Stefnir - 01.12.1984, Qupperneq 19

107. löggjafarþing 1984-1985.
Samþykkt lög á haustþingi 1984.
1. Lög um álbræðslu við Straumsvík.
2. Lög um br. á I. um heilbrigðisþjónustu.
3. Lög um br. á I. um Verðlagsráð sjávarútvegsins.
4. Lög um br. á I. um lyfjadreifingu.
5. Lög um br. á I. um löggilta endurskoðendur.
6. Lög um br. á I. um skattfrádrátt vegna fjárfestingar í atvinnu-
rekstri.
7. Lög um sérstakan skatt á verslunar- og skrifstofuhúsnæði.
8. Lög um sérstakan barnabótaauka.
9. Lög um br. á I. um tekjustofna sveitarfélaga.
10. Lög um br. á I. um almannatryggingar.
11. Lög um br. á I. um sérstakt tímabundið vörugjald.
12. Lög um heimild fyrir ríkisstjórnina til að selja Landssmiðjuna.
13. Lög um br. á I. um málefni aldraðra.
14. Lög um br. á I. um söluskatt.
15. Lög um br. á I. um tollskrá.
16. Lög um vöruhappdræti SÍBS.
17. Lög um br. á I. um eftirlaun til aldraðra.
18. Lög um br. á I. um tekjuskatt og eignarskatt.
19. Lög um atvinnuréttindi skipstjórnarmanna.
20. Lög um atvinnuréttindi vélfræðinga, vélstjóra og vélavarða á ísl.
skipum.
21. Lög um verðjöfnunargjald af raforku.
22. Lög um br. á I. um veiðar í fiskveiðilandhelgi íslands.
23. Lög um br. á I. um tekjuskatt og eignarskatt.
24. Fjárlög fyrir árið 1985.
...Og nú er Landsmiðjan
farin
Margir minnast þess að á seinni hluta valda-
ferils síðustu samstjórnar Sjálfstæðisflokksins
og Framsóknarflokksins 1974-78 skilaði
nefnd, sem þáv. fjármálaráðherra Matthías Á.
Mathiesen hafði skipað, tillögum um sölu
nokkurra ríkisfyrirtækja. Áður en til fram-
kvæmda kom var sest að völdum vinstri stjórn
á íslandi og nefndarálitinu var með það sama
ýtt til hliðar. Tvö þeirra fyrirtækja sem lagt var til
af nefndinni að seld yrðu voru Siglósíld á Siglu-
firði og Landssmiðjan í Reykjavík. Á liðnu ári
seldi iðnaðarráðherra Siglósíld og nú Lands-
smiðjuna. Enginn vafi leikur á því lengur aö
með sölunni á Siglósíld var brugðið á gott ráð,
þar hefur reksturinn verið miklu kröftugri eftir
að einstaklingar tóku yfir stjórnina. Jafnvel
vinstri mennirnir á Alþingi sem lögðust sem
mest gegn sölunni á liðnu ári sjá nú að sér eins
og heyra mátti í umræðunni á dögunum þegar
rætt var um söluna á Landssmiðjunni. f það
minnsta eru menn miklu varkárari í dómum nú
en þá þótt vissulega væri af sumum gerð til-
raun til undansláttar og jafnvel andstöðu.
Söluverð Landssmiðjunnar er rúmlega 22
milljónir, sem greiðist með 20% útborgun og
verðtryggðum eftirstöðvum til átta ára. Þess
má geta að hið nýja rekstrarfélag starfsmanna
Landssmiðjunnar sem nú eignast fyrirtækið
kaupir ekki fasteignir Landssmiðjunnar, heldur
leigir til 15 ára í það mesta.
