Iðjuþjálfinn - 01.01.2019, Page 93

93

Guðrún Árnadóttir II-grein2019 Malþing: Box II
Gagnsemi handverks í iðjuþjálfun

Lillý H. Sverrisdóttir og Sigþrúður Loftsdóttir

Inngangur: Iðjuþjálfar á endurhæfingardeild Landspítala, Grensási hafa lengi notað ýmis
handverk við þjálfun á hreyfifærni handa og vitrænni færni og fundist slík þjálfun gagnleg.

Markmið: Að kanna hvort notkun handverks til þjálfunar eftir heilaáföll eða önnur áföll tengd
vitrænni færni og máttminnkun í höndum sé árangursrík íhlutunaraðferð.
Aðferðir: Leitað var að gagnreyndum greinum á ensku yfir 10 ára tímabil í gagnagrunnunum
Google, Google.scholar, Pubmed, Medline, CINAHL, Ovid, Proquest, OTseeker, AJOT, OTBASE,
Ebscohost, Scireproject og Oval. Leitarorð voru m.a.: Occupational therapy, art and crafts,
creative activities, leisure activities, handcraft, intervention og stroke rehabilitation.

Niðurstöður: Leitin skilaði sjö greinum, tveimur í vísindastyrk I og einni í flokki III auk
skoðanakannanna, sérfræðiálits og eigindlegrar rannsóknar. Ýmsar greinanna sýna að handverk
og listsköpun hafa jákvæð áhrif á færni við iðju, andlega líðan, áhuga og sjálfsmynd. Engin grein
fannst þó þar sem áhrif handverks á handarfærni og vitræna færni var mæld.

Ályktun: Áhrif listsköpunar og handverks á sálfélagslega þætti virðast vera meira rannsökuð en
áhrif þeirra á hreyfifærni og vitræna þætti. Áhrif handverks á slíka þætti og yfirfærslugildi þess í
daglegt líf hafa hins vegar verið lítið athuguð. Vísbendingar eru um gagnsemi handverks til
þjálfunar en greinileg þörf er á frekari rannsóknum á þessu sviði.