Skólavarðan - 2019, Blaðsíða 14

14 SKÓLAVARÐAN VOR 2019
UMFJÖLLUN / Tækni
T ölvur eiga að vera hluti af allri kennslu. Börn og unglingar þurfa að læra að nota þessi tæki og það
er okkar hlutverk að leiðbeina þeim og
benda þeim líka á hvaða áhrif tæknin
getur haft á þau sjálf,“ segir Anna
María Þorkelsdóttir, kennsluráðgjafi í
Hörðuvallaskóla.
Anna María hóf störf í
Hörðuvallaskóla síðasta haust og
hennar hlutverk er að innleiða nýja
kennsluhætti, aðstoða kennara við
hæfniviðmið, auka þematengd verkefni
og samvinnuverkefni og síðast en ekki
síst vinna að því að nýta tæknina enn
betur í allri kennslu.
Nemendur í 5. til 10. bekk
Hörðuvallaskóla, eins og aðrir
nemendur í Kópavogi, hafa góðan
aðgang að tölvum og allir fá afhentan
Ipad til einkanota. Þá á skólinn líka
nokkrar borðtölvur og nokkra tugi
Chromebook-véla sem eru í mikilli
notkun.
„Við gerum mikið af því að bjóða
nemendum að skila verkefnum eins
og þau vilja. Ágætt dæmi um þetta
er nemandi sem bjó til tölvuleik í
forritun hér og skömmu síðar var lagt
fyrir verkefni í dönsku sem tengdist
tölvuleikjum. Nemandinn gerði sér lítið
fyrir og talsetti tölvuleikinn á dönsku
og setti líka danskan texta undir.
Samþætting af þessu tagi er af hinu
góða,“ segir Anna María.
Færni til framtíðar
Meðal valgreina á unglingastigi má
nefna forritun, kvikmyndagerð og
Makerspace. „Við vorum heppin
með kennara í forritun en hann er
lærður leikjahönnuður og hefur kennt
nemendum að forrita í Unity-forritinu.
Þetta er vinsæl valgrein en ég tel
afar mikilvægt að allir krakkar læri
undirstöðuatriðin í forritun. Við tökum
líka alltaf þátt í forritunarvikunni „Hour
of Code“ en þá hitta eldri nemendur
yngri nemendur og í sameiningu vinna
þau verkefni í forritun.“
UT-nám er ekki sérstakt fag
heldur eiga tölvur að vera hluti af allri
kennslu. „Þannig getum við þjálfað
færni sem nýtist klárlega til framtíðar.
Hlutverk okkar kennara er að leiðbeina
nemendum og benda á aðferðir sem
þeir geta nýtt sér í framtíðinni og
þær eru margar rafrænar. Dæmi um
þetta gæti verið nemandi sem gerir
Toontastic kynningu í íslensku; hann
setur hana inn á Google Classroom-
síðuna fyrir UT-námið og er
þá búin að uppfylla hæfni
sem er ætlast til þar. Þetta
snýst ekki endilega um
hversu færir nemendur
eru í notkuninni heldur
frekar að þeir viti hvaða
möguleikar eru í boði
og hafi kynnt sér þá vel.
Það er mín skoðun að ef
nemandi sem hefur nýtt
sér fjölbreyttar leiðir við
að leysa verkefni og þekkir
hvaða tæki og tól geta gagnast
í náminu og lífinu almenn hafi náð
nauðsynlegri hæfni í upplýsingatækni.“
Anna María hittir hóp nemenda í
viku hverri til að ræða hæfniviðmiðin.
„Við ræðum margt á þessum fundum
en markmiðið er að fá nemendur til að
koma með hugmyndir um hvernig þeir
vilji uppfylla hæfniviðmiðin. Þeir leggja
fram tillögur að verkefnum og bentu
til dæmis á að í samfélagsfræði væri
gert ráð fyrir umræðum og rökræðu.
Þeir sögðust ekki hafa orðið varir við
þetta í kennslustundum en þetta vildu
þeir vinna með, enda væri það hæfni
sem þeir þyrftu að byggja upp fyrir
framtíðina.“
Anna María segir mikilvægt að
kenna krökkum að temja sér skipuleg
Þrautseigja,
lausnamiðun
og sköpun
og fagleg vinnubrögð – það sé góður
grunnur fyrir framtíðina. „Við erum
að vinna með hæfni 21. aldar og hún
snýst meðal annars um þrautseigju,
lausnamiðun og sköpun. Þetta eru
þættir sem munu skipta hvað mestu
máli í framtíðinni. Sá sem klárar flókið
forritunarverkefni sýnir þrautseigju
svo dæmi sé tekið. Tæknin er líka ekki
að fara neitt og börn þurfa að læra að
nota þessi tæki með uppbyggilegum
og góðum hætti,“ segir Anna María
og bætir við krakkarnir sjálfir séu
meðvitaðir um áhrif tækjanna og velti
fyrir sér tölvufíkn.
Anna María
Þorkelsdóttir
Anna María heldur úti áhugaverðri vefsíðu;
kortsen.is. Þar er hafsjór af fróðleik, sem og
blogg og tenglar á ýmsar skemmtilegar síður.