Eigendur hins nýja félags eru 23 af 65-70
starfsmönnum fyrirtækisins. Þeir hyggjast með
endurskipulagningu á fyrirtækinu fækka
núverandi starfsfólki um 15-20, án nokkurs
samdráttar í rekstri. Þetta segir sína sögu um
þá möguleika sem eru fyrir hendi hvað varðar
sparnað og betri rekstur ef fyrirtæki ríkisins eru
seld einstaklingum og það kæmi mjög á óvart
ef árangur þessarar sölu yrði ekki jafn
jákvæður og sölunnar á Siglósíld. Sjálfstæðis-
fólk horfir með mikilli velþóknun á þessa þróun
og vonar að framhald verði á. f þessu sam-
bandi er vert að vekja athygli á að menn eiga
að vera samkvæmir sjálfum sér, þannig að á
sama tíma og unnið er markvisst að sölu ríkis-
fyrirtækja sé ekki staðið að því að reisa ný
ríkisfyrirtæki sem fyrirsjáanlega munu eiga
mjög erfitt uppdráttar, fyrirtæki sem betur væru
óreist. Þess ber þó að geta að lög um sum
þessara fyrirtækja hafa aðrir sett og ríkis-
stjórnin þar með af þeim bundin - en lögum
má breyta.
Öryggisbelti
og refsiákvæði
Þingmenn í öllum flokkum standa að frum-
varpi um breytingar á lögum nr. 55 frá 1981
sem nú hefur verið lagt fram. 1981 var það lög-
fest á Alþingi að hver sá sem situr í framsæti
bifreiðar sem búin er öryggisbelti, skuli nota
þau við akstur. Þó skal ekki refsa mönnum fyrir
að nota þau ekki. Sú breyting sem nú stendur
fyrir dyrum er sú að um næstu áramót verður
refsivert að nota ekki öryggisbelti í framsæti
bifreiðar. Sjálfstæðisflokkurinn ætti að athuga
sinn gang vel í málum af þessu tagi, sem virð-
ast renna næsta viðstöðulítið í gegnum þingið.
En um hvað snýsi málið? Fyrst og fremst um
það iivort ríkið eigi að taka að sér að vernda
borgarana fyrir sjálfum sér, þ.e. hvort einstakl-
ingshyggjan eða heildarhyggjan er sett í önd-
vegi. í röksemdafærslunni fyrir lagabreyting-
um af þessu tagi er sagt að hún muni leiða til
færri alvarlegra umferðarslysa, menn meiði sig
minna og kosti þar með þjóðfélagið minna í
sjúkrameðferðum og þess háttar. Það er
m.ö.o. þjóðhagslega hagkvæmt að setja
svona lög, að því gefnu að þau nái tilgangi
sínum. Það ætti að vera Ijóst að þótt góður
hugur fylgi máli þá á sú hugmyndafræði sem
að baki liggurtakmarkað erindi viö Sjálfstæðis-
flokkinn, og er á skjön við stefnu hans. Með
nokkrum dæmum má sýna hvert röksemda-
færsla af sama toga leiðir sé henni fylgt til hins
ítrasta. Ef mælikvarðinn er þjóðhagsleg hag-
kvæmni, þá má með sama móti halda því fram
að það sé þjóðhagslega hagkvæmt að banna
ÁVÍÐOG DREIF
^—M
- Hjá þingflokknum hafa orðið framkvæmda-
stjóraskipti. Sigurbjörn Magnússon laga-
nemi hefur verið ráðinn framkvæmdastjóri í
stað Friðriks Friðrikssonar sem hverfur til
annarra starfa. Sigurbjörn Magnússon lýkur
prófi frá lagadeild Háskóla íslands í vor.
Hann er formaður Heimdallar.
- Matthías Bjarnason heilbrigðis- og sam-
gönguráðherra hefur endurflutt tvo laga-
bálka sem ekki náðu fram á síðasta þingi,
frumvörp til sjómanna- og siglingalaga.
- Albert Guðmundsson hefur lagt fram stjórn-
arfrumvarp til breytinga á lögum um tekju-
og eignarskatt, þannig að með breytingunni
muni menn sem láta af störfum fyrir aldurs
sakir geta dregið að fullu frá skattskyldum
tekjum sínum hreinar launatekjur síðustu
tólf starfsmánuðina.
- Gunnar G. Schram hefur endurflutt nokkrar
þingsályktunartillögur frá síðasta þingi s.s.
um auðlindarannsóknir, endurskoðun á
stjórnsýslulöggjöf, mótttöku útvarpsefnis i
gegnum fjarskiptahnetti.
