Vinnan - 01.03.1995, Blaðsíða 15

i t !)
fullunninn. Nú eru hins vegar
upp hugmyndir um að vinna
karfann meira hér á landi og
nýta hann um leið fyrir aðra
markaði. Þannig er hugsanlegt
að aukið magn af karfa vegi
upp á móti minnkandi þorsk-
magni.
— íslendingar hafa fram að
þessu stillt markaðskerfinu upp
til að sinna veiðinni. Við verð-
um hins vegar að átta okkur á
gildi markaðarins og þjóna
honum. Þróunin á liðnum árum
hefur leitt af sér betri nýtingu á
þorski og öðrum bolfiski en við
getum ekki endalaust nýtt fisk-
inn betur. Islenskar sjávaraf-
urðir er markaðsarmur fram-
leiðenda og telur Sæmundur að
fyrirtækið hafi um það bil 40%
íslenskra framleiðenda á bak
við sig, sem á annað borð eru í
sölusamtökum, á móti Sölu-
miðstöð hraðfrystihúsanna með
um 60% framleiðenda á bak
við sig. Flestir framleiðendur
eru hluthafar og eiga þeir sam-
eiginlega stærstan hlut í IS.
Meginmarkaðir íslenskra sjáv-
arafurða eru Bandaríkin, Bret-
land, Frakkland, Þýskaland og
Japan en viðskipti við þá síð-
astnefndu vega sífellt meira
Loðnuævintýrið er skýrt
dæmi um það hve Japansmark-
aður er að verða mikilvægur
fyrir íslenskar sjávarafurðir.
Starfsemi söluskrifstofa ÍS er
mikilvægur liður í heildarstarf-
semi fyrirtækisins en starfsfólk
þeirra vinnur ötullega í helstu
markaðslöndunum. Leitað er
inn á markaðina með sölu á
nýjum afurðum og tekið er við
fyrirspurnum frá kaupendum
um breytta og bætta vöru. Þró-
unarsetur IS er rekið sem sér-
stök deild sem sérhæfir sig í
vöruþróun og tilraunavinnslu
með þarfir markaðarins í huga.
Samhæfó vinnsla
Sæmundur segir að fram-
leiðsla og fullvinnsla sé sam-
hæfð frá höfuðstöðvum IS á
Kirkjusandi auk þess sem skrif-
stofur ÍS veita ýmiss konar
þjónustu til framleiðenda, svo
sem um stöðu samninga, verð,
afkomumöguleika tiltekinnar
framleiðslu og pakkninga. Al-
þjóðadeild er einnig starfrækt
innan fyrirtækisins og á hennar
vegum er reynt að efla við-
skipti víða erlendis. Nýlega
voru menn meðal annars í
Rússlandi og Víetnam að hlúa
að þeirri starfsemi sem komin
er á og skoða möguleika á
frekara samstarfi.
— Það er stöðugt samband á
milli okkar héma og frystihús-
anna því við erum náttúrlega að
selja afurðir þeirra og því alltaf
að leita að bestu sölumöguleik-
unum. Fiskvinnslufyrirtækin
sérhæfa sig upp að vissu marki
og sinna mismunandi verkefn-
um. Það er samkomulagsatriði
hvert tiltekin fiskvinnslu-
verkefni fara á hverjum tíma,
húsin eru ekki endilega að gera
það sama. Sölusamningum er
því deilt niður á húsin. Sæ-
mundur segir slíkar ákvarðanir
Sœmundur Guðmundsson,
framkvœmdastjóri sölu- og
markaðssviðs Islenskra
sjávarafurða: Islendingar
hafafram að þessu stillt
markaðskerfinu upp til að
sinna veiðinni. Við verðum
hins vegar að átta okkur á
gildi markaðarins og þjóna
honum.
teknar með hliðsjón af hráefni
og afkastagetu fyrirtækjanna.
— Það er hægt að fullvinna
meira hér heima en gert hefur
verið og við erum að vinna í
því, segir Sæmundur. Hann er
sama sinnis og aðrir viðmæl-
endur Vinnunnar að meiri full-
vinnsla hafi aukið aflaverðmæti
landsmanna á undanförnum
árum.
— Fullvinnsla er hins vegar
skilgreiningaratriði því mörg
skref eru stigin eftir að íslensk-
ir sjómenn draga fisk úr sjó þar
til hinn útlendi neytandi horfir
á hann girndaraugum eldaðan
eftir kúnstarinnar reglum á
borðinu fyrir framan sig. Sér-
pakkningar geta verið með
ýmum hætti. Veitingahúsakeðj-
ur fá til dæmis notendapakkn-
ingar sem eru alla jafna stærri
en neytendapakkningar. Fiskur
í neytendapakkningum er mis-
mikið niðurskorinn og mis-
þungur. Bein- og roðlaus flökin
geta verið í raspi eða sósum og
ef þau eru í raspi geta þau
einnig verið forsteikt. Hugtak-
ið fullvinnsla segir okkur næsta
lítið eitt og sér.
Meira af góðri vöru
— Akveðið vinnslustig
hentar einfaldlega ekki hér
heima vegna fjarlægðar frá
markaði. Við erum ekki í stakk
búnir til að standa undir ýmiss
konar framleiðslu sem er í sam-
keppni við stærstu fiskvinnslu-
og matvælafyrirtækin erlendis.
Hvað framtíðina varðar telur
Sæmundur aukið sölu-, mark-
aðs- og þróunarstarf vera lykil-
inn að aukinni arðsemi ís-
lenskra sjávarafurða. Við erum
með góða vöru undir höndum,
það þarf bara að framleiða
meira af henni. Framleiðendur
hafa fjárfest mikið og eru um
þessar mundir að fjárfesta í
framleiðslu- og pökkunartækj-
um og það gefur góð fyrirheit.
VINNAN - TÍMARIT ALÞÝÐUSAMBANDS ÍSLANDS
15