvang og starfaði hjá Janus
endurhæfingu í sjö ár og í haust mun hún
hefja störf á Hrafnistu í Reykjavík.
Sólrún Ásta Haraldsdóttir
Sólrún seinkaði útskrift sinni um eitt ár, en
hún hefur alltaf tilheyrt okkar hópi og mun
gera það áfram. Eftir útskrift flutti Sólrún
Ásta til Færeyja og fékk tímabundið starf
þar sem stuðningsaðili inni á leikskóla
meðan hún kynntist tengdafjölskyldu,
landi, menningu og lærði tungumálið. Eftir
fæðingarorlof, árið 2010, flutti Sólrún aftur
heim til Íslands þar sem iðjuþjálfastörf í
Færeyjum voru af skornum skammti á þeim
tíma. Hóf hún þá störf á geðsviði LSH, fyrst á
Hringbraut í um tvö ár og síðar á Kleppi, þar
til hún flutti aftur, árið 2014, til Færeyja
ásamt fjölskyldu sinni. Þar fékk hún starf
inni á sérdeild í leikskóla, þar sem annar
iðjuþjálfi starfaði einnig. Árið 2017 færði
hún sig um set og sótti um starf sem var
auglýst sem glæný 50% staða á öldrunar-
og hjúkrunarheimilum, þar sem markmið
starfsins var að bæta lífsgæði heimilisfólks-
ins. Sérstök áhersla var lögð á að sníða ætti
starfið algjörlega eftir þeirra eigin óskum,
svo það hljómaði mjög spennandi fyrir iðju-
þjálfa. Starfið hefur Sólrún, ásamt sam-
starfsmanni sem er sjúkraliði, byggt frá
grunni og starfar þar enn í 50% starfi. Sól-
rún hefur ásamt þessu starfi verið sjálf-
stæður iðjuþjálfi með heilsuklúbb, þar sem
áhersla er á breyttar venjur varðandi nær-
ingu, hreyfingu og hugarfar. Þess má geta
að í Færeyjum má finna iðjuþjálfastörf á
flestum sviðum og eru iðjuþjálfar tiltölu-
lega margir miðað við höfðatölu, en þó er
enn óplægður akur fyrir iðjuþjálfa í fær-
eyska grunnskólakerfinu.
Sólveig Gísladóttir
Fyrsta árið eftir útskrift starfaði Sólveig í
Lautinni sem er athvarf á Akureyri. Síðan í
mars 2008 hefur hún starfað hjá Janus
endurhæfingu við að efla fólk til starfa eða
náms.
Steinunn B. Bjarnarson
Eftir útskrift starfaði Steinunn á endurhæf-
ingardeild á Kristnesi í Eyjafjarðarsveit þar
til hún eignaðist sitt annað barn sumarið
2008. Eftir fæðingarorlof starfaði hún í tæp
tvö ár á Sjúkrahúsinu á Akureyri. Þar sinnti
hún iðjuþjálfun á ýmsum deildum, m.a. lyf-
lækningadeild, bæklunardeild og barna-
deild. Að því loknu starfaði Steinunn á
bráðadeild geðdeildar í tæpt ár. Sumarið
2013 flutti fjölskyldan sig um set suður yfir
heiðar og hóf Steinunn þá störf á Reykja-
lundi þar sem hún hefur starfað síðan,
lengst af sem iðjuþjálfi á verkjasviði en er
nú sviðsstjóri á geðheilsusviði.
Tinna Hrönn Smáradóttir
Eftir útskrift var Tinna ráðin sem iðjuþjálfi í
Grunnskólann á Reyðarfirði, sérstaklega til
að sinna börnum með sérþarfir og var þar í
fullu starfi í tvö ár. Eftir það breyttist starfs-
vettvangur hennar og þróaðist, einn vetur
vann hún í þróunarverkefni sem gekk út á
að veita börnum með ADHD í grunn- og
leikskólum Fjarðabyggðar aukna þjónustu
og veita ráðgjöf til þeirra sem koma að mál-
um þessara barna, en þá voru byggða-
kjarnarnir fimm talsins og yfirferðin því
mikil. Þá hefur Tinna starfað í afleysingum
hjá Fjölskyldusviði Fjarðabyggðar, m.a.
sem verkefnastjóri í málefnum fatlaðs fólks
og tekið að sér nokkur verkefni hjá
Starfsendurhæfingu Austurlands. Í tvö ár
starfaði hún sem ráðgjafi hjá Krabbameins-
félagi Austfjarða í 50% starfi. Þegar því lauk
fór hún í þriðja fæðingarorlofið eftir útskrift,
ákvað svo að finna sér starf nálægt heimili
og börnum á Fáskrúðsfirði og réði sig í
stuttan tíma sem stuðningsfulltrúa í grunn-
skólanum þar sem vantaði inn starfsmann
frá byrjun mars og fram að sumarfríi. Að því
loknu bauðst henni annað starf í Grunn-
skólanum á Fáskrúðsfirði og nú siglir í
þriðja veturinn og þá sem umsjónarkennari
í 10. bekk ásamt kennslu í ýmsum náms-
greinum.