Skólavarðan - 2019, Blaðsíða 56

56 SKÓLAVARÐAN VOR 2019
RADDIR / Barnaþing
Í nóvember n.k. á þrjátíu ára afmæli Barnasátt-málans – samnings Sameinuðu þjóðanna um réttindi barnsins – verður haldið í Reykjavík fyrsta
þing um málefni barna eða barna-
þing. Embætti umboðsmanns barna
skipuleggur þingið en í breytingum sem
gerðar voru á lögum um embættið á
síðasta ári var ákveðið að halda skyldi
barnaþing annað hvert ár með þátttöku
barna sem og alþingismanna, fulltrúa
stofnana ríkis og sveitarfélaga, fulltrúa
frá aðilum vinnumarkaðarins og frjálsra
félagasamtaka.
Barnaþingið í haust verður haldið
í Hörpu dagana 21.- 22. nóvember og
er gert ráð fyrir um 400-500 þátttak-
endum. Í nýsamþykktum breytingum
á lögum um umboðsmann barna er
kveðið á um virka þátttöku barna í
skipulagningu og framkvæmd þingsins.
Fyrirhugað er að dagskrá þingsins
verði skipt í tvennt. Á fyrri deginum
verður formleg dagskrá með erindum
og skýrslum um stöðu barna en síðari
dagurinn verður helgaður umræðum
í þjóðfundarstíl þar sem börn og
fullorðnir eiga samræðu um málefni
sem brenna á börnum. Niðurstöður
þingsins verða kynntar ríkisstjórn og
hlutaðeigandi ráðherrum og er ætlað að
vera mikilvægt framlag í stefnumótun
um málefni barna.
Barnaþingið kemur til með að
verða afar nýstárleg og spennandi leið
sem hefur það að markmiði að virkja
börn til þátttöku í málefnum sem snerta
þau og þjálfa fullorðið fólk til samræðu
við börn. Stefnt er að því að velja hóp
barna með slembivali af öllu landinu
til að tryggja breiðan bakgrunn þeirra.
Umboðsmanni barna er ekki kunnugt
Barnaþing í nóvember
Spennandi tækifæri til að
auka lýðræðisþátttöku barna
Salvör Nordal
umboðsmaður barna
Embættið hefur alla tíð lagt áherslu á að eiga gott samstarf við skólafólk og börn á öllum skólastigum meðal annars með heimsóknum í skóla og sam-
ræðu við skólafólk