Heilbrigðisskýrslur - 01.12.1992, Qupperneq 23

áhrif á akstursskilyrði og eykur slysahættu. Veðráttan hefur einnig margvísleg
önnur áhrif, t.d. á andlega líðan fólks. Hér á eftir fer stutt yfirlit yfir tíðafar áranna
1990 og 1991.
1991:
Tíðarfar var hagstætt. Urkoma var meiri en í meðalári nema suðaustanlands og
á nokkrum stöðvum norðvestantil á landinu. Sólskinsstundir voru í meðallagi miðað
við meðaltöl áranna 1971-1980, en meðaltöl eru til fyrir 5 stöðvar. Veturinn var
hagstæður þrátt fyrir umhleypinga framan af og ofsaveður í byrjun febrúar. Snjór
var lítill. Hiti var 1.2° yfir meðallagi. Vorið var hagstætt, en þó var fremur kalt og
nokkur snjókoma fyrri hluta apríl. Jörð kom vel undan vetri. Hiti var í meðallagi.
Sumarið var hagstætt. Úrkoman var minni en í meðalári nema sum staðar
suðvestanlands. Haustið var talið sæmilega hagstætt, þó var fremur kalt, og í
haustbyrjun var hvassviðrasamt. Hiti var 0.8° undir meðallagi. Úrkoma var mest að
tiltölu á norðaustanverðu landinu og meira en tvöfóld meðalúrkoma á 7 stöðvum. Á
Suðausturlandi og Vesturlandi var hún víðast innan við meðallag (Veðurstofa
íslands 1991).
1992:
Tíðarfar var fremur óhagstætt. Talsverð illviðri gerði, en góðir kaflar komu öðru
hverju. Hiti var 0.3° undir meðallagi. Úrkoma var víðast meiri en í meðalári.
Sólskinsstundir voru færri en að meðaltali árin 1971-1980 samkvæmt meðaltali 5
stöðva. Veturinn var sæmilega hagstæður til landsins. Mikið var um storma í janúar
°S febrúar og vetrarvertíð var erfið. Snjór var lítill. Urkoma var víðast meiri en í
uieðalári. Vorið var fremur hagstætt. Hiti var 0.2° undir meðallagi. Úrkoma var
öieiri en í meðalári víðast hvar á Suðvesturlandi og norður að Isafjarðardjúpi.
Einnig var úrkoman meiri en venja er til á Austurlandi og við strendur
norðaustanlands. Annars staðar var úrkoma innan við meðallag. Sumarið var
óhagstætt. Hiti var 0.8° undir meðallagi. Úrkoma var meiri en í meðalári um mest
aht landið. Aðeins um vestanvert landið var hún yfirleitt undir undir meðallagi.
Haustið var fremur hagstætt, þar til seint í nóvember. Hiti var 0.9° undir meðallagi.
Um meginhluta landsins var úrkoma minni en í meðalári (Veðurstofa íslands 1992).
1-6 Samantekt
Heilbrigðismál eru nátengd samfélagslegum þáttum eins og aldurs- og
kynskiptingu mannfjöldans. Nauðsynlegt er að skoða samsetningu mannfjöldans og
nýta sér þá vitneskju við stefnumörkun í heilbrigðismálum. Fram hefur komið að
löluverðar breytingar hafa orðið og eiga eftir að verða á aldurssamsetningu
Islendinga. Fæðingartíðni hefur farið lækkandi og meðalævi lengst þannig að börn
°g unglingar eru hlutfallslega færri nú en áður en gamalt fólk er hlutfallslega fleira.
Síðustu 10 árin hafa fóstureyðingar verið um eða yfir 700 á ári og 90% þeirra hafa
verið heimilaðar af félagslegum ástæðum eingöngu. Dreifing búsetu hefur tekið
stakkaskiptum en nauðsynlegt er að íhuga vel hvort sama þróun eigi eftir að halda
afram í framtíðinni áður en gerðar verða róttækar breytingar á skipulagi
heilbrigðisþjónustu um landsbyggðina.
19