Iðjuþjálfinn - 01.01.2019, Page 67

67
Guðrún Árnadóttir II Grein 2019 Málþing LSH Box 1
Notkunarmöguleikar A-ONE og tengsl þeirra við OTIPM
Guðrún Árnadóttir Inngangur: A-ONE nýtist við að meta færni við framkvæmd ADL og taugaeinkenni sem draga úr
færni. Matið byggir á framkvæmda- og verkgreiningu. Því hentar OTIPM þjónustuferlið vel til að
leiða þjónustu sem nýtir A-ONE.
Markmið: Að kanna þrjár mismunandi notkunarleiðir A-ONE og tengja þær OTIPM.
Aðferð: Heimildaleit aflaði upplýsinga um þrjár mögulegar leiðir A-ONE (staðlað matstæki,
óstöðluð tilgátuprófun og mælitæki). Leiðirnar voru tengdar heimildalýsingum á OTIPM
þjónustuferlinu. Notuð var tilfellalýsing við samanburð notkunarmöguleika.
Niðurstöður: Tilfellalýsingin sýnir að nýta megi leiðirnar þrjár og tengja við þrep OTIPM. Leið I:
Stöðluð notkun tveggja raðkvarða tengdum ADL færni og taugaeinkennum sem takmarka
framkvæmd. Leið II: Óstöðluð tilgátuprófun einkenna sem draga úr færni við iðju. Færni við
athafnir aðrar en ADL er metin með fræðigrunni A-ONE. Leið III: Stöðluð notkun A-ONE og tafla
til að umbreyta raðkvarða upplýsingum í mæligildi. Allar leiðirnar nýtast við markmiðssetningu,
íhlutun og endurmat samkvæmt OTIPM.

Ályktun: Markmið með A-ONE mati ásamt færnistigi einstaklingsins ráða mestu um hver þriggja
leiða A-ONE hentar best. Í sumum tilvikum hentar lýsandi túlkun best. Í öðrum er krafist
mælinga. Stundum koma fram rjáfurhrif við ADL mat með A-ONE. Þá hentar vel að meta færni
við framkvæmd annarra athafna með tilgátuprófun byggðri á fræðigrunni A-ONE.