- Björn Dagbjartsson hefur flutt í samvinnu
við nokkra þingmenn þingsályktunartillögu
um heimaöflun i landbúnaði.
- Salome Þorkelsdóttirhefur ásamt fleiri þing-
mönnum flutt þingsályktunartillögu sem
felur í sér að könnun verði gerð á mögu-
leikum þess að samræma almenningssam-
göngur á höfuðborgarsvæðinu.
- Eyjólfur Konráð Jónsson ásamt fleiri þing-
mönnum hefur flutt þingsályktunartillögu um
skráningu íslenskra búnaðarhátta.
- Pétur Sigurðsson ásamt fleiri þingmönnum
hefur flutt frumvarp um endurmat á störfum
láglaunahópa.
- Þingflokkurinn iheild hefur endurflutt þings-
ályktunartillögu frá síðasta þingi um friðar-
og afvopnunarmái.
- Sérstaka athygli hefur vakið hversu ötulir
stjórnarandstæðingar hafa verið við að
leggja fram þingmál nú á haustþingi og
minnast menn ekki jafn margra mála svo
snemma. Hefur það veriö haft að orði að
engu líkara sé en að stjórnarandstæðingar
óttist að þeir muni aldrei aftur fá tækifæri til
að leggja fram mál á Alþingi. Það er
skemmst frá því að segja að ábyrgðarleysi
á fjármálum ríkisins og sýndarmennska ein-
kennir flest öll þessi mál og sjálfsagt myndu
útgjöld ríkisins tvöfölduð ef öll frumvörpin og
þingsályktanirnar yrðu afgreiddar frá þing-
inu.
- Ellert B. Schram þingmaður Sjálfstæðis-
flokksins í Reykjavík hefur tekið sæti á
Alþingi eftir árs fjarveru. Hann lýsti því yfir í
upphafi þings að nann væri óháður þing-
maður í þeim skilningi að hann væri ekki
stuðningsmaður þessarar ríkisstjórnar né
háður þingflokki Sjálfstæðisflokksins. Enn
hefur ekki á það reynt hvaða hlutverki Ellert
hyggst gegna innan þingsins, hann hefur
engan þingflokksfund sótt og var fjarverandi
þegar atkvæðisgreiðslan um vantraust á
ríkisstjórnina fórfram í haust.
eða fækka bílum (þeir valda jú flestum
slysum), betra væri að allir ferðuðust með
strætisvögnum, banna áfengi og setja lög um
tóbaksreykingar sem hafa að meginmarkmiði
að draga úr tóbaksreykingum. I stefnu flokks-
ins felst efnislega að „hver skuli vera sinnar
gæfu smiður", þannig að opinber afskipti í
þessu viðfangi ættu að takmarkast við að
koma í veg fyrir að menn leggist á vonarvöl,
þ.e. styðja við bakið á þeim sem minna mega
sín. Vandséð er hvernig áðurnefnd lagasetn-
ing fellur innan þess ramma. Þá er ennfremur
vandséð hvort lagasetning af þessu tagi leiði til
þess árangurs sem til var ætlast og erfitt er að
koma auga á hvernig framkvæmdinni skuli
háttað. Verður e.t.v. sami mælikvarði við
hafður og varðandi ölvun við akstur, þannig að
refsing liggi við um leið og gangsetning bif-
reiðar hefur farið fram og ökumaður er ekki í
öryggisbeltum? Umsjónarmaður þingmála er
sannfærður um að of mikillar tilhneigingar gæti
til lagasetningar af þessu tagi bæði hérlendis
og í nágrannalöndunum. Hann álítur enn-
fremur að þrátt fyrirfordæmi annarsstaðarfrá,
þá séu vond iög vond lög hvaðan sem þau eru
ættuð og Sjálfstæðisflokkurinn gerði vel í að
sýna sérstöðu í afgreiðslu lagafrumvarpa af
■■þessu tagi á Alþingi.
2
ÞINGMÁL
ÞINGMÁL